Choose Fonts Here

Sunday, March 27, 2016

ဝင်စားမှု များပါစေ - ဆင်ခြင်မှု နည်းပါစေ



ထိုအာနာပါနပဋိဘာဂနိမိတ်အာရုံ၌ ရောက်အပ် ရအပ်သော ပထမ
ဈာန်ရှိသော ပထမဈာန်ကို ရသစ်စဖြစ်သော အာဒိကမ္မိကပုဂ္ဂိုလ်သည် ဈာန်
ဝင်စားမှု များပါစေ၊ ဈာန်အင်္ဂါကို ဆင်ခြင်မှု မများပါစေနှင့်။ အပြစ်ကား--
ဈာန်အင်္ဂါကို ဆင်ခြင်ခြင်းများသောသူအား ဈာန်အင်္ဂါတို့သည် ရုန့်ရင်းကုန်
သည်ဖြစ်၍ ထင်လာတတ်ကုန်၏။ ဈာန်အင်္ဂါကို ဆင်ခြင်ခြင်းများသဖြင့်
ဈာန်အင်္ဂါတို့၏ ထင်ထင်ရှားရှား ဖြစ်ပေါ်လာသောကြောင့် ဖြစ်၏။

ပထမဈာန်ကို နိုင်နိုင်နင်းနင်း အ၀ါးဝစွာ ၀င်စားနိုင်မှု စွမ်းအားရှိသည်၏ အဖြစ်သို့
မရောက်စေအပ်သည်၏ အဖြစ်ကြောင့် ဈာန်အင်္ဂါတို့သည် အားမရှိကုန်သည်
ဖြစ်၍ ထင်လာကုန်၏။ ထိုသို့ ထင်လာလတ်သော် ထိုယောဂါဝစရပုဂ္ဂိုလ်အား
ထိုဈာန်အင်္ဂါတို့သည် ရုန့်ရင်းအားနည်းသောအားဖြင့် ထင်လာသည်၏ အဖြစ်
ကြောင့် အာနာပါနဿတိသမာဓိဘာဝနာဖြင့် အထက်ဒုတိယဈာန်သို့ တက်ခြင်း
ငှာ အကြောင်းတရား၏အဖြစ်သို့ မရောက်နိုင်ကုန်။

ထို ယောဂါဝစရပုဂ္ဂိုလ်သည် ပထမဈာန်ကို ၀င်စားမှုများခြင်းဖြင့် နိုင်နိုင်နင်းနင်း အ၀ါးဝစွာ
မပွားစေအပ် မလေ့လာအပ်သည်ရှိသော် အထက်ဒုတိယဈာန်ကို ရစိမ့်သော
ငှာ အားထုတ်ပါသော်လည်း ရောက်အပ် ရအပ်ပြီးသော ပထမဈာန်မှလည်း
ဆုတ်ယုတ်တတ်၏ လျှောကျတတ်၏။

ဒုတိယဈာန်သို့လည်း ရောက်ရှိခြင်းငှာ မစွမ်းနိုင် ရှိတတ်၏။ (၀ိသုဒ္ဓိ၊၁၊၁၄၈။ မဟာဋီ၊၁၊၁၇၈။)
(ထိုကြောင့် နှစ်စက္ကန့် သုံးစက္ကန့်မျှသာ ဆင်ခြင်စေခြင်းဖြစ်သည်။)

"ဖားအောက်တောရဆရာတော်"
http://bhikkhudhamma.blogspot.com/

No comments:

Post a Comment