Choose Fonts Here

Tuesday, March 22, 2016

အနုပ္ပါဒနိရောဓနှင့် ဥပ္ပါဒနိရောဓ



အ၀ိဇ္ဇာ တဏှာ ဥပါဒါန်တို့သည် မည်သည့်အခါ၌ ချုပ်ငြိမ်းသွားကြ
မည်နည်း၊ ခန္ဓာတို့သည်လည်း မည်သည့်အခါ၌ ချုပ်ငြိမ်းသွားကြမည်နည်းဟု
မေးရန် ရှိ၏။

အ၀ိဇ္ဇာနိရောဓာ ရူပနိရောဓောတိ ။ ပ ။
ပစ္စယယာဘာဝေ အဘာဝတော။ (မဟာဋီ၊၂၊၄၂၁။)

အ၀ိဇ္ဇာ တဏှာ ဥပါဒါန်တို့သည် အရဟတ္တမဂ် ဆိုက်ရောက်သည့်
အချိန်၌ အရဟတ္တမဂ်ဉာဏ်နှင့် အသင်္ခတဓာတ် အငြိမ်းဓာတ်နိဗ္ဗာန်တို့
ပေါင်းဆုံမိသောအခါ အသင်္ခတဓာတ် အငြိမ်းဓာတ်နိဗ္ဗာန်တရားတော်မြတ်၏
အာရမ္မဏပစ္စယသတ္တိဖြင့် ကျေးဇူးပြုပေးမှု အရှိန်အ၀ါသတ္တိထူးကြီးကို ဆက်ခံ
ရသော အရဟတ္တမဂ်ဉာဏ်က ပယ်သတ်လိုက်သည့်အတွက် နောက်ထပ်
တစ်ဖန် မည်သည့်အခါမှ ပြန်မဖြစ်နိုင်သော ချုပ်ခြင်းဖြင့် ချုပ်ငြိမ်းသွားကြ၏။
ယင်းသ့ို နောင်တစ်ဖန် မဖြစ်သော ချုပ်ခြင်းဖြင့် ချုပ်မှုကို အနုပ္ပါဒနိရောဓ
ဟု ခေါ်ဆို၏။

အ၀ိဇ္ဇာ တဏှာ ဥပါဒါန်တို့ အနုပ္ပါဒနိရောဓသဘောအားဖြင့် ချုပ်ငြိမ်း
သွားသည့်အခါ ဘ၀သစ်ကို တွယ်တာမက်မောနေသည့် တဏှာအဖော်
သဟာယ်ကို ရရှိပါမှသာလျှင် ဘ၀သစ်ဟူသော အကျိုးခန္ဓာကို ဖြစ်စေနိုင်
သော သင်္ခါရ ကံတို့သည်လည်း အ၀ိဇ္ဇာနှင့် တဏှာ အဖော်သဟာယ်ကို
မရရှိသဖြင့် ဘ၀သစ်ဟူသော အကျိုးခန္ဓာကို ဖြစ်စေနိုင်သည့် စွမ်းအင်များ
လည်း ကုန်ခန်းသွားပြီ ဖြစ်၏။ ထို့ကြောင့် အ၀ိဇ္ဇာ တဏှာ ဥပါဒါန် သင်္ခါရ
ကံတို့သည် အရဟတ္တမဂ်ကြောင့် အနုပ္ပါဒနိရောဓသဘောအားဖြင့် ချုပ်ငြိမ်း
သွားကြ၏ဟု ဆိုရ၏။

အကြောင်းတရားတို့၏ အနုပ္ပါဒနိရောဓသဘောအားဖြင့် ချုပ်ငြိမ်း
သွားခြင်းကြောင့် အကြောင်းတရား မရှိတော့သည့်အတွက် အကျိုးခန္ဓာ
တို့လည်း မရှိနိုင်တော့ရကား အကျိုးခန္ဓာတို့လည်း ပရိနိဗ္ဗာနစုတိကို
နောက်ဆုံးထားပြီး ပရိနိဗ္ဗာနစုတိ၏ နောက်ဆွယ်၌ နောင်တစ်ဖန် မဖြစ်သော
ချုပ်ခြင်းဟု ခေါ်ဆိုအပ်သည့် အနုပ္ပါဒနိရောဓ သဘောအားဖြင့် ချုပ်ငြိမ်း
သွားကြ၏။

အကြောင်းတရားတို့၏ အနုပ္ပါဒနိရောဓသဘောအားဖြင့် ချုပ်ငြိမ်းမှုကို
သဥပါဒိသေသနိဗ္ဗာန်ဟုလည်းကောင်း၊ အကျိုးခန္ဓာတို့၏ အနုပ္ပါဒနိရောဓ
သဘောအားဖြင့် ချုပ်ငြိမ်းမှုကို အနုပါဒိသေသနိဗ္ဗာန်ဟုလည်းကောင်း
ခေါ်ဆိုပေသည်။

ယင်းသို့ ပရိနိဗ္ဗာနစုတိသို့ မဆိုက်မီ အတွင်းဝယ် အကြောင်းတရားနှင့်
တကွသော ခန္ဓာတို့၏ ခဏမစဲ တသဲသဲ ဖြစ်မှု ပျက်မှုသည်ကား အကြောင်း
တရားများ လုံးဝ မချုပ်ငြိမ်းကြသေးသဖြင့် အကြောင်းတရားတို့က ဖြစ်ပေါ်
အောင် ကျေးဇူးပြုပေးနေသည့်အတွက် အကျိုးတရားတို့လည်း ချုပ်ပျက်ပြီး
နောက် ထပ်ဖြစ်ကြသေး၏။ ပရိနိဗ္ဗာန် မစံမချင်း ထိုနည်းနှင်နှင် သွားကြ၏။

ယင်းကဲ့သို့ ပျက်ပြီးနောက် နောင်တစ်ဖန် ဖြစ်ခွင့်ရှိသော ပျက်မှု (= ချုပ်မှု)ကို
ဥပ္ပါဒနိရောဓ (= နောင်တစ်ဖန် ဖြစ်ခွင့်ရှိသော ချုပ်ပျက်နည်း)ဟု ခေါ်ဆို၏။

"ဖားအောက်တောရဆရာတော်"

www.bhikkhudhamma.blogspot.com

No comments:

Post a Comment