ဝိဝေကသုံးဖြာကို အတုလိုက်ကာ ကျင့်ကြသူများ

ငါ့ရှင်တို့ ...ဤသာသနာတော်ဝယ် နတ်လူတို့၏ ဆရာတစ်ဆူ
ဖြစ်တော်မူသည့် ဘုရားရှင်သည် ၀ိဝေကသုံးဖြာကို မှီတင်းကာ
သီတင်းသုံး နေထိုင်တော်မူ၏။ ဘုရားရှင်၏ တပည့်သာဝက ဖြစ်ကြသည့်
(ထေရ မဇ္ဈိမ န၀) ဟူသည့် ရဟန်းတော်တို့သည် ဘုရားရှင်သို့
အတုလိုက်ကာ ၀ိဝေကသုံးဖြာကို အစဉ်တစိုက် ကျင့်ကြံကြိုးကုတ်
ပွားများ အားထုတ်ကြ၏။

၁။ ဘုရားရှင်က ပယ်စွန့်ဖို့ရန် ဟောကြားထားတော်မူသည့် တရား
တွေကိုလည်း ပယ်စွန့်ကြ၏။
၂။ ပစ္စည်းလေးပါး ပေါများဖို့ရန်လည်း မကျင့်ကြပေ။ သာသနာတော်မှာ
လာရှိသည့် သီလကျင့်စဉ် သမာဓိကျင့်စဉ် ပညာကျင့်
စဉ်တွေကို လျော့လျော့ရဲရဲ မယူဆကြပေ။ အလေးအနက်
ထားကြ၏။
၃။ အောက်အပါယ်ဘုံသို့ သက်ဆင်းစေတတ်သည့် နီဝရဏတရား
ငါးပါးကို ပယ်စွန့်ထားကြ၏၊ ဥပဓိလေးဖြာတို့မှ ကင်းဆိတ်ရာ
ဖြစ်သည့် နိဗ္ဗာန်တရားတော်မြတ်ကို ရရှိဖို့ရန် ကြိုးစားအား
ထုတ်ရမည့် တာဝန်ဝတ္တရားကို ရှေ့တန်းတင်ထားကြ၏။

ငါ့ရှင်တို့ ...ထိုတပည့်သာဝကတို့တွင် ထေရဖြစ်တော်မူကြသည့်
ရဟန်းတော်တို့သည် သုံးမျိုးကုန်သော အကြောင်းတရားတို့ဖြင့်
ချီးမွမ်းထိုက်သည့် ပုဂ္ဂိုလ်တို့ ဖြစ်ကြ၏။

၁။ ဘုရားရှင်သည် ၀ိဝေကသုံးဖြာကို မှီတင်းကာ သီတင်းသုံး-
နေထိုင်တော်မူသကဲ့သို့ ဘုရားရှင်၏ တပည့်သာဝကတို့သည်
ဘုရားရှင်ကို အတုလိုက်ကာ ၀ိဝေကသုံးဖြာတို့ကို ရရှိအောင်
အစဉ်လိုက်ကာ ကျင့်ကြံကြိုးကုတ် ပွားများအားထုတ်ကြ၏
ဟူသည့် ဤပထမအကြောင်းတရားဖြင့်လည်း ချီးမွမ်းထိုက်
ကြ၏။
၂။ ဘုရားရှင်က ပယ်စွန့်ဖို့ရန် ဟောကြားထားတော်မူသည့် (လောဘ
ဒေါသ မောဟ စသည့်) တရားတို့ကို ပယ်စွန့်ခြင်း ဟူသည့်
ဤဒုတိယအကြောင်းတရားဖြင့်လည်း ချီးမွမ်းထိုက်ကြ၏။
၃။ ပစ္စည်းလေးပါး ပေါများရန် မကျင့်ကြခြင်း, သာသနာတော်မှာ
လာရှိသည့် သီလကျင့်စဉ် သမာဓိကျင့်စဉ် ပညာကျင့်စဉ်တွေကို
လျော့လျော့ရဲရဲ မယူဆကြဘဲ အလေးအနက် ထားကြခြင်း,
အောက်အပါယ်ဘုံသို့ သက်ဆင်းစေတတ်သည့် နီဝရဏတရား
ငါးပါးကို ပယ်စွန့်ထားခြင်း, ဥပဓိလေးဖြာတို့မှ ကင်းဆိတ်ရာ
ဖြစ်သည့် နိဗ္ဗာန်တရားတော်မြတ်ကို ရရှိဖို့ရန် ကြိုးစားအား
ထုတ်မှုကို ရှေ့တန်းတင်ထားခြင်းဟူသည့် ဤတတိယအကြောင်း
ဖြင့်လည်း ချီးမွမ်းထိုက်ကြ၏။ (မဇ္ဈိမရဟန်း န၀ရဟန်းတို့၌လည်း
ပုံစံတူပင် မှတ်ပါလေ)

ငါ့ရှင်တို့ ...ဤမျှလောက်သော အတိုင်းအရှည်ဖြင့် ထေရ
(မဇ္ဈိမ, န၀) ဖြစ်ကြသည့် ဘုရားရှင်၏ တပည့်သာဝကတို့သည်
ဘုရားရှင်ကို အတုလိုက်ကာ ၀ိဝေကသုံးဖြာကို ကျင့်နေကြသည်
မည်ပါ၏။ (မ၊၁၊၁၈-၁၉။)

"ဖားအောက်တောရဆရာတော်"
www.bhikkhudhamma.blogspot.com