ရုပ်ကမ္မဋ္ဌာန်းပိုင်း(ဓာတ်ကမ္မဋ္ဌာန်းပိုင်း)

ဓာတ်ကမ္မဋ္ဌာန်းအကျဉ်းနည်း
(အဘိ၊ဋ္ဌ၊၂၊၂၅၂။ မ၊ဋ္ဌ၊၁၊၂၈၀။ ဒီ၊ဋ္ဌ၊၂၊၃၁၄။)
သမထပိုင်း၌ သမထကမ္မဋ္ဌာန်း (၄၀) ရှိ၏၊ သမာဓိပိုင်းတည်း။ ၀ိပဿနာပိုင်း
၌ကား ရုပ်ကမ္မဋ္ဌာန်း နာမ်ကမ္မဋ္ဌာန်းဟု နှစ်မျိုး ရှိ၏။ ရူပပရိဂ္ဂဟ =
ရုပ်ကို သိမ်းဆည်းခြင်း ဉာဏ်ဖြင့် ပိုင်းခြားယူခြင်း၊ အရူပပရိဂ္ဂဟ = နာမ်ကို
သိမ်းဆည်းခြင်း ဉာဏ်ဖြင့် ပိုင်းခြားယူခြင်းဟုလည်း ခေါ်ဆို၏။ ထိုနှစ်မျိုးတို့
တွင် ဘုရားရှင်သည် ရုပ်ကမ္မဋ္ဌာန်းကို ဟောကြားတော်မူလတ်သော် ---
၁။ အကျဉ်းနှလုံးသွင်းနည်း၏ အစွမ်းဖြင့်သော်လည်းကောင်း၊
၂။ အကျယ်နှလုံးသွင်းနည်း၏ အစွမ်းဖြင့်သော်လည်းကောင်း
စတုဓာတု၀၀တ္ထာန် အမည်ရသော ဓာတ်ကြီးလေးပါးတို့၏ ကိုယ်ပိုင်
သဘာဝလက္ခဏာကို ဉာဏ်ဖြင့် ပိုင်းခြားယူကြောင်းဖြစ်သော ဓာတ်ကမ္မဋ္ဌာန်း
ကို ဟောကြားတော်မူခဲ့လေသည်။ (အဘိ၊ဋ္ဌ၊၂၊၂၅၂။ မ၊ဋ္ဌ၊၁၊၂၈၀။ ဒီ၊ဋ္ဌ၊၂၊၃၁၄၊၊)

ထိုနှစ်မျိုးတို့တွင် ဤကျမ်း၌ ဓာတ်ကမ္မဋ္ဌာန်း အကျဉ်းရှုပွားနည်းကို
ရှေးဦးစွာ ရေးသားတင်ပြ၍ ဓာတ်ကမ္မဋ္ဌာန်း အကျယ်ရှုပွားနည်းကို နောက်တွင်
ဆက်လက်၍ ရေးသားတင်ပြမည် ဖြစ်သည်။
ရဟန်းတို့ ...နောက်တစ်မျိုးသော်ကား ယောဂါဝစရ ရဟန်းတော်
သည် တည်မြဲတိုင်းသော ထားမြဲတိုင်းသော ဤခန္ဓာကိုယ်ကြီးကိုပင်လျှင် "ဤ
ခန္ဓာကိုယ်ကြီး၌ ပထ၀ီဓာတ်သည် ရှိ၏၊ အာပေါဓာတ်သည် ရှိ၏၊ တေဇော
ဓာတ်သည် ရှိ၏၊ ၀ါယောဓာတ်သည် ရှိ၏"ဟု ဓာတ်သဘောအားဖြင့် အသီး
အသီး တစ်လုံးစီ တစ်လုံးစီ ဆင်ခြင်သုံးသပ်ရှုပွား၍ နေပေ၏။ (မ၊၁၊၇၃။)
ဤအထက်ပါ ဒေသနာတော်ကား မဟာသတိပဋ္ဌာနသုတ္တန် ဓာတု
မနသိကာရပိုင်းတွင် လာရှိသော ဓာတ်ကမ္မဋ္ဌာန်း ပြည်တည်ခန်းပင် ဖြစ်၏။

ယောဂါဝစရပုဂ္ဂိုလ်သည် ဤရူပကာယခန္ဓာကိုယ်ကြီး၏ အရိုးကြား၊အကြော
ကြား၊ အသားကြား၊ အရေကြားသို့ ဉာဏ်တည်းဟူသော လက်ကို သွင်း၍
ဉာဏ်ဖြင့် စိုက်၍ ပထ၀ီဓာတ် အာပေါဓာတ် တေဇောဓာတ် ၀ါယောဓာတ်
ဟူသော ဓာတ်ကြီးလေးပါးတို့၏ ကိုယ်ပိုင်သဘာဝလက္ခဏာ အသီးအသီးကို
ဉာဏ်ဖြင့် သိအောင် မြင်အောင် ကြည့်ရှုရမည်ဖြစ်သည်။ အကယ်၍ ဤကဲ့သို့
လွယ်လွယ်ကူကူဖြင့် မရှုတတ်သေး မမြင်သေးပါက ဤခန္ဓာကိုယ်၏ အရိုး
ကြား၊ အကြောကြား၊ အသားကြား၊ အရေကြားသို့ ဉာဏ်တည်းဟူသော လက်
ကို သွင်း၍ ဦးခေါင်းမှသည် ခြေထောက်သို့ တိုင်အောင် ခြေဆုံး ခေါင်းဆုံး
အောက်ပါအတိုင်း ရှုပါ။

(ယောဂါဝစရပုဂ္ဂိုလ် အနေဖြင့် အာနာပါနဖြင့်ဈာန်သမာဓိများ အဆင့်ဆင့်မရခဲ့သော်လည်း
ယခုဓာတ်ကမ္မဋ္ဌာန်း အားထုတ်နည်းဖြင့်လည်း အားထုတ်ကာ ဝိပဿနာသို့ ကူးနိုင်ပါတယ် ။
သို့ရာတွင်အနီးကပ်သင်ကြားပေးသော ဆရာမရှိပါက အခက်အခဲအနည်းငယ်ဖြစ်တတ်ပါတယ်။
ဓာတ်များ၏ဖောက်ပြန်မှုကို ဖြေဖျောက်ဖို့ရာ အနီးကပ်ဆရာ၏ ညွန်ကြားမှုလိုအပ်ပါတယ်။
ယခုအခါ၌ အာနာပါနမှစ၍ ဈာန်သမာဓိ အဆင့်ဆင့်တက်ကာ ဓာတ်ကမ္မဋ္ဌာန်းအဆင့်ဆင့်သွားပုံကို
တင်ပြပေးပါမယ်။ ဈာန်သမာဓိမရသေးသော သူတော်ကောင်းအနေဖြင့် ဈာန်သမာဓိ ပြုလုပ်ရမည့်နေရာအား
ချန်ထား၍ အားထုတ်နိုင်ပါတယ်။)



မဟာဘုတ်ဓာတ်ကြီး (၄) ပါး=၁၂လုံး
..............................................
၁။ ပထ၀ီဓာတ်
ဂရုပထ၀ီ (၃) မျိုိးး လဟုပထ၀ီ (၃) မျိုး
၁။ မာမှု သဘော ၄။ ပျော့မှု သဘော
၂။ ကြမ်းမှု သဘော ၅။ ချောမှု သဘော
၃။ လေးမှု သဘော ၆။ ပေါ့မှု သဘော
၂။ အာပေါဓာတ်
၁။ ယိုစီးမှု သဘော ၂။ ဖွဲ့စည်းမှု သဘော
၃။ တေဇောဓာတ်
၁။ ပူမှု သဘော ၂။ အေးမှု သဘော
၎။ ၀ါယောဓာတ်
၁။ ထောက်ကန်မှု သဘော ၂။ တွန်းကန်မှု သဘော
မာ-ကြမ်း-လေး၊ ပျော့-ချော-ပေါ့ကား ပထ၀ီဓာတ်၏ သဘာဝလက္ခ
ဏာ၊ ယိုစီး-ဖွဲ့စည်းကား အာပေါဓာတ်၏ သဘာဝလက္ခဏာ၊ ပူ-အေးကား
တေဇောဓာတ်၏ သဘာဝလက္ခဏာ၊ ထောက်ကန်မှုသဘောကား ၀ါယော
ဓာတ်၏ သဘာဝလက္ခဏာ၊ တွန်းကန်မှုသဘောကား ၀ါယောဓာတ်၏ လုပ်ငန်း
ကိစ္စရပ် ဖြစ်သည်။
မာ-ကြမ်း-လေး၊ ပျော့-ချော-ပေါ့-ယိုစီး-ဖွဲ့စည်း-ပူ-အေး-ထောက်ကန်မှုသဘော-
တွန်းကန်မှုသဘော ပေါင်း ၁၂လုံးဖြစ်ပါတယ် ။

ဓာတ်ကမ္မဋ္ဌာန်းပိုင်း ရှုကွက်
....................................
ရှေးဦးစွာ မိမိ ရရှိထားပြီးသည့် အာနာပါန စတုတ္ထဈာန် သမာဓိကို
တစ်ဖန် ပြန်၍ ထူထောင်ပါ။ အလိုရှိပါက သြဒါတကသိုဏ်း စတုတ္ထဈာန်
သမာဓိအထိ သမာဓိကို ထူထောင်ပါ။ (တရားထိုင်တိုင်း သမာဓိကို ထူထောင်
ရန် မမေ့ပါနှင့်။) ထိုနောင် ---
၁။ မာ-မှု ထင်ရှားသည့် တစ်နေရာက စ၍ မာမှုသဘောကို ဦးခေါင်းမှ
သည် ခြေဖျားသို့ တိုင်အောင် တစ်ကိုယ်လုံး၌ အနှံ့အပြား မြင်အောင်
ရှုပါ။ အလားတူပင် ---
၂။ ကြမ်းမှု ထင်ရှားသည့် တစ်နေရာကစ၍ ကြမ်းမှုသဘောကိုလည်းကောင်း
၃။ လေးမှု ထင်ရှားသည့် တစ်နေရာကစ၍ လေးမှုသဘောကိုလည်းကောင်း
၎။ ပျော့မှု ထင်ရှားသည့် တစ်နေရာကစ၍ ပျော့မှုသဘောကိုလည်းကောင်း
၅။ ချောမှု ထင်ရှားသည့် တစ်နေရာကစ၍ ချောမှုသဘောကိုလည်းကောင်း
၆။ ပေါ့မှု ထင်ရှားသည့် တစ်နေရာကစ၍ ပေါ့မှုသဘောကိုလည်းကောင်း
၇။ ယိုစီးမှု ထင်ရှားသည့် တစ်နေရာကစ၍ ယိုစီးမှုသဘောကိုလည်းကောင်း
၈။ ဖွဲ့စည်းမှု ထင်ရှားသည့် တစ်နေရာကစ၍ ဖွဲ့စည်းမှုသဘောကိုလည်းကောင်း
၉။ ပူမှု ထင်ရှားသည့် တစ်နေရာကစ၍ ပူမှုသဘောကိုလည်းကောင်း
၁၀။ အေးမှု ထင်ရှားသည့် တစ်နေရာကစ၍ အေးမှုသဘောကိုလည်းကောင်း
၁၁။ ထောက်ကန်မှု ထင်ရှားသည့် တစ်နေရာကစ၍ ထောက်ကန်မှု သဘောကိုလည်းကောင်း
 ၁၂။ တွန်းကန်မှု ထင်ရှားသည့် တစ်နေရာကစ၍ တွန်းကန်မှုသဘောကို
ဦးခေါင်းမှသည် ခြေဖျားသို့တိုင်အောင် တစ်ကိုယ်လုံး၌ အနှံ့အပြား
မြင်အောင် ရှုပါ။

ဤ (၁၂)မျိုးသော ဓာတ်သဘောတရားတို့တွင် မည်သည့်သဘော
တရားကို မဆို ရှုပါက တစ်ကိုယ်လုံး၌ ပြန့်နေပါစေ၊ တစ်ကိုယ်လုံး၌ အနှံ့အ
ပြား မြင်ပါစေ။ ရှေးဦးစွာ မာမှုသဘောကို တစ်ကိုယ်လုံး အနှံ့အပြား မြင်
အောင် ရှုကြည့်ပါ။ အောင်မြင်မှု ရရှိပါက ကျန်ဓာတ်များကိုလည်း ဆက်ရှုပါ။
အကယ်၍ မအောင်မြင်ပါက တွန်းကန်မှုသဘောက စ၍ ရှုကြည့်ပါ။ တွန်း
ကန်မှုသဘောသည် ကျန်ဓာတ်သဘောတရားများကို ဉာဏ်ဖြင့်တွေ့မြင်ဖို့ရန်
များစွာ အထောက်အကူ ပြုပေသည်။

ဝ-လုံးတန်းက စပါ
.........................
ရှေးကပြခဲ့သလို ဒေသနာစဉ်တိုင်းမရပါက ထင်ရှားသောဓာတ်မှ
စတင်ရှုနိုင်ပါတယ် ။
ဗျည်း (၃၃)လုံးတွင် က-ကြီး, ခ-ခွေးက စသည် မှန်သော်လည်း
ကလေးသူငယ်တစ်ဦးကို သင်ပေးရာ၌ ၀-လုံးက လွယ်ကူသဖြင့် ၀-လုံးတန်း
က စ၍ သင်ပြပေးရသကဲ့သို့ အလားတူပင် ၀ါယောဓာတ်၏ တွန်းကန်မှု
သဘောမှာလည်း ၀-လုံးနှင့် တူနေ၏။ ယောဂီအများစု၌ ရှု၍ လွယ်ကူသည်
ကို တွေ့ရ၏။ ထို့ကြောင့် အထက်ပါစနစ်ဖြင့် မအောင်မြင်ပါက ၀-လုံးတန်းက
စရှုကြည့်ပါ။

အသင်သူတော်ကောင်းသည် ဦးခေါင်း၏ အလယ်ဗဟိုလောက်တွင်
ဘာဝနာစိတ်ကို စိုက်ထားပါ၊ အသက်ရှူသွင်းလိုက်သောအခါ အသက်ရှူ
ထုတ်လိုက်သောအခါ တွန်းကန်နေသည့် သဘောကို ထိုနေရာ၌ ဉာဏ်ဖြင့်
စိုက်၍ ရှုကြည့်ပါ။ အသက်ရှူသွင်းလိုက်တိုင်း ရှူထုတ်လိုက်တိုင်း တွန်း
နေသည့်သဘောကို ဉာဏ်ဖြင့် စူးစူးစိုက်စိုက် ကြည့်ပါ၊ လေကို မကြည့်ပါနှင့်။
ဆွမ်းလုတ်ကို ၀ါးသောအခါ ပါးအတွင်း၌ တွန်းကန်နေသည့် ပုံစံမျိုး ဖြစ်
သည်။ တွန်းကန်မှုသဘောကို တွေ့ရှိသောအခါ ထိုတွန်းကန်မှုသဘော၌သာ
ဘာဝနာစိတ်ကို ငြိမ်ဝပ်စွာ ကပ်ထားပါ။
ဤစနစ်ဖြင့်လည်း အောင်မြင်မှုကို မရရှိပါက မိမိ ရရှိထားပြီးသည့်
အာနာပါနစတုတ္ထဈာန်သမာဓိကိုç အလိုရှိပါက သြဒါတကသိုဏ်း စတုတ္ထဈာန်
သမာဓိကို တစ်ဖန် ပြန်၍ ထူထောင်ပါ။ သမာဓိ၏စွမ်းအင်များ ပြည့်ဝလာ
သော အခါ၌ တွန်းကန်မှုသဘောကို အထက်ပါ အတိုင်း တစ်ဖန် ပြန်၍ ရှု
ကြည့်ပါ။

အာနာပါနစတုတ္ထဈာန်သမာဓိ သို့မဟုတ် သြဒါတကသိုဏ်း စတုတ္ထ
ဈာန်သမာဓိတို့မှာ (ဤကျမ်းစာ၌ ရေးသားတင်ပြထားသည့်အတိုင်း ဆိုရမူ)
အသင်သူတော်ကောင်း၏ ၀ိပဿနာ၏ အခြေပါဒက အကြောင်းရင်းဈာန်ပင်
ဖြစ်သည်။ ယင်းသမာဓိကို စွမ်းအင် ပြည့်ဝလာအောင် လင်းရောင်ခြည် စွမ်း
အင်များ အားကောင်းလာသည့်တိုင်အောင် ထူထောင်ပါ။ တရားထိုင်တိုင်း
အခက်အခဲရှိတိုင်း လိုက်နာပြုကျင့်ရမည့် ဥပဒေသ တစ်ခု ဖြစ်သည်။

တွန်းကန်မှုသဘောကို ဦးခေါင်းအတွင်း၌ ထင်ထင်ရှားရှား တွေ့မြင်
သောအခါ ထိုတွန်းကန်မှု သဘောတရားအပေါ်၌ ဘာဝနာစိတ်ကို ငြိမ်ဝပ်စွာ
ကပ်ထားပါ။ တွန်းကန်မှုသဘောတရားအပေါ်၌ ဘာဝနာစိတ်သည် ငြိမ်ဝပ်
စွာ ကပ်၍ တည်နေသောအခါ ယင်းတွန်းကန်မှု သဘောတရားသည်လည်း
အလွန် ထင်ရှားလာမည် ဖြစ်သည်။ ထင်ရှားလာသောအခါ ဦးခေါင်း၏ အ
တွင်းပိုင်းမှသည် ဦးခေါင်း၏ အပြင်ဘက်သို့တိုင်အောင် တစ်စတစ်စ တဖြည်း
ဖြည်း တွန်းကန်မှုသဘောတရားကို ထင်ထင်ရှားရှား မြင်တွေ့အောင် ဉာဏ်
ဖြင့် လိုက်ကြည့်ပါ။ အရိုးကြား၊ အကြောကြား၊ အသားကြား၊ အရေကြားသို့
ဉာဏ်တည်းဟူသော လက်ကို သွင်း၍ လိုက်ကြည့်ပါ။ ဦးခေါင်း တစ်ခုလုံး၌
တွန်းကန်မှုသဘောတရားကို ထင်ထင်ရှားရှား တွေ့မြင်သောအခါ လည်ပင်း
ရင်ဘတ် ၀မ်းဗိုက်စသည် ခန္ဓာကိုယ်တစ်ခုလုံးသို့ ဉာဏ်ကို စေလွှတ်၍ အရိုး
ကြား၊ အကြောကြား ၊အသားကြား၊ အရေကြားသို့ ဉာဏ်တည်းဟူသော လက်
ကို သွင်း၍ လိုက်ရှုပါ။ တစ်ကိုယ်လုံး၌ ခြေဆုံးခေါင်းဆုံး တွန်းကန်မှုသဘော
တရားကို ထင်ထင်ရှားရှား တွေ့မြင်သောအခါ အသင်သူတော်ကောင်းသည်
ဓာတ်သဘောတရားတစ်ခုကို ရှုပွားမှု၌ အောင်မြင်သွားပြီ ဖြစ်သည်။ ၀-လုံး
တစ်လုံးကို ၀ိုင်းစက်အောင် ရေးတတ်သွားပေပြီ။ အကယ်၍ ၀င်လေ ထွက်
လေ၌ တွန်းကန်မှုသဘောကို စိတ်စိုက်ရှုသော်လည်း ထင်ထင်ရှားရှား မတွေ့
၍သော်လည်းကောင်း ၀မ်းဗိုက်မှ စတင်၍ ရှုရန် စိတ်က ပို၍ ထက်သန်နေ
သော်လည်းကောင်း ထိုအခါမျိုး၌လည်း ၀မ်းဗိုက်ဝယ် တွန်းကန်မှု ထင်ရှားရာ
နေရာမှစ၍ တစ်ကိုယ်လုံး၌ တွန်းကန်မှုသဘောတရားကို မြင်အောင် အလား
တူပင် ဆက်ရှုနိုင်ပေသည်။

မာ-ကြမ်း-လေး-ထောက် ကိုရှုပါ
...............................
တွန်းကန်မှုသဘောတရားတစ်ခုကို ခန္ဓာအိမ်တစ်ခုလုံး၌ အနှံ့အပြား
ထင်ထင်ရှားရှား တွေ့မြင်သောအခါ နည်းတူပင် မာမှု ထင်ရှားသည့် တစ်နေ
ရာက စ၍ အထူးသဖြင့် သွားနှစ်ခုထိထားသည့် နေရာက စ၍ မာမှု သဘော
တရားကို တစ်ကိုယ်လုံး အနှံ့အပြား မြင်အောင် ဆက်ရှုပါ။ ထင်ရှားလာသော
အခါ တွန်းမှု မာမှု သဘောတရားနှစ်မျိုးကို ကြိမ်ဖန်များစွာ ထပ်ကာ ထပ်ကာ
ရှုပါ။ ဣရိယာပုထ် လေးပါးလုံး၌ ကွေးရာ ဆန့်ရာ စသည့် ကိုယ်အမူအရာ
အားလုံးတို့၌လည်း ယင်း တွန်းမှု မာမှု ဓာတ်များကို ရှုနိုင်အောင် ကြိုးစားပါ။

တွန်းမှု မာမှု သဘောတရားနှစ်ခုကို ထပ်ကာထပ်ကာ ရှုခဲ့သော် ကျန်းမှု
(= ကျန်းတန်းမှု = ကြမ်းတမ်းမှု) သဘောကို ဉာဏ်ဖြင့် တွေ့မြင်လာတတ်
သည်။ ခန္ဓာကိုယ်ကို သဲဖြင့် ပွတ်သပ်သကဲ့သို့ ကျန်းမှုသဘောကို တွေ့မြင်
တတ်သည်။ မတွေ့သော် ကျန်းမှု ထင်ရှားသည့် တစ်နေရာက စ၍ ကျန်းမှု
သဘောကို မြင်အောင် ရှုပါ။ လက်ဖ၀ါးကို ပက်လက်လှန်၍ လက်ဖမိုးဖြင့်
အ၀တ်ကို ပွတ်ကြည့်ပါ။ အပေါ်အံသွားထိပ်ကို လျှာဖြင့် ပွတ်ကြည့်ပါ၊ ကျန်းမှု
သဘောကို ထင်ထင်ရှားရှား တွေ့နိုင်သည်။ ယင်းသို့ ထင်ရှားသည့် တစ်နေ
ရာမှ စ၍ တစ်ကိုယ်လုံး၌ ကျန်းမှု သဘောတရားကို မြင်အောင် ဆက်ရှုပါ။
အောင်မြင်မှု မရခဲ့သော် ထိုကျန်းမှု ထင်ရှားသည့် နေရာ၌ပင် တွန်းမှု-မာမှုကျန်း
မှု သဘောတရားတို့ကို ပူးတွဲ ရှုကြည့်ပါ။ ဆင်ရိုင်းတစ်ကောင်ကို ယဉ်
ကျေးသည့် ဆင်တစ်ကောင်ဖြင့် ချော့၍ မျှား၍ ဖမ်းယူသကဲ့သို့ မထင်ရှား
သည့် ဓာတ်ကို တွေ့ရှိအောင် ထင်ရှားသည့် ဓာတ်ဖြင့် ပူးတွဲရှုခြင်းဖြစ်သည်။
အောင်မြင်မှုကို ရရှိတတ်ပါသည်။ အောင်မြင်မှုကို မရခဲ့သော် မိမိ ရရှိထားပြီး
သည့် ဈာန်သမာဓိများကို တစ်ဖန် ပြန်လည်၍ ထူထောင်ဖို့ လိုအပ်ပါသည်။
သမာဟိတော ယထာဘူတံ ဇာနာတိ ပဿတ။ိ (အံ၊၃၊၂၅၉။)

သမာဓိရှိသော ပုဂ္ဂိုလ်သည် မဖောက်မပြန် ဟုတ်တိုင်းမှန်စွာ သိ၏၊
မြင်၏။ (အံ၊၃၊၂၅၉။) - ဟု ဘုရားရှင် ဟောကြားထားတော်မူသောကြောင့်
သမာဓိကို စွမ်းအင်ပြည့်ဝလာအောင် တစ်ဖန် ပြန်၍ ထူထောင်ရခြင်း ဖြစ်
သည်။ သမာဓိ၏အရှိန်အ၀ါ အားကောင်းလာသောအခါ တွန်းမှု မာမှု ကျန်းမှု
သဘောတရားတို့ကို တစ်ဖန် ပြန်၍ ရှုကြည့်ပါ။

အောင်မြင်မှုကို ရရှိသောအခါ လေးမှု သဘောတရားတစ်ခုကို ခန္ဓာ
ကိုယ်ဝယ် လေးမှု ထင်ရှားရာနေရာမှ စ၍ တစ်ကိုယ်လုံး၌ အနှံ့အပြား မြင်
အောင် ရှုကြည့်ပါ။ မထင်ရှားပါက ထိုင်နေသည့် ကြမ်းပြင်ကို တင်ပါးဖြင့်
အနည်းငယ် ဖိကြည့်ပါ၊ သို့မဟုတ် ပေါင်ပေါ်သို့ တင်ထားသော လက်ကို
အနည်းငယ် ဖိကြည့်ပါ။ အောင်မြင်မှုကို ရတတ်ပါသည်။ အောင်မြင်ခဲ့သော်
တွန်းမှု မာမှု ကျန်းမှု လေးမှု သဘောတရားတို့ကို ကြိမ်ဖန်များစွာ ထပ်ကာ
ထပ်ကာ ရှုပါ။ ဓာတ်သဘောတရား တစ်ခုကို ရှုသော်လည်း ဓာတ်သဘော
တရားအားလုံးကိုပင် ပြိုင်တူလိုလို ဉာဏ်၌ ထင်မြင်နေပါက ပို၍ကောင်းသည်
သာ ဖြစ်သည်။

ထိုနောင် ထောက်ကန်မှု သဘောတရားကို ဆက်ရှုနိုင်သည်။ ထောက်
ကန်မှု ဟူသည် ပြိုလဲတော့မည့် အိမ်တစ်အိမ်ကို ကျားခေါ်သည့် သစ်သား
တစ်ချောင်းဖြင့် ထောက်ကန်ထားလိုက်သောအခါ မပြို မလဲတော့ဘဲ တည်
ငြိမ်စွာ ရပ်တည်နေသကဲ့သို့ အလားတူပင် ဤခန္ဓာအိမ်ကြီး၌လည်း - သွား
လျှင် သွားသည့် ဣရိယာပုထ်အတိုင်း တည်ရှိနေအောင် မပြိုမလဲရအောင်၊
ရပ်လျှင် ရပ်သည့် ဣရိယာပုထ်အတိုင်း တည်ရှိနေအောင် မပြိုမလဲရအောင်၊
ထိုင်လျှင် ထိုင်သည့်ဣရိယာပုထ်အတိုင်း တည်ရှိနေအောင် မပြိုမလဲရအောင်၊
အိပ်လျှင်လည်း အိပ်သည့် ဣရိယာပုထ်အတိုင်း တည်ရှိနေအောင် မပြိုမလဲ
ရအောင် ထောက်ကန်ထားသည့် ထိန်းထားသည့် သဘောတရားတစ်ခု ဖြစ်
သည်။ ယင်းထောက်ကန်မှု သဘောတရားကို မာမှုသဘောတရားနှင့် တွဲရှု
ပါက ပို၍ သဘောပေါက်မြန်တတ်ပါသည်။ အကယ်၍ မထင်ရှားပါက ခန္ဓာ
ကိုယ်ကို အနည်းငယ်လှုပ်ကြည့်ပါ။ မပြိုမလဲရအောင် ထိန်းထားသည့် ထောက်
ကန်ထားသည့် ငြိမ်အောင် ထိန်းထားသည့်သဘောကို ဉာဏ်ဖြင့် မြင်အောင်
ကြည့်ပါ။ အောင်မြင်မှုကို ရရှိတတ်ပါသည်။ အောင်မြင်မှုကို ရခဲ့သော် တစ်
ကိုယ်လုံး၌ အနှံ့အပြားမြင်အောင် ဆက်ရှုပါ။ မာမှုသဘောနှင့် ကပ်၍ ရှုပါက
ခန္ဓာအိမ်ကို ထားမြဲတိုင်း တည်မြဲတိုင်းသော ဣရိယာပုထ်အတိုင်း မပြိုမလဲ
ရအောင် တုတ်နှင့် လျှိုထားသကဲ့သို့ မတ်နေအောင် ထိန်းထားသည့် ထောက်
ကန်မှု သဘောကို ပို၍ လျင်မြန်စွာ သဘောပေါက်တတ်သဖြင့် မာ-ကျန်း-
လေးဟူသော ဂရုပထ၀ီဓာတ်တို့ကို ရှုပြီးမှ ထောက်ကန်မှု ၀ါယောဓာတ်ကို
ရှုရန် တင်ပြရခြင်း ဖြစ်သည်။ အလွယ်မှ အခက်သို့ ကူးတက်သည့် သဘော
ဖြစ်သည်။

ပျော့-ချော-ပေါ့-ပူ-အေး ကိုဆက်ရှုပါ
................................................
အောင်မြင်မှုကို ရရှိသောအခါ တွန်း-မာ-ကျန်း-လေး-ထောက်ဟူသော
ယင်းသဘောတရားငါးမျိုးကို ကြိမ်ဖန်များစွာ ထပ်ကာ ထပ်ကာ ရှုပါ။ သမာဓိ
တည်းဟူသော မြတ်သော ကျောက်ဖျာထက်၌ ဉာဏ်တည်းဟူသော သန်
လျက်ကို မြမြထက်အောင် သွေးနေခြင်း ဖြစ်သည်။ ကျေနပ်မှုကို ရရှိသော
အခါ ပျော့မှုသဘောကို ဆက်ရှုပါ။ အောက်အတွင်းနှုတ်ခမ်းသားကို လျှာဖြင့်
အသာအယာ ထိထားကြည့်ပါ။ ပျော့ပျောင်းသည့်သဘောကို အာရုံယူကြည့်
ပါ။ နူးညံ့ပျော့ပျောင်းသည့် သဘောကို တွေ့ရှိနိုင်ပါသည်။ ယင်းပျော့သည့်
သဘောတရားအပေါ်၌ ဘာဝနာစိတ်ကို ငြိမ်ဝပ်စွာ ကပ်ထားပါ။

ထင်ရှားလာသောအခါ ခန္ဓာကိုယ်တစ်ခုလုံး၌ ခြေဆုံးခေါင်းဆုံး ပျော့မှု
သဘောတရားကို မြင်အောင် ဆက်ရှုပါ။ မုန့်ကျွဲသည်းကဲ့သို့ အကြိမ်တစ်ရာ
ဖတ်ထားအပ်သော ၀ါဂွမ်းစိုင်ကဲ့သို့ တစ်ကိုယ်လုံး၌ ပျော့ပျောင်းသည့် သ
ဘောကို မြင်အောင် ကြိုးစားပါ။

ပျော့ပျောင်းမှု သဘောတရားကို ကျေကျေနပ်နပ် တွေ့မြင်သောအခါ
ချောမှုသဘောတရားကို ဆက်ရှုပါ။ ယင်းပျော့ပျောင်းနူးညံ့နေသည့် အတွင်း
နှုတ်ခမ်းသား၌ လျှာကို တံတွေးရွှဲအောင်ဆွတ်၍ ခပ်ဖြည်းဖြည်း အသာအယာ
ပွတ်ကြည့်ပါ။ ချောမွတ်နေသည့် သဘောတရားကို တွေ့ရှိနိုင်ပါသည်။ ယင်း
ချောမွတ်သည့် သဘောတရားအာရုံ၌ ဘာဝနာစိတ်ကို ငြိမ်ဝပ်စွာ ကပ်ထား
ပါ။ ထင်ရှားလာသောအခါ တစ်ကိုယ်လုံး၌ အနှံ့အပြားမြင်အောင် ဆက်ရှုပါ။
ခန္ဓာကိုယ်ကို ဆီဖြင့် လိမ်းသုတ်လျက် ပွတ်သပ်ကြည့်သောအခါ ချောမွတ်နေ
သည့် သဘောတရားကို တွေ့သကဲ့သို့ မြင်နေပါစေ။

ထိုသို့တွေ့မြင်သောအခါ ပေါ့မှုသဘောတရားကို ဆက်ရှုပါ။ ပျော့မှုနှင့်
ချောမှု သဘောတရားကို ထပ်ကာထပ်ကာ ရှုနေပါက ပေါ့မှုသဘောတရား
သည်လည်း အသင် သူတော်ကောင်း၏ ဉာဏ်၌ ထင်ရှားလာတတ်ပါသည်။
အကယ်၍ မထင်မရှားဖြစ်နေပါက ဒူးပေါ်၌တင်ထားသော လက်မှ လက်ညှိုး
တစ်ချောင်းကို အသာအယာ-မ-ကြည့်ပါ။ ပေါ့မှုသဘောတရားသည် ထင်ရှား
လာတတ်ပါသည်။ အကယ်၍ မထင်မရှား ဖြစ်နေပါက လေးမှုသဘောတရား
ကို တစ်ဖန်ပြန်၍ ရှုပါ။ ခန္ဓာကိုယ်တစ်ကိုယ်လုံး၌ လေးလံမှုသဘောတရား
ကို ထင်ထင်ရှားရှား တွေ့မြင်ရသောအခါ အထက်ပါအတိုင်း ဒူးပေါ်၌ တင်
ထားသော လက်ညှိုးတစ်ချောင်းကို ဖြည်းညင်းစွာ အသာအယာ-မ-ကြည့်ပါ။

ပေါ့မှုသဘောတရားကို စူးစူးစိုက်စိုက် ရှုကြည့်ပါ။ လေထဲမှာ လွင့်နေသော
ဝါဂွမ်းစိုင်ကဲ့သို့ ပေါ့မှုသဘောကို ထင်ထင်ရှားရှား တွေ့နိုင်သည်။
မာ-ကျန်း-လေး - ပျော့-ချော-ပေါ့ကား ပထ၀ီဓာတ်၊ ထောက်ကန်တွန်း
ကန်သဘောကား ၀ါယောဓာတ် ဤသို့လျှင် ဓာတ်နှစ်ပါးကို သိမ်းဆည်းမိ
လေပြီ။ထပ်ကာထပ်ကာ ကြိမ်ဖန်များစွာသိမ်းဆည်းပါ။ ကျေနပ်မှုကို ရရှိသော
အခါ တေဇောဓာတ် ပူမှုသဘောကို ဆက်ရှုပါ၊ ဘယ်ဘက်လက်ဝါးပေါ်၌
ညာဘက်လက်ဝါးကို တင်ထားသောအခါ ညာဘက်လက်ခုံ၌ ပူမှုသဘောကို
တွေ့နိုင်၏၊ ယင်းပူမှုသဘောကို အာရုံစိုက်၍ ရှုပါ။ ခန္ဓာကိုယ်ဝယ် ပူမှု ထင်
ရှားရာ မည်သည့်နေရာကမဆို ရှုနိုင်ပါသည်။ ထိုသို့ ပူမှုသဘောကို စိုက်၍
ရှုလိုက်ရာ ပူမှုသဘောတရားသည် ဉာဏ်၌ ထင်ရှားလာသောအခါ ခန္ဓာကိုယ်
တစ်ကိုယ်လုံး၌ အနှံ့အပြား မြင်အောင် အရိုးကြား အကြောကြား အသား
ကြား အရေကြားသို့ ဉာဏ်တည်းဟူသော လက်ကို သွင်း၍ ပူမှုသဘောကို
ထင်ထင်ရှားရှား မြင်သိအောင် ရှုပါ။

အောင်မြင်မှုကို ရရှိသောအခါ အေးမှုသဘောကို ဆက်၍ ရှုကြည့်ပါ။
အေးမှုထင်ရှားရာ မည်သည့်နေရာကမဆို ရှုနိုင်ပါသည်။ အေးမှုထင်ရှားရာ
နေရာကို လွယ်လွယ်နှင့် မတွေ့ပါက နှာသီးဝတွင် ၀င်လေအခိုက်၌ အေးမှု
သဘောကို မြင်အောင် ရှုပါ။ အေးမှုသဘောကိုသာ တစ်ဖက်သတ် အာရုံ
ယူပါ။ တစ်စတစ်စ ထင်ရှားလာသောအခါ တစ်ကိုယ်လုံး၌ အနှံ့အပြား မြင်
အောင် အေးမှုသဘောကို ဆက်၍ ရှုပါ။
အေးမှုသဘောကိုခြေဆုးံ ခေါင်းဆုးံ မြင်တွေ့သောအခါ တေဇောဓာတ်
ရှုကွက်မှာ အောင်မြင်သွားပြီ ဖြစ်သည်။ မာ-ကျန်း-လေး - ပျော့-ချော-ပေါ့၊
ပူ-အေး၊ ထောက်-တွန်းဟု ဓာတ်သဘောတရား (၁၀)မျိုးကို ရရှိသွားပြီ ဖြစ်
၏။ ယင်း (၁၀)မျိုးသော သဘောတရားတို့ကို ထပ်ကာထပ်ကာ ရှုနေပါက
ကြိမ်ဖန်များစွာ အလေ့အလာ ပြုနေပါ။

ဖွဲ့စည်း-ယိုစည်း ဆက်လက်ရှုပါ
.............................................
 ဓာတ်သဘောတရား (၁၀)မျိုးကို ရရှိသွားပြီ ဖြစ်
၏။ ယင်း (၁၀)မျိုးသော သဘောတရားတို့ကို ထပ်ကာထပ်ကာ ရှုနေပါက
ကြိမ်ဖန်များစွာ အလေ့အလာ ပြုနေပါက ဖွဲ့စည်းသည့် အာပေါဓာတ်၏
အာဗန္ဓနလက္ခဏာသည် အသင်သူတော်ကောင်း၏ ဉာဏ်တွင် ထင်ရှားလာ
တတ်ပေသည်။ အကယ်၍ ဤသို့ ကြိုးပမ်းသော်လည်း ယင်းဖွဲ့စည်းမှုသဘော
မှာ မထင်မရှားဖြစ်နေပါက တွန်းကန်မှုသဘောနှင့် မာမှုသဘောတရား နှစ်မျိုး
တို့ကိုသာ ထပ်ကာထပ်ကာ ရှုနေပါ၊ ဖွဲ့စည်းမှုသဘောတရားသည် ထင်ရှား
လာပေလိမ့်မည်။ ဖွဲ့စည်းမှုဟူသည် ခန္ဓာကိုယ်တစ်ခုလုံးကို ကြိုးနှင့်စည်းထား
သကဲ့သို့ တင်းကျပ်စွာ စည်းနှောင်ထားသည့် သဘော ဖြစ်သည်။

ယင်း ဖွဲ့စည်းမှုသဘောကို ထင်ထင်ရှားရှား ဉာဏ်ဖြင့် တွေ့မြင်သော
အခါ ယိုစီးမှုထင်ရှားရာ တစ်နေရာမှစ၍ ယိုစီးမှုသဘောကို မြင်အောင်ရှုပါ။
သဘောမပေါက်ပါက သွား၏ အရင်းတစ်နေရာဝယ် သွားရည်များ ယိုစီး
စိမ့်ထွက်ရာ နေရာမှစ၍ ယိုစီးမှုသဘောကို တစ်ကိုယ်လုံး အနှံ့အပြား မြင်
အောင် ရှုပါ။ (၃၂)ကောဋ္ဌာသတို့ကို အ၀ါးဝစွာ ရှုထားပြီးသော အသင်သူတော်ကောင်း
အဖို့ အာပေါဓာတ်လွန်ကဲနေသော အာပေါကောဋ္ဌာသ (၁၂)မျိုး
တို့ကိုလည်း ရှုတတ်ပြီး ဖြစ်နေရကား သွေးကဲ့သို့ ယိုစီးမှု အာပေါဓာတ် လွန်ကဲ
သော ကောဋ္ဌာသတစ်ခုခုဖြင့် ကပ်၍ ရှုပါက ပို၍လွယ်ကူနေမည်သာ ဖြစ်ပေ
သည်။

 ယိုစီးမှုသဘောတရားကို ခန္ဓာကိုယ်အနှံ့အပြား အထက်အောက် စုန်
ဆန်လျက် စီးဆင်းနေပုံကို သဘောပေါက်ပါက အာပေါဓာတ်နှစ်မျိုးကို ရှုပွား
မှုလည်း အောင်မြင်သွားပြီ ဖြစ်ပေသည်။ ထိုအခါ တွန်း-မာ-ကျန်း-လေး-
ထောက်-ပျော့-ချော-ပေါ့-ပူ-အေး-ဖွဲ့စည်း-ယိုစီးဟူသော ဤအစဉ်အတိုင်း
ပင် ဓာတ်သဘောတရား (၁၂)မျိုးကို ကြိမ်ဖန်များစွာ ထပ်ကာထပ်ကာ ရှုနေ
ပါဦး။ ထိုသို့ ရှုရာ၌ မည်သည့်သဘောတရားကိုမဆို ရှုလိုက်တိုင်း ခြေဆုံး
ခေါင်းဆုံး ဦးခေါင်းမှသည် ခြေဖျားသို့ တိုင်အောင် ထင်ထင်ရှားရှား တွေ့မြင်
နေအောင် ကြိုးစားပါ။ ထိုနောက် သွက်သွက်လက်လက် မြင်အောင် ဆက်
ကြိုးစားပါ။ ထိုသို့ ကြိုးစားရာ၌ ဓာတ်သဘောတရား (၁၂)မျိုး ပြည့်က တစ်
ခေါက် ဖြစ်၏။ တစ်မိနစ်အတွင်းဝယ် နှစ်ခေါက် သုံးခေါက် ရရှိအောင် ကြိုး-
စားပါ။အထက်ပါအတိုင်း လေ့ကျင့်၍ အောင်မြင်မှုကို ရရှိပါက ၀-လုံးတန်းကို
အောင်မြင်လေပြီ။

ဓာတ်ကို ဘုရားဟောဒေသနာစဉ်အတိုင်း ရှုပါ
................................................
ဝ-လုံးတန်းကိုအောင်မြင်လေပါက ဘုရားဟောဒေသနာစဉ်အတိုင်း တစ်ဖန်ပြန်၍
ပြောင်းရှုပါ။ မာ-ကျန်း-လေး - ပျော့-ချော-ပေါ့၊ ယိုစီး-ဖွဲ့စည်း၊ ပူ-အေး၊
ထောက်-တွန်းဟူသော ဒေသနာစဉ်အတိုင်း တစ်ဖန် ရှုပါ။ ၀-လုံးတန်း ကျေ
ညက်သွားသောအခါ က-ကြီး ခ-ခွေးတန်းကို တစ်ဖန်ပြန်၍သင်ယူရသကဲ့သို့
မှတ်ပါ။ ဒေသနာတော်စဉ်အတိုင်း ရှု၍ သွက်လာသောအခါ ၊
 ထိုထို အရိုးကြား အကြောကြား အသားကြား အရေကြားသို့ ဉာဏ်
တည်း ဟူသော လက်ကို သွင်း၍ ဓာတ်ကြီးလေးပါးတို့၏ ကိုယ်ပိုင်သဘာဝ
လက္ခဏာတို့ကို တစ်လုံးစီ တစ်လုံးစီ ဉာဏ်ဖြင့် ခွဲခြားစိတ်ဖြာ၍ ရှုပွားမှု လုပ်
ငန်းခွင်ကား အောင်မြင်သွားပေပြီ။ သို့သော် လမ်းကား မဆုံးသေးပါ။ ဤကဲ့သို့
ဓာတ်သဘောတရားတို့ကို ရှုနေရုံမျှဖြင့် ရုပ်ကလာပ်များကို တွေ့မြင်သော
ယောဂါဝစရပုဂ္ဂိုလ်တို့လည်း ရှိတတ်ပါ၏။ မတွေ့မြင်နိုင်သေးသော ယောဂါ
ဝစရပုဂ္ဂိုလ်တို့လည်း ရှိတတ်ပါ၏။ ရုပ်ကလာပ်တို့ကို မတွေ့မြင်နိုင်သေးသော
ယောဂါဝစရပုဂ္ဂိုလ်တို့သည် --- (၀ိသုဒ္ဓိ၊၁၊၃၄၆။)

= မိမိ၏ ရူပကာယတစ်ခုလုံးကို ဉာဏ်ဖြင့်ဆင်ခြင်၍ ရှုရန် ၀ိသုဒ္ဓိမဂ္ဂ
အဋ္ဌကထာက ညွှန်ကြားထားသည့် အတိုင်း မိမိ၏ ခန္ဓာကိုယ်ကို အပေါ်က
ခြုံငုံကြည့်၍ မာ-ကျန်း-လေး - ပျော့-ချော-ပေါ့၊ ယိုစီး-ဖွဲ့စည်း၊ ပူ-အေး၊
ထောက်-တွန်းဟူသော ဓာတ်သဘောတရား (၁၂)မျိုးကို ရှုပါ၊ တစ်ကိုယ်လုံး
ကို ခြုံငုံ၍ ရှုနိုင်အောင် လေ့ကျင့်ပါ။ ထိုသို့ ခြုံငုံ၍ ရှုရာ၌ ယောဂီအများစု၌
ဦးခေါင်းကစ၍ ဖြိုပြီး တစ်ကိုယ်လုံးကို ခြုံငုံ၍ ရှုလိုက်ပါက မကြာမီ အချိန်
ကာလအတွင်းမှာပင် ဦးခေါင်း တစ်လုံးလုံး ခဲလာတတ်၏ မာလာတတ်၏
မခံနိုင်ဖြစ်လာတတ်၏။

 ထို့ကြောင့် လည်ကုပ်အရပ်လောက်က စ၍ ဦးခေါင်း
ပိုင်းနှင့် အောက်ပိုင်းကိုမျှ၍ ဓာတ်သဘောတရား (၁၂)မျိုးကို ခြုံငုံရှုပါ။ ထိုသို့
ရှုရာ၌ စွမ်းနိုင်ပါက ဓာတ်သဘောတရားကိုသာ အာရုံယူပါ။ ကိုယ်ကို အာရုံ
မယူပါနှင့်။ ဓာတ်သဘောတရား (၁၂)မျိုးလုံးကို သွက်သွက်လက်လက်
ဉာဏ်ဖြင့် မြင်လာသောအခါ ပြိုင်တူလိုလို ဉာဏ်၌ ထင်လာသောအခါ မာကျန်း
လေး-ပျော့-ချော-ပေါ့ကို ကြည့်၍ ပထ၀ီဓာတ်ဟုလည်းကောင်း၊ ယိုစီး
ဖွဲ့စည်းကို ကြည့်၍ အာပေါဓာတ်ဟုလည်းကောင်း၊ ပူ-အေးကို ကြည့်၍
တေဇောဓာတ်ဟုလည်းကောင်း၊ ထောက်-တွန်းကို ကြည့်၍ ၀ါယောဓာတ်ဟု
လည်းကောင်း အသီးအသီး ရှုပါ။

မာ-ကျန်း-လေး-ပျော့-ချော-ပေါ့ကို မမြင်ဘဲ ပထ၀ီဓာတ်ဟုလည်း-
ကောင်း၊ ယိုစီး-ဖွဲ့စည်းကို မမြင်ဘဲ အာပေါဓာတ်ဟုလည်းကောင်း၊ ပူ-အေးကို
မမြင်ဘဲ တေဇောဓာတ်ဟုလည်းကောင်း, ထောက်-တွန်းကို မမြင်ဘဲ ၀ါယော
ဓာတ်ဟုလည်းကောင်း မရှုပါနှင့်။ ဆို-ကမ္မဋ္ဌာန်း မဖြစ်ဖို့ရန် သတိပြုပါ။ ယင်း
ဓာတ်သဘောတရားတို့ကို မမြင်သေးသော် မြင်အောင် ရှေးဦးစွာ လေ့ကျင့်ပါ။
သဘောတရား အသီးအသီးကို ဉာဏ်ဖြင့် ကွက်ကွက် ကွင်းကွင်း ရှင်းရှင်း
လင်းလင်း ထင်ထင်ရှားရှား လက်ဝယ်တင်ထား ပတ္တမြားသို့ ပိုင်းပိုင်းခြားခြား
ပြဲ့ပြဲ့ကုန်စင် ဉာဏ်ဖြင့် သိမြင်သောအခါကျမှ ပထ၀ီဓာတ် အာပေါဓာတ်
တေဇောဓာတ် ၀ါယောဓာတ်ဟု ကာလအရာ ကာလအထောင် ကာလ
အသိန်းမက ရှုနေပါ။ ဓာတ်ကြီးလေးပါးအာရုံ၌ ဘာဝနာစိတ်ကို ငြိမ်ဝပ်စွာ
ကပ်ထားပါ၊ သမာဓိကို ထူထောင်ပါ။

ဓာတ်ရှုရာ၌ သတိပြုရန် အချက်များ
.............................................
(က) ဓာတ်ညီမျှအောင် ရှုပါ
မာ-ကျန်း-လေး၊ ပျော့-ချော-ပေါ့၊ ယိုစီး-ဖွဲ့စည်း၊ ပူ-အေး၊ ထောက်တွန်း
ဟူသော သဘောတရား (၁၂)မျိုးကို တစ်လုံးစီ တစ်လုံးစီ ဉာဏ်ဝယ်
ထင်ရှားအောင် ရှုသည့်အပိုင်း၌ ဖြစ်စေ၊ ပထ၀ီဓာတ်၊အာပေါဓာတ်၊ တေဇော
ဓာတ်၊ ၀ါယောဓာတ်ဟု ရှုသည့် ဤအပိုင်း၌ဖြစ်စေ သဘောတရား တစ်မျိုး
တည်း ဓာတ်တစ်လုံးတည်းကိုသာ သဲသဲမဲမဲ ရက်ရှည်လများ မရှုပါနှင့်။ ရှုခဲ့
သော် ဓာတ်လွန်သွားတတ်၏။ ဓာတ်လွန်နေခဲ့သော် အထူးသဖြင့် မာမှု
သဘောç တွန်းမှုသဘော, ပူမှုသဘောတရားတို့ လွန်ကဲနေခဲ့သော် ခံနိုင်ရည်
မရှိ ဖြစ်လာတတ်၏။ အလားတူပင် မာမှုသဘောç လေးမှုသဘော၊ ဖွဲ့စည်းမှု
သဘောတို့ လွန်ကဲလာသော အခါ၌လည်း မခံနိုင်ဖြစ်တတ်၏။ တရားထိုင်
တိုင်း ယင်းလွန်ကဲနေသော ဓာတ်တို့က အနှောင့်အယှက် ပေးနေတတ်၏။
သမာဓိ မရနိုင် ရှိတတ်၏။ ထိုကြောင့် ဓာတ်တစ်ခုတည်းကို ရက်ရှည်လများ
သဲသဲမဲမဲ စိုက်မရှုပါနှင့်၊ ဓာတ်ကြီးလေးပါးလုံးကိုသာ ညီမျှအောင် ထိန်းရှုပါ။

(ခ) ဓာတ်များကို တစ်နေရာမှတစ်နေရာသို့ရောက်အောင် ဆွဲချခြင်း
.......................................................................................
ရုပ်တရားတို့သည် ဖောက်ပြန်ခြင်း ရုပ္ပန သဘောလက္ခဏာ ရှိကြ၏။
ဤ၌ ဖောက်ပြန်ခြင်း ရုပ္ပနသဘောလက္ခဏာဟူသည် အအေးအပူ စသော
ဆန့်ကျင်ဘက် အကြောင်းတရားတို့ကြောင့် ရှေးရှေးက ဖြစ်သွားသော ရုပ်
အစဉ် သန္တတိနှင့် မတူညီဘဲ နောက်နောက်သော ရုပ်အစဉ် သန္တတိ၏ ဖြစ်မှု
သဘောမျှသာတည်း။ (မဟာဋီ၊၂၊၈၆။)

ပရမတ်တရားတို့ကား ဖြစ်သည့်နေရာ၌သာ ပျက်ရိုးဓမ္မတာ ရှိကြ၏။
တစ်နေရာမှ တစ်နေရာသို့ ပြောင်းရွှေ့ဖြစ်နိုင်ရိုး ဓမ္မတာကား မရှိပေ။ ထို
ကြောင့် ဦးခေါင်း အတွင်းပိုင်းမှ စ၍ တွန်းမှုသဘောကို စတင်၍ ရှုလာရာ
ဦးခေါင်း၏ အတွင်း၌ဖြစ်ပေါ်နေသော တွန်းကန်မှုသဘောသည် တဖြည်း
ဖြည်း ခြေဖျားသို့တိုင်အောင် ဆင်းသွားသည်ဟုကား မယူဆစေလိုပါ။ ခန္ဓာ
ကိုယ် အနှံ့အပြား၌ တွန်းမှုသဘောကား ထင်ရှားရှိနေ၏။ ထင်ရှားရှိနေသော
ယင်းတွန်းမှုသဘောကိုသာ နေရာတိုင်း၌ ခန္ဓာကိုယ်အနှံ့အပြား တွေ့ရှိအောင်
ဉာဏ်ဖြင့် ရှာဖွေရှုခြင်းသာဖြစ်သည်။ ကျန်သဘောတရားတို့၌လည်း နည်းတူ
ပင် မှတ်ပါ။ ဓာတ်ကြီးလေးပါးတို့ကား ခန္ဓာကိုယ်ဝယ် မည်သည့်နေရာ၌မဆို
မည်သည့် ကိုယ်အင်္ဂါ အစိတ်အပိုင်း၌မဆို တစ်ကိုယ်လုံး အနှံ့အပြား ထင်ရှား
တည်ရှိနေကြသည်သာဖြစ်၏။ အကြောင်းတရားတို့၏ ကျေးဇူးပြုပေးမှု အရှိန်
အ၀ါ မကုန်သေးသမျှကာလပတ်လုံး အကျိုးရုပ်တရားတို့သည် အဆက်မပြတ်
ဖြစ်နေကြသည်သာတည်း။ ရှေးရှေးဖြစ်သွားသော ရုပ်သန္တတိ အစဉ်အတန်း
နှင့် နောက်နောက်ဖြစ်သွားသော ရုပ်အစဉ်သန္တတိသာ ကွာခြားလျက်ရှိသည်။
ဖြစ်ပျက် အစဉ်အတန်းချင်းကား တူညီလျက်ရှိ၏။ ထို့ကြောင့် ရုပ်တရားတို့
သည် တစ်နေရာမှ တစ်နေရာသို့ ပြောင်းရွှေ့၍ ဖြစ်ရိုး ဓမ္မတာကား မရှိ၊
အကြောင်းတရားတို့၏ စွမ်းအင်ကြောင့် နေရာ အသစ်အသစ်၌ အသစ်
အသစ်သော ရုပ်တရားတို့သာ ထပ်ကာ ထပ်ကာ ဥပါဒ်နေကြပေသည်။
ထိုကြောင့် ဓာတ်သဘောတရားများကိုလည်း တစ်နေမှ တစ်နေရာသို့ ရောက်
အောင် ဆွဲချ၍ မရနိုင်ဟု မှတ်ပါ။

ဓာတ်ကို ညီအောင်ညှိပါ
............................
ဓာတ်ကို ညီမျှသွားအောင် ဆန့်ကျင်ဘက်
သဘောတရားတို့ကို ဦးစားပေးရှုခြင်းဖြင့် ထိန်းပေးရ၏။
၁။ မာမှုသဘော လွန်ကဲလာပါက ပျော့မှုသဘောကို၊ ပျော့မှုသဘော
တရား လွန်ကဲလာပါက မာမှုသဘောတရားကို ဦးစားပေးရှုခြင်းဖြင့်
ဓာတ်ညီမျှအောင် ပြုလုပ်ရ၏။ အလားတူပင် ---
၂။ ကျန်းမှုသဘော လွန်ကဲလာပါက ချောမှုသဘောကို၊ ချောမှုသဘော
လွန်ကဲလာပါက ကျန်းမှုသဘောကို။ ပ ။
၃။ လေးမှုသဘော လွန်ကဲလာပါက ပေါ့မှုသဘောကိုç ပေါ့မှုသဘော လွန်
ကဲလာပါက လေးမှုသဘောကို။ ပ ။
၎။ ယိုစီးမှုသဘော လွန်ကဲလာပါက ဖွဲ့စည်းမှုသဘောကိုç ဖွဲ့စည်းမှုသဘော
လွန်ကဲလာပါက ယိုစီးမှုသဘောကို။ ပ ။
၅။ ပူမှုသဘော လွန်ကဲလာပါက အေးမှုသဘောကို, အေးမှုသဘော လွန်
ကဲလာပါက ပူမှုသဘောကို။ ပ ။
၆။ ထောက်ကန်မှုသဘော လွန်ကဲလာပါက တွန်းကန်မှုသဘောကို ၊တွန်း
ကန်မှုသဘော လွန်ကဲလာပါက ထောက်ကန်မှုသဘောကို ဦးစားပေး
ရှုခြင်းဖြင့် ဓာတ်ကို ညီမျှအောင် ပြုလုပ်ရ၏။

ဣရိယာပထ - သမ္ပဇည ရှုကွက်
..........................................
ထိုင်သည့်အခိုက်၌ ဓာတ်တစ်ပါးမျှကိုသာ ရှုနေပါက သွား-ရပ်-ထိုင်လျောင်း
ဟူသော ဣရိယာပုထ် လေးပါးလုံး၌လည်းကောင်းç ကွေးမှု ဆန့်မှု
စသော ထိုထိုသမ္ပဇဉ်ပိုင်းဆိုင်ရာ ရှုကွက်တို့၌ လည်းကောင်း ကိုယ်အမူအရာ
တိုင်း နှုတ်အမူအရာတိုင်း၌ ဓာတ်တစ်ပါးကိုသာ ရှုနှင့်ပါဦး။ အကယ်၍ အသင်
သူတော်ကောင်းသည် ထိုင်သည့်အခါ ဓာတ်နှစ်ပါးကိုသာ ရှုတတ်သေးပါက
။ ပ ။ ဓာတ်လေးပါးလုံးကို ရှုတတ်ပါက ထိုထိုဣရိယာပုထ်တိုင်း ထိုထိုကိုယ်
အမူအရာတိုင်း ထိုထိုနှုတ်အမူအရာတိုင်း၌ ဓာတ်ကြီးလေးပါးလုံးကိုပင် ရှုနေ
ပါ။ ရှေ့နှင့်နောက် ဣရိယာပုထ်ချင်း ဆက်စပ်မိအောင် ရှုပါ။

သမထယာနိကပုဂ္ဂိုလ် မဟုတ်သေးလျှင်
.....................................................
အသင် သူတော်ကောင်းသည် အာနာပါန၊သြဒါတကသိုဏ်း စသော
အခြားအခြားသော သမထကမ္မဋ္ဌာန်းများကို အားမထုတ်ဖူးသေးလျှင် ဤ
ဓာတ်ကမ္မဋ္ဌာန်းကား အသင်သူတော်ကောင်းအတွက် သမထကမ္မဋ္ဌာန်း (၄၀)
တွင် အကျုံးဝင်သော စတုဓာတု၀၀တ္ထာန်ကမ္မဋ္ဌာန်းလည်း မှန်၏၊ ယင်းကမ္မ
ဋ္ဌာန်းကား သဒိသူပစာရအားဖြင့် ဥပစာရသမာဓိ အမည်ရသော ဥပစာရ
သမာဓိကို ရွက်ဆောင်ပေးနိုင်သော ဥပစာရကမ္မဋ္ဌာန်းလည်းဖြစ်၏။ ဒိဋ္ဌိဝိသုဒ္ဓိ
စခန်းအတွက် ကြိုးပမ်းနေသော ရူပကမ္မဋ္ဌာန = ရုပ်ကမ္မဋ္ဌာန်းလည်း ဖြစ်၏။

ထိုရုပ်ကမ္မဋ္ဌာန်းကို ဥပစာရသမာဓိ (သဒိသူပစာရ-ဥပစာရသမာဓိ) သို့ ဆိုက်
အောင် ပွားနိုင်သောအခါ ယင်းသမာဓိနှင့်ယှဉ်သော ဉာဏ်ကြောင့် ဖြစ်ပေါ်
လာသော လင်းရောင်ခြည်၏ စွမ်းအင်အကူအညီဖြင့် (၃၂)ကောဋ္ဌာသသို့
ကူး၍ တစ်ဖန် ထို (၃၂)ကောဋ္ဌာသမှ သြဒါတကသိုဏ်းစသည့် ၀ဏ္ဏကသိုဏ်း
များသို့ ကူးလိုက်နိုင်ပါက စတုတ္ထဈာန်သမာဓိသို့ ဆိုက်အောင် ပေါက်ရောက်
နိုင်၏။ ထိုအခါ သမထယာနိကပုဂ္ဂိုလ် အဖြစ်သို့လည်း ရောက်ရှိသွားနိုင်ပေ
သည်။

"လိုက်နာရမည့် စည်းကမ်းများ"
အထက်တွင် ရေးသားတင်ပြခဲ့သည့်အတိုင်း ခန္ဓာအိမ်တစ်ခုလုံးကို ခြုံငုံ
၍ ယင်းခန္ဓာအိမ်၌တည်ရှိသော မာ-ကျန်း-လေး-ပျော့-ချော-ပေါ့ သဘော
တရားများကို ကြည့်၍ ပထ၀ီဓာတ်ဟုလည်းကောင်း, ယိုစီး-ဖွဲ့စည်း သဘော
တရားများကို ကြည့်၍ အာပေါဓာတ်ဟုလည်းကောင်း၊ ပူ-အေး သဘောတ
ရားများကို ကြည့်၍ တေဇောဓာတ်ဟုလည်းကောင်း၊ ထောက်ကန်-တွန်းကန်
သဘောတရားများကို ကြည့်၍ ၀ါယောဓာတ်ဟုလည်းကောင်း - ဤသို့လျှင်
ပထ၀ီဓာတ် အာပေါဓာတ် တေဇောဓာတ် ၀ါယောဓာတ် - ဟု ကာလအရာ
ကာလအထောင် ကာလအသိန်းမက ရှုနေပါ၊ ဓာတ်ကြီးလေးပါးအာရုံ၌ ဘာ
ဝနာစိတ်ကို ငြိမ်ဝပ်စွာ တည်နေအောင် ကပ်ထားပါ။ ထိုသို့ ကြိုးပမ်းအားထုတ်
ရာ၌ လိုက်နာပြုကျင့်ရမည့် စည်းကမ်းများမှာ အောက်ပါအတိုင်း ဖြစ်ကြ၏။ (မဟာဋီ၊၁၊၄၃၄။)

 အနုပုဗ္ဗတော = အစဉ်အတိုင်း ရှုပါ။ထိုသို့ ဓာတ်ကမ္မဋ္ဌာန်းကို နှလုံးသွင်းနေသော ယောဂါဝစရပုဂ္ဂိုလ်သည်
ဘုရားရှင် ဟောကြားထားတော်မူသည့်အတိုင်း ဆရာသမားထံမှ သင်ယူထား
သည့်အတိုင်း "ပထ၀ီဓာတ် အာပေါဓာတ် တေဇောဓာတ် ၀ါယောဓာတ် "ဟု
အစဉ်အတိုင်းသာ ရှုပါ။ (အာပေါဓာတ် ပထ၀ီဓာတ် ၀ါယောဓာတ် တေဇော
ဓာတ် ဤသို့စသည်ဖြင့် "ဟိုခုန်သည်ခုန် ဟိုကျော်သည်ကျော်"မရှုပါနှင့်။)

"ဓာတ်ရှုရာ၌ လိုက်နာရမည့် စည်းကမ်းများ"
---------------------------------------------
နာတိသီဃတော = မမြန်လွန်းစေရ
ဤသို့လျှင် ဓာတ်ကြီးလေးပါးကို ဘုရားဟောဒေသနာစဉ်အတိုင်း နှလုံး
သွင်းသော ယောဂါဝစရပုဂ္ဂိုလ်သည်လည်း အလွန် လျင်လျင်မြန်မြန် နှလုံး
မသွင်းပါနှင့်။ အကြောင်းကား ဓာတ်ကြီးလေးပါးကို အလွန် လျင်လျင်မြန်မြန်
နှလုံးသွင်းနေသော ယောဂါဝစရပုဂ္ဂိုလ်၏ သန္တာန်၌ တပြောင်းပြန်ပြန် ဓာတ်
ကမ္မဋ္ဌာန်းကို နှလုံးသွင်းခြင်း မနသိကာရသည် အဆက်မပြတ် ဖြစ်နေသည်
ကား မှန်၏၊

 သို့သော် ကမ္မဋ္ဌာန်းဟု ခေါ်ဆိုအပ်သော ဓာတ်ကြီးလေးပါးတို့၏
သဘောတရားအာရုံသည် မထင်မရှား ဖြစ်နေတတ်၏။ ကမ္မဋ္ဌာန်းအာရုံသည်
မထင်မရှား ဖြစ်နေခဲ့သော် ဥပစာရသမာဓိ စသော အဆင့်မြင့်မားနေသော
တရားထူး တရားမြတ်ကို ယင်းဘာဝနာမနသိကာရတရားက ရွက်ဆောင်
မပေးနိုင်တော့ပေ။ ထိုကြောင့် အလွန် လျင်လျင်မြန်မြန် နှလုံးမသွင်းပါနှင့်။
 နာတိသဏိကတော = မနှေးလွန်းစေရ
အလွန် နှေးနှေးကွေးကွေးလည်း နှလုံးမသွင်းပါနှင့်။ အကြောင်းကား-
အလွန် ဖြည်းဖြည်းဆေးဆေး နှေးနှေးကွေးကွေး ဓာတ်ကြီးလေးပါးကို နှလုံး
သွင်းနေသော ပုဂ္ဂိုလ်၏သန္တာန်၌ ဓာတ်ကမ္မဋ္ဌာန်းသည် ပြီးဆုံးခြင်းသို့ မရောက်
နိုင်၊ ၀ိပဿနာဉာဏ် မဂ်ဉာဏ် ဖိုလ်ဉာဏ် စသော တရားထူး တရားမြတ်ကို
ရခြင်း၏ အကြောင်းတရား မဖြစ်နိုင်ပေ။

 ၀ိက္ခေပပဋိဗာဟနတော= အပြင်အာရုံသို့ စိတ်ပျံ့လွင့်မှုကို တားမြစ်ရမည်
ဓာတ်ကြီးလေးပါးတည်းဟူသော ကမ္မဋ္ဌာန်းအာရုံကို စွန့်လွှတ်လိုက်၍
ဓာတ်ကြီးလေးပါးတို့၏ ပြင်ပ၌ တည်ရှိကြကုန်သော ပရမတ်အာရုံ ပညတ်
အာရုံအမျိုးမျိုး၌ စိတ်ပျံ့လွင့်သွားမှုကို တားမြစ်ပေးပါ။ အကြောင်းမူ ဓာတ်ကြီး
လေးပါး၏ ပြင်ပ၌ တည်ရှိသော ဓာတ်ကြီးလေးပါးမှ အခြား တစ်ပါးသော
ပရမတ်အာရုံ ပညတ်အာရုံ အမျိုးမျိုး၌ စိတ်ပျံ့လွင့်မှု ရှိခဲ့သော် ကမ္မဋ္ဌာန်းမှ
ဆုတ်ယုတ်တတ်၏၊ ပျက်စီးတတ်၏။

တင်းကြပ်စွာ လိုက်နာရမည့် စည်းကမ်းတစ်ခု
...............................................................
 ဓာတ်ကြီးလေးပါးတို့၏ သဘာဝလက္ခဏာ အသီးအသီးကို အာရုံယူ၍ သမာဓိ ထူထောင်ခိုက်
ဝယ် ဓာတ်ကြီးလေးပါးမှ အခြားတစ်ပါးသော ပရမတ် အာရုံ ပညတ်အာရုံ
အမျိုးမျိုးကို လိုက်ရှုနေပါက စတုဓာတု၀၀တ္ထာန် အမည်ရသော ဓာတ်ကြီး
လေးပါးတို့၏ ကိုယ်ပိုင် သဘာဝလက္ခဏာ အသီးအသီးကို ဉာဏ်ဖြင့် ပိုင်းခြား
ယူတတ်သော ဓာတ်ကမ္မဋ္ဌာန်း မဟုတ်တော့သည်ကိုကား သတိပြုသင့်၏။

ဓာတ်ကြီးလေးပါးကို ရှုပါမှသာလျှင် စတုဓာတု၀၀တ္ထာန် ဓာတ်ကမ္မဋ္ဌာန်းဟု
ခေါ်ဆိုနိုင်၍ အထူးသဖြင့် ယခုကဲ့သို့ သမာဓိကို ထူထောင်ခိုက်ဝယ် ဓာတ်ကြီး
လေးပါးမှတစ်ပါးသော ပြင်ပအာရုံ အမျိုးမျိုးကို လိုက်ရှုနေပါက ဓာတ်ကမ္မ
ဋ္ဌာန်းဟု မခေါ်ဆိုနိုင်သည်ကိုကား သဘောကျသင့်လှပေသည်။ အကယ်၍
အသင်သူတော်ကောင်းသည် သုဒ္ဓ၀ိပဿနာယာနိကပုဂ္ဂိုလ်ဖြစ်ပါက ပို၍ ပို၍
သတိပြုသင့်လှသော အချက်လည်း ဖြစ်၏။ အကြောင်းမူ သုဒ္ဓ၀ိပဿနာယာနိကပုဂ
္ဂိုလ်တို့သည် ယေဘုယျအားဖြင့် ရုပ်ကမ္မဋ္ဌာန်းကစ၍ ဒိဋ္ဌိဝိသုဒ္ဓိစခန်းသို့
ကူးရာ၌ ဓာတ်ကြီးလေးပါးကိုပင် အကျဉ်းနည်း အကျယ်နည်း နှစ်နည်းတို့
တွင် တစ်နည်းနည်းဖြင့် စတင်၍ ပွားများအားထုတ်ရသောကြောင့် ဖြစ်၏။
(၀ိသုဒ္ဓိ၊၂၊၂၂၂။) ဓာတ်ကိုကား ရှု၏။

 သို့သော် ဓာတ်ကြီးလေးပါး၏ ပြင်ပ၌
တည်ရှိသော ပြင်ပ အာရုံ အမျိုးမျိုးကိုလည်း လိုက်၍ ရှုနေပါက ကျီးလည်း
မမည် ကြက်လည်း မဟုတ်သဖြင့် သပိတ်ကွဲ ကိုယ်ကြေသာ ရှိချေမည်။
ဓာတ်ကြီးလေးပါးကိုလည်းကောင်း ဓာတ်ကြီးလေးပါး၏ ပြင်ပအာရုံ အမျိုး-
မျိုးကိုလည်းကောင်း ရှုချင်သလို ရှုချင်တိုင်း လိုက်၍ ရှုနေခြင်းတည်းဟူသော
အကြောင်းကြောင့် ပရမာဏုမြူထက် အဆပေါင်းများစွာ သေးငယ်သော
ရုပ်ကလာပ်အမှုန်များကို မြင်မမြင်ကိုလည်းကောင်း၊ မြင်လျှင်လည်း ယင်း
ရုပ်ကလာပ် တစ်ခု တစ်ခု အတွင်း၌ တည်ရှိသော ဓာတ်ကြီးလေးပါးကို
သိမ်းဆည်းနိုင် မသိမ်းဆည်းနိုင် ဉာဏ်ဖြင့် ပိုင်းခြားယူနိုင် မယူနိုင်ကိုလည်း
ကောင်း အသင်သူတော်ကောင်းသည် မိမိကိုယ်ကို မိမိ မေးကြည့်ပါ။

အကယ်၍ ရုပ်ကလာပ်များကို မမြင်ဟုလည်းကောင်း၊ မြင်သော်လည်း
ရုပ်ကလာပ် တစ်ခု တစ်ခု၏ အတွင်း၌ တည်ရှိသော ဓာတ်ကြီးလေးပါးကို
မသိမ်းဆည်းနိုင် ဉာဏ်ဖြင့် ပိုင်းခြား မယူနိုင်ဟုလည်းကောင်း အဖြေထွက်ခဲ့လျှင်
ဓာတ်ကမ္မဋ္ဌာန်းဖြင့် သမာဓိကို ထူထောင်ခိုက်ဝယ် ဓာတ်ကြီးလေးပါး၏
ပြင်ပအာရုံ အမျိုးမျိုးကို လိုက်မရှုရ ဟူသော စည်းမျဉ်းဥပဒေသကို လိုက်နာ
ပြုကျင့်သင့်လှပေသည်။ အကြောင်းမူ ရုပ်ကလာပ် တစ်ခု တစ်ခု၏ အတွင်း၌
တည်ရှိသော ဓာတ်ကြီးလေးပါးကို သိမ်းဆည်းနိုင်ပါမှ ပရမတ္ထသစ္စာနယ်သို့
စတင် ဆိုက်ရောက်သောကြောင့် ဖြစ်ပေသည်။

ပဏ္ဏတ္တိသမတိက္ကမနတော= အမည်ပညတ်၌ သောင်တင် မနေပါစေနှင့်
..........................................................................................
ပထ၀ီဓာတ်ဟူသော အမည်နာမပညတ်ပေါ်၌ ဘာဝနာစိတ်ကို မထား
ဘဲ မာ-ကျန်း-လေး-ပျော့-ချော-ပေါ့ဟူသော ပထ၀ီဓာတ်၏ သဘောတရား
အပေါ်၌သာ ဘာဝနာစိတ်ကို ထားရမည်။ အာပေါဓာတ်ဟူသော အမည်နာမ
ပညတ်ပေါ်၌ ဘာဝနာစိတ်ကို မထားဘဲ ယိုစီးမှု-ဖွဲ့စည်းမှုဟူသော အာပေါ
ဓာတ်၏ သဘောတရားအပေါ်၌သာ ဘာဝနာစိတ်ကို ထားရမည်။ တေဇော
ဓာတ်ဟူသော အမည်နာမပညတ်ပေါ်၌ ဘာဝနာစိတ်ကိုမထားဘဲ ပူမှု
သဘော အေးမှုသဘောဟူသော တေဇောဓာတ်၏ သဘောတရားအပေါ်၌
သာ ဘာဝနာစိတ်ကို ထားရမည်။ ၀ါယောဓာတ်ဟူသော အမည်နာမပညတ်
ပေါ်၌ ဘာဝနာစိတ်ကိုမထားဘဲ ထောက်ကန်မှုသဘော တွန်းကန်မှုသဘော
ဟူသော ၀ါယောဓာတ်၏ သဘောတရားအပေါ်၌သာ ဘာဝနာစိတ်ကို ထား
ရမည်။ အမည်နာမပညတ်အပေါ်၌ ဘာဝနာစိတ်ကို သောင်တင်မနေစေဘဲ
ဓာတ်ကြီးလေးပါးတို့၏ ပရမတ်အာရုံပေါ်၌သာ ဘာဝနာစိတ်ကို ကပ်ထားပါ။

 အနုပဋ္ဌာနမုဉ္စနတော= မထင်ရှားသော ဓာတ်အချို့ကို လွှတ်ထားပါ
------------------------------------------------------------------
စိတ်ငြိမ်သက်မှု သမာဓိကို ရရှိအောင် ဦးစားပေး၍ ကျင့်နေရသော
အချိန် ဖြစ်သဖြင့် အသိဉာဏ်၌ မထင်မရှား ဖြစ်နေသော အချို့အချို့သော
သဘောတရားများကို ခေတ္တ လွှတ်ထားလိုပါက လွှတ်ထားနိုင်သည်။ ခေတ္တ
မရှုဘဲထားလိုက ထားနိုင်ပေသည်။

 ဤသည်မှာလည်း ဓာတ်တစ်ခုခု၏လွန်ကဲ
လာမှုကြောင့် ကာယိကဒုက္ခဝေဒနာများ လွန်လွန်ကဲကဲ ဖြစ်မလာသဖြင့်
သက်တောင့်သက်သာရှိ၍ အနေရအထိုင်ရ မခက်ပါမှသာလျှင် သမာဓိဖြစ်မှု
ကို အနှောင့်အယှက် မဖြစ်ပါမှသာလျှင် မထင်ရှားသော ဓာတ်အချို့ကို ခေတ္တ
လွှတ်ထားခွင့် ရှိခြင်းဖြစ်သည်။ ဓာတ်တစ်ခုခုက လွန်ကဲနေ၍ ကာယိကဒုက္ခ
ဝေဒနာများက လွှမ်မိုးဖိစီးလာကြသဖြင့် ဓာတ်ကြီးလေးပါးတည်းဟူသော
ကမ္မဋ္ဌာန်းအာရုံပေါ်၌ ဘာဝနာစိတ်ကို ငြိမ်ဝပ်စွာ ကပ်မထားနိုင်သဖြင့် ကမ္မ
ဋ္ဌာန်းအာရုံနှင့် ကာယိကဒုက္ခဝေဒနာအာရုံတို့၌ စိတ်သည် တစ်လှည့်စီ ပြေး
သွားနေရကား စိတ်ငြိမ်သက်မှု သမာဓိကို မဖြစ်စေနိုင် ဖြစ်နေပါက ဓာတ်
ညီမျှအောင် ပြန်လည်၍ နှလုံးသွင်း ရှုပွားပါ။ သို့သော် အနည်းဆုံး ပမာဏ
အားဖြင့် ပထ၀ီဓာတ်၏သဘာဝလက္ခဏာတစ်မျိုး၊ အာပေါဓာတ်၏ သဘာဝ
လက္ခဏာတစ်မျိုး၊ တေဇောဓာတ်၏သဘာဝလက္ခဏာတစ်မျိုး၊ ၀ါယောဓာတ်
၏သဘာဝလက္ခဏာ တစ်မျိုးဟူသော သဘောတရားတစ်မျိုးစီကား ထင်ရှား
နေရမည်သာ ဖြစ်သည်။ သဘောတရား (၁၂)မျိုးလုံး ထင်ရှားနေပါက ပို၍
ပို၍ ကောင်းသည်သာ ဖြစ်ပေသည်။

 လက္ခဏတော = သဘာဝလက္ခဏာကို ဦးစားပေး ရှုပါ--
ဓာတ်ကြီးလေးပါးတို့၏ ကိုယ်ပိုင်သဘာဝလက္ခဏာကို ဦစားပေး၍
ရှုပါ။ ဓာတ်ကမ္မဋ္ဌာန်းကို အားထုတ်စတွင်ကား ဓာတ်ကြီးလေးပါးတို့၏ သဘာဝလက
္ခဏာ အသီးအသီးသည် အသိဉာဏ်၌ မထင်မရှားဖြစ်ခဲ့သော် ရသ
= ကိစ္စက စ၍ ရှုလိုကလည်း ရှုနိုင်၏။ သို့သော် ဤသို့ ဓာတ်ကမ္မဋ္ဌာန်းအာရုံ၌
သမာဓိသည် အားကောင်းလာ၍ ဓာတ်ကြီးလေးပါးအာရုံ၌ ဘာဝနာစိတ်
သည် တစ်နာရီ နှစ်နာရီ စသည်ဖြင့် ငြိမ်ဝပ်စွာကပ်၍ တည်နေခဲ့သော် ထိုသို့
တည်ငြိမ်နေသဖြင့် ဘာဝနာအရှိန်လည်း အားကောင်းလာသောအခါ၌ကား
သမာဓိ၏ စွမ်းအင်ကြောင့် မထင်ရှားသော ဓာတ်များသည်လည်း ထင်ရှား
လာရကား ---
၁။ ပထ၀ီဓာတ်၏ မာမှု ကျန်းမှုသဘော၊
၂။ အာပေါဓာတ်၏ ယိုစီးမှု ဖွဲ့စည်းမှုသဘော၊
၃။ တေဇောဓာတ်၏ ပူမှု အေးမှုသဘော၊
၎။ ၀ါယောဓာတ်၏ ထောက်ကန်မှုသဘော ဟူသော
ဓာတ်ကြီးလေးပါးတို့၏ ကိုယ်ပိုင်သဘာဝလက္ခဏာ အသီးအသီးပေါ်၌
ဘာဝနာစိတ်ကို စေလွှတ်၍ စူးစူးစိုက်စိုက် ရှုပေးပါ။

ဓာတုမနသိကာရ ဘာဝနာသမာဓိကို ပို၍ ပို၍ စူးရှထက်မြက်လာစေရန်အတွက် ဖြစ်သည်။ ဤသို့
ကျင့်၍မှ သမာဓိစွမ်းအင်က အလွန်ကြီး မထက်မြက်လာသေးလျှင် မာ-
ယို-ပူ-ထောက်ဟူသော သဘာဝလက္ခဏာမျှလောက်ကိုသာ ဦးစားပေး၍
ရှုလျက် သမာဓိကို ထူထောင်ပါ။

ဗောဇ္ဈင် (၇) ပါး ညီမျှအောင် ကျင့်ပါ
...............................................
၁။ ဓာတ်ကြီးလေးပါးတို့၏ အသီးအသီးသော သဘာဝလက္ခဏာအာရုံကို
အောက်မေ့ အမှတ်ရနေသော အဖန်ဖန် အထပ်ထပ် သိမ်းဆည်းနေသော
သတိကား သတိသမ္ဗောဇ္ဈင်၊
၂။ ဓာတ်ကြီးလေးပါးတို့၏ သဘာဝလက္ခဏာ အသီးအသီးကိုသာ ထိုး
ထွင်း သိနေသော စူးစမ်းဆင်ခြင် သုံးသပ်နေသော ပညာကား ဓမ္မ၀ိစယ
သမ္ဗောဇ္ဈင်၊
၃။ ဓာတ်ကြီးလေးပါးတို့၏ သဘာဝလက္ခဏာအာရုံ၌ ဓမ္မ၀ိစယ-၀ီရိယ
စသော ဗောဇ္ဈင်မြတ်တရားတို့ ထင်ရှားဖြစ်ပေါ်လာအောင် အထူးသဖြင့်
ဓာတ်ကြီးလေးပါးအာရုံ၌ စိတ်ငြိမ်ဝပ်စွာ ကပ်၍တည်နေမှု သမာဓိသမ္ဗောဇ္ဈင်
ဖြစ်အောင် ကြိုးစားအားထုတ်နေသော ၀ီရိယကား ၀ီရိယသမ္ဗောဇ္ဈင်၊
၎။ ဓာတ်ကြီးလေးပါးတို့၏ သဘာဝလက္ခဏာအာရုံ၌ ဘာဝနာစိတ်၏
ကြည်ရွှင်ဝမ်းမြောက်နေခြင်း = ပီတိကား ပီတိသမ္ဗောဇ္ဈင်၊
၅။ ဓာတ်ကြီးလေးပါးတို့၏ သဘာဝလက္ခဏာအာရုံ၌ ဘာဝနာ စိတ်
စေတသိက်တို့၏ ငြိမ်းအေးနေခြင်း = ပဿဒ္ဓိကား ပဿဒ္ဓိသမ္ဗောဇ္ဈင်၊
၆။ ဓာတ်ကြီးလေးပါးတို့၏ သဘာဝလက္ခဏာအာရုံ၌ ဘာဝနာစိတ်၏
ငြိမ်ဝပ်စွာ ကပ်၍ တည်နေမှု = သမာဓိကား သမာဓိသမ္ဗောဇ္ဈင်၊
၇။ ဓာတ်ကြီးလေးပါးတို့၏ သဘာဝလက္ခဏာအာရုံ၌ ဘာဝနာစိတ်ကိုက။
တက်ကြွခြင်း၊ ပျံ့လွင့်ခြင်း
ခ။ တွန့်ဆုတ်ခြင်း၊ ပျင်းရိခြင်း
ဤအဖို့အစုဘက်သို့ မရောက်အောင် သမ္ပယုတ်တရားတို့ကို အညီ
အမျှထားခြင်း = တတြမဇ္ဈတ္တတာကား ဥပေက္ခာသမ္ဗောဇ္ဈင် ---
ဤသည်တို့ကား ဓာတ်ကမ္မဋ္ဌာန်းစခန်း၌ ဗောဇ္ဈင် (၇)ပါးတို့တည်း။

ဓာတ်ကမ္မဋ္ဌာန်း ကြောင့်ရရှိသောအလင်း
.................................................
အသင်သူတော်ကောင်းသည် အာနာပါနကမ္မဋ္ဌာန်း ၊သြဒါတကသိုဏ်း
စသည့် သမထကမ္မဋ္ဌာန်းတို့ကို စတုတ္ထဈာန်သို့ ပေါက်အောင် ရှုထားပြီးသူ
သမထယာနိကပုဂ္ဂိုလ်ဖြစ်လျှင် ယင်းစတုတ္ထဈာန်သမာဓိကြောင့်လည်း အ
ရောင်အလင်းများသည် ထွက်ပေါ်နေသည်သာ ဖြစ်၏။ ယင်းစတုတ္ထဈာန်မှ
ထ၍ ယခုကဲ့သို့ ဓာတ်ကြီးလေးပါးကို အာရုံယူ၍ သမာဓိကို ထူထောင်ခိုက်
၌လည်း ယင်းဓာတုမနသိကာရဘာဝနာသမာဓိနှင့် ယှဉ်သော ဉာဏ်ကြောင့်
လည်း ဖြစ်ပေါ်လာသော အရောင်အလင်းသည် ရှိနေသည်သာ ဖြစ်၏။

အကယ်၍ အသင် သူတော်ကောင်းသည် သုဒ္ဓ၀ိပဿနာယာနိက
ပုဂ္ဂိုလ်ဖြစ်၍ ဓာတ်ကမ္မဋ္ဌာန်းကိုသာ စတင်အားသစ်သူ သူတော်ကောင်း ဖြစ်
ပါမူကား - ယခုကဲ့သို့ ဓာတ်ကြီးလေးပါးတို့၏ ကိုယ်ပိုင်သဘာဝလက္ခဏာ
အသီးအသီးကို အာရုံယူ၍ ဘာဝနာသမာဓိကို ထူထောင်လာရာ၌ ဥပစာရ
သမာဓိသို့ မဆိုက်မီ ဆိုက်လုနီးပါးဖြစ်သော ပရိကမ္မသမာဓိ အခိုက်မှစ၍
အရောင်အလင်းများသည် စတင်ထွက်ပေါ်လာတတ်၏။

ဤအရာဝယ် ယောဂါဝစရပုဂ္ဂိုလ်တို့၏ ပါရမီအပေါ်၌ အခြေတည်၍
တစ်ဦးနှင့်တစ်ဦး မတူထူးခြားကွဲပြားမှု အနည်းငယ် ရှိတတ်၏။ အချို့ သူတော်
ကောင်းတို့ကား ဓာတ်ကြီးလေးပါးကို အာရုံယူ၍ သမာဓိကို ထူထောင်လာရာ
သမာဓိ အရှိန်အ၀ါ အားကောင်းလာသောအခါ ၀န်းကျင်ပတ်ချာ အရပ်
မျက်နှာတို့၌ လင်းနေသည်ကို တွေ့ရတတ်၏။ အချို့သူတော်ကောင်းတို့ကား
အလင်းရောင်ကို စတင်၍ အသိအမှတ် မပြုမိဘဲ ခန္ဓာကိုယ်၌ပင် တည်ရှိသော
ဓာတ်ကြီးလေးပါးကို စိုက်၍ရှုနေရာ သမာဓိအရှိန်အ၀ါ အားကောင်းလာ
သောအခါ မီးခိုးရောင်ကဲ့သို့သော ညစ်ထပ်ထပ်အဖြူကို စတင်တွေ့တတ်၏။

အချို့သော ယောဂါဝစရပုဂ္ဂိုလ်တို့၌ကား ဓာတ်ကြီးလေးပါးတို့၏ သဘာဝ
လက္ခဏာများသည် အထူး ကျယ်ပြန့်လာတတ်၏။ ခန္ဓာကိုယ်ကြီး တဖြည်း
ဖြည်း ကြီးထွားသွားသည်ဟု ထင်တတ်ကြ၏။ အချို့ပုဂ္ဂိုလ်တို့ကား ခန္ဓာကိုယ်
ပျောက်၍ ဓာတ်အစုအပုံဖြင့်သာ တွေ့မြင်နေရာ ထိုဓာတ်အစုအပုံ အတုံး
အခဲမှာ တဖြည်းဖြည်း လုံးကျစ်၍ သေးသိမ်လာသည်ဟု ထင်တတ်ကြ၏။
သမာဓိ၏ အရှိန်အ၀ါ အားကောင်းလာသောအခါ ဘာဝနာမနသိကာရ အ
ပေါ် အခြေစိုက်၍ဖြစ်ပေါ်လာသော ကွဲပြားမှုတည်း။

 ထို့ကြောင့် ယောဂါဝစရ
ပုဂ္ဂိုလ်သည် ဤကဲ့သို့ သမာဓိအရှိန်အ၀ါ အားကောင်းလာသော အပိုင်း၌
ဓာတ်ကြီးလေးပါးကို ကြီးမားကျယ်ပြန့်သွားစေလိုသောစိတ်၊ ဓာတ်ကြီးလေး
ပါးကို ကျုံ့သွားစေလိုသောစိတ် ဤသို့စသော စိတ်ပျောင်းလဲမှု စိတ်ကစားမှု
များ မဖြစ်အောင် အထူးသတိပြုဖို့ လိုအပ်ပေသည်။ ဤအပိုင်းတွင် ထိုကဲ့သို့
စိတ်အပြောင်းအလဲ များနေပါက ဘာဝနာသမာဓိမှာ တဖြည်းဖြည်း အရှိန်
အ၀ါ လျော့လာတတ်၏။ ဥဒ္ဓစ္စ ၀င်နေတတ်၏။

ဓာတ်ကမ္မဋ္ဌာန်း ကြောင့်ဥပစာရ သမာဓိရပြီ
...........................................................
ယောဂါဝစရပုဂ္ဂိုလ်သည် ဤကဲ့သို့ သမာဓိအရှိန်အ၀ါ အားကောင်း
လာသောအခါ "လက်-ခြေ-ခေါင်း-ကိုယ်"စသော ခန္ဓာကိုယ် အစိတ်အပိုင်း
တို့ကို မမြင်တော့ဘဲ ဓာတ်ကြီးလေးပါးတို့၏ အစုအပုံ အတုံးအခဲကြီးကိုသာ
တွေ့မြင်နေ၏။ ထိုအခါ သမာဓိမှာ အရှိန်အ၀ါ အားကောင်းလာပြီ ဖြစ်၏
အကြမ်းစား သတ္တသညာ (= လောကဝေါဟာရအားဖြင့် ခေါ်ဝေါ်သုံးစွဲနေ
သော "ငါ-သူတစ်ပါး-ယောက်ျား-မိန်းမ-ပုဂ္ဂိုလ်-သတ္တ၀ါ"ဤသို့ စသော
လောကသမညာအတ္တစွဲ) ကွာစပြုလာပြီ ဖြစ်၏။

ထိုကဲ့သို့သော သတ္တသညာ
ကွာသွားအောင်လည်း ယောဂါဝစရပုဂ္ဂိုလ်သည် ကြိုးပမ်းရမည်သာဖြစ်၏။
ဤကဲ့သို့ ကြိုးပမ်းလာရာ ထိုဓာတ်အတုံးအခဲကြီး၌ မီးခိုးရောင်ကဲ့သို့
ညစ်ထပ်ထပ် အရောင်ကို စတင်တွေ့ရှိတတ်၏။ ပါရမီအရှိန်အ၀ါ အား-
ကောင်းသူ သမာဓိအရှိန်အ၀ါအားကောင်းသူတို့ကား ဤအဆင့်တွင် အလွန်
မကြာတော့ဘဲ ယင်းမီးခိုးရောင်ကဲ့သို့သော ညစ်ထပ်ထပ် အတုံးအခဲ၌ပင်
တည်ရှိသော ဓာတ်ကြီးလေးပါးကို မြင်အောင် ဉာဏ်ဖြင့် ပိုင်းခြားယူလျက်
သိမ်းဆည်းလျက် သမာဓိကို ဆက်လက်ထူထောင်လိုက်သောအခါ ၀ါဂွမ်းစိုင်
ကဲ့သို့ ဆွတ်ဆွတ်ဖြူနေသော၊ ဆွတ်ဆွတ်ဖြူနေသော တိမ်တိုက်ကဲ့သို့သော
အဖြူပြင် အဖြူအတုံးအခဲကြီးကို တွေ့မြင်လာတတ်၏။

 ယင်း အဖြူအတုံး
အခဲ၌ တည်ရှိသော ဓာတ်ကြီးလေးပါးကိုပင် သိမ်းဆည်းလျက် သမာဓိကို
ဆက်လက်ထူထောင်နိုင်ခဲ့သော် ရေခဲတုံး ဖလ်တုံး မှန်တုံးကဲ့သို့သော အလွန်
ကြည်လင် တောက်ပနေသော အတုံးအခဲကြီးကို တွေ့တတ်၏။ ရုပ်ဃန
ခေါ်သည့် အတုံးအခဲများ မပြိုမီ စပ်ကြားကာလ၌ ဓာတ်ကြီးလေးပါးတို့ကို
အစုလိုက်အပုံလိုက် အတုံးလိုက်အခဲလိုက် တွေ့မြင်နေရခြင်း ဖြစ်၏။

ဓာတ်ကဋ္ဌာန်းမှ ရရှိသော ဥပစာရမှ ဈာန်သမာဓိ ကူးနိုင်ပုံ
..........................................................................
အသင် သူတော်ကောင်းသည် သုဒ္ဓ၀ိပဿနာယာနိက
ပုဂ္ဂိုလ်ဖြစ်၍ သမထတစ်ခုခုဘက်သို့ ပြောင်း၍ သမာဓိကို ထူထောင်လိုပါက
ရှေးဦးစွာ ဓာတ်ကြီးလေးပါးကို အာရုံယူ၍ သမာဓိကိုထူထောင်ပါ။ အထက်
တွင် တင်ပြခဲ့သည့်အတိုင်း ရေခဲတုံး ဖလ်တုံး မှန်တုံးကဲ့သို့ ကြည်နေသော
အကြည်တုံး အကြည်ပြင်၌ တည်ရှိသော ဓာတ်ကြီးလေးပါးကိုပင် အာရုံယူ၍
ဆက်လက်ကာ သမာဓိကိုထူထောင်ပါ။ လင်းရောင်ခြည်များသည် နာရီဝက်
တစ်နာရီခန့် ပြိုးပြိုးပြက်ပြက် အရောင်တလက်လက် တောက်ပလာသော
အခါ သမထကမ္မဋ္ဌာန်းပိုင်းတွင် ရေးသားတင်ပြခဲ့သည့်အတိုင်း ---
၁။ (၃၂)ကောဋ္ဌာသ၊
၂။ အရိုးစုကမ္မဋ္ဌာန်း၊
၃။ သြဒါတကသိုဏ်းနှင့် ကြွင်းကသိုဏ်းများ

ဤကမ္မဋ္ဌာန်းတို့ကို အစဉ်အတိုင်း ရှုနိုင်ပါသည်။ သြဒါတကသိုဏ်း၌
စတုတ္ထဈာန်သမာဓိသို့ ဆိုက်သောအခါ အခြား သမထကမ္မဋ္ဌာန်းများသို့
လည်းကောင်း အထူးသဖြင့် စတုရာရက္ခ ကမ္မဋ္ဌာန်းများသို့လည်းကောင်း
ပြောင်းရှုလိုက ရှုနိုင်ပေပြီ။ (ကသိုဏ်း ၁၀-ပါး၊သမာပတ် ၈-ပါးရှုကွက်၊
ဗြဟ္မစိုရ်တရား ၄-ပါးရှုကွက်၊စတုရာရက္ခကမ္မဋ္ဌာန်းရှုကွက်တို့ကို သမထကမ
္မဋ္ဌာန်းပိုင်းတွင် ပြန်ကြည့်ပါ။) အကယ်၍ ၀ိပဿနာသို့ ကူးလိုက အောက်
ပါအတိုင်း ဆက်လက် လေ့ကျင့်ပါ။

ရုပ်ကလာပ်များ စတင်တွေ့ရှိပြီ
........................................
ဓာတ်ကို ကြိမ်ဖန်များစွာ လှည့်နေသောယောဂီသည်
သမာဓိအရှိန်အ၀ါ အားကောင်းလာသောအခါ ဓာတ်ကြီး
လေးပါးကို သိမ်းဆည်းလျက် သမာဓိကို အဆင့်ဆင့် တစ်ဖန်ပြန်၍ ထူထောင်
လိုက်ပါက မကြာမီ အချိန်ကာလ အတွင်းမှာပင် အကြည်တုံး အကြည်ခဲ
အကြည်ပြင်ကြီးကို ပြန်လည်တွေ့ရှိမည် ဖြစ်ပေသည်။ ထိုအကြည်တုံး အ
ကြည်ခဲ အကြည်ပြင်၌ တည်ရှိသော ဓာတ်ကြီးလေးပါးကို သိမ်းဆည်းလျက်
ဉာဏ်ဖြင့် ပိုင်းခြားယူလျက် သမာဓိကို ဆက်လက်ထူထောင်ပါက ပါရမီ အား
လျော်စွာ အကြည်တုံးကြီးမှာ ပြိုကွဲသွားကာ ရုပ်ကလာပ်အမှုန်များကို စတင်
တွေ့ရှိတတ်ပါသည်။ အကယ်၍ မတွေ့ရှိပါက ယင်းအကြည်တုံး အကြည်ပြင်
၌ အာကာသဓာတ်ကို မြင်အောင် ဆက်ရှုရမည် ဖြစ်သည်။

ဓာတုမနသိကာရ ဘာဝနာသမာဓိနှင့် ယှဉ်နေသော
ဉာဏ်ကြောင့် ဖြစ်ပေါ်လာသော အရောင်အလင်း၏ အကူအညီဖြင့် ထို
အကြည်ပြင်၌ အာကာသဓာတ်ကို မြင်အောင် ထိုးစိုက်၍ ရှုနိုင်သောအခါ
ရုပ်ကလာပ်တို့၏ အကြားအပေါက် ဟူသော ရုပ်ကလာပ်တို့ကို ပိုင်းခြား
ကြောင်းဖြစ်သော အာကာသဓာတ်ကို တွေ့မြင်သည်နှင့် တစ်ပြိုင်နက် ရုပ်
ကလာပ်များကိုလည်း စတင်တွေ့ရှိမည် ဖြစ်သည်။

ကြည်သော ရုပ်ကလာပ်တို့မှ ကံ-စိတ်-ဥတု-အာဟာရ
ဟူသော အကြောင်းတရားလေးပါးကြောင့် ထင်ရှားဖြစ်နေကြကုန်သော
ရုပ်ကလာပ်တို့ကား မကြည်သော ရုပ်ကလာပ်တို့တည်း။ ကြည်သော ရုပ်ကလာပ်
မကြည်သော ရုပ်ကလာပ်တို့ကား ဆန်မှုန့်နှင့် နနွင်းမှုန့်ကို သမအောင်
ရောစပ်ထားသကဲ့သို့ ခန္ဓာကိုယ်အနှံ့အပြား၌ တည်ရှိနေကြ၏။

ယောဂါဝစရပုဂ္ဂိုလ်သည် အာကာသဓာတ်ကို မမြင်သေးမီ ရုပ်ကလာပ်တို့ကိုလည်း
မမြင်သေးမီ အချိန်ကာလ၌ ဉာဏ်ကလည်း အလွန်ကြီး မစူးရှ
မထက်မြက်သေးသဖြင့် ယင်း ကြည်သည့် ရုပ်ကလာပ် မကြည်သည့် ရုပ်
ကလာပ်တို့ကို တစ်ဆက်တည်း တစ်စပ်တည်းကဲ့သို့ မြင်နေသဖြင့် ယင်း
ရုပ်ကလာပ်တို့ကို, အထူးသဖြင့် အကြည်ဓာတ်များ လွှမ်းခြုံဖုံးအုပ်ထားသော
ရုပ်ကလာပ်အားလုံးတို့ကို အတုံးလိုက် အခဲလိုက် အပြင်လိုက် တွေ့မြင်
နေရခြင်း ဖြစ်၏။

ရုပ်ကလာပ်များကို ဓာတ်ခွဲပါ
......................................
ရုပ်ကလာပ်များကို အကြမ်းအားဖြင့် ခွဲခြားလိုက်သော် ယင်းတို့မှာ
ကြည်သည့် ရုပ်ကလာပ် မကြည်သည့် ရုပ်ကလာပ်ဟု ရုပ်ကလာပ် နှစ်မျိုး
နှစ်စား ရှိနေ၏။ ပသာဒရုပ် (= အကြည်ရုပ်) ငါးမျိုး ပါဝင်သော ရုပ်ကလာပ်
အမှုန်များမှာ ကြည်လင်၍ ကျန် ရုပ်ကလာပ်များမှာ မကြည်ကြပေ။ အချို့
ယောဂါဝစရပုဂ္ဂိုလ်တို့သည် ရုပ်ကလာပ်များကို တွေ့စအချိန်ဝယ် အတုံးအခဲ
ခပ်ကြီးကြီးများကိုလည်း တွေ့နေတတ်၏။ ဆန်စေ့ခန့် ဆန်ကွဲစေ့ခန့်လောက်
ရှိသော အတုံးအခဲများကိုလည်း တွေ့မြင်နေတတ်သေး၏။

 အချို့ယောဂီတို့
ကား အနက်ရောင်ကတ္တီပါပေါ်တွင် ဆန်ကွဲစေ့များကို၊ စိန်တုံးစိန်ခဲကလေး
များကို ကြဲဖြန့်ထားသကဲ့သို့ တွေ့မြင်နေတတ်ကြ၏။ ထိုအခါတွင် ယင်းအတုံး
အခဲတို့၌လည်း ဓာတ်ကြီးလေးပါးကိုပင် မြင်အောင် ဆက်၍ ရှုလိုက်ပါက
သို့မဟုတ် အာကာသဓာတ်ကိုပင် မြင်အောင် ဆက်စိုက်လိုက်ပါက ရုပ်က
လာပ်အမှုန်များကို တွေ့ရှိမည် ဖြစ်သည်။ ယင်းသို့ဖြစ်လျှင် ဆန်ကွဲစေ့ကဲ့သို့
စိန်တုံးစိန်ခဲကဲ့သို့သော ကြည်နေသော အတုံးအခဲတို့မှာ ကြည်နေသော
ရုပ်ကလာပ်တို့၏ အပေါင်းအစု အတုံးအခဲဟု သဘောပေါက်ပါ။

တစ်ဖန်
အောက်ခံ ကတ္တီပါနက်ရောင်ကဲ့သို့သော အတုံးအခဲအပြင်၌ ဓာတ်ကြီးလေး
ပါးကို ရှုလိုက်ပါက သို့မဟုတ် အာကာသဓာတ်ကို မြင်အောင် စိုက်ရှုလိုက်ပါ
က ရုပ်ကလာပ်အမှုန်များကို တွေ့ရှိနိုင်၏၊ မကြည်သော ရုပ်ကလာပ်တို့၏
အပေါင်းအစုပင်တည်း။

အသင်သူတော်ကောင်းသည် ရုပ်ကလာပ်များကို မြင်သောအခါ ကြည်
သော ရုပ်ကလာပ်၌ ဓာတ်လေးပါး၊မကြည်သော ရုပ်ကလာပ်၌ ဓာတ်လေးပါး
ဟု ရုပ်ကလာပ်တစ်ခုတစ်ခု၌ ဓာတ်ကြီးလေးပါးကို မြင်အောင် စရှုပါ၊ သိမ်း
ဆည်းပါ၊ ဉာဏ်ဖြင့် ပိုင်းခြားယူပါ။ အသင်သူတော်ကောင်းသည် ရုပ်ကလာပ်
တို့၏ အလွန် လျင်လျင်မြန်မြန် ပေါ်လိုက်ပျောက်လိုက် ဖြစ်နေမှုကို တွေ့ရှိ
နေမည်သာ ဖြစ်သည်။ ရုပ်ကလာပ်တို့ကို ဓာတ်မခွဲနိုင်သေးပါက သမူဟဃန
ကိစ္စဃနတို့ မပြိုသေးသဖြင့် ယင်းရုပ်ကလာပ်တို့ကို ရုပ်ကလာပ်အမှုန်အတိုင်း
သာ မြင်တွေ့နေသေးလျှင် အသင်သူတော်ကောင်း၏ ဘာဝနာဉာဏ်သည်
ပညတ်နယ်မှာပင် ရှိနေသေး၏။

 ရုပ်ကလာပ်ဟူသည် သမူဟပညတ် သဏ္ဌာန
ပညတ် မကွာသေးသည့် ပရမတ္ထရုပ်တရားတို့၏ အသေးဆုံးသော အဖွဲ့
အစည်းတစ်ခု ဖြစ်၏။ ပရမာဏုမြူထက် အဆပေါင်းများစွာ သေးငယ်သော
အမှုန်ကလေးသာဖြစ်၏။ ယင်းရုပ်ကလာပ် တစ်ခုတစ်ခု အတွင်း၌ တည်ရှိ
သော (၈)မျိုး သို့မဟုတ် (၉)မျိုး သို့မဟုတ် (၁၀)မျိုးသော ရုပ်တရားတို့ကို
တစ်လုံးစီ တစ်လုံးစီ ဉာဏ်ဖြင့် ခွဲခြားစိတ်ဖြာလျက် မသိမ်းဆည်းနိုင်သေးပါက
ဉာဏ်ဖြင့် ပိုင်းခြားကာ မယူနိုင်သေးပါက ပရမတ်နယ်သို့ ဉာဏ်အမြင် မဆိုက်
ရောက်သေးပေ။ အကြောင်းမူ ရုပ်ကလာပ်ဟူသည် ပညတ်နယ်၌ သမူဟ
ပညတ် သဏ္ဌာနပညတ် စသည့် ပညတ်တို့ လုံးဝ မကွာသေးသည့် လုံးဝ
မကင်းစင်သေးသည့် အသေးဆုံး အတုံးအခဲ ပညတ်သာ ရှိသေးသောကြောင့်
ဖြစ်၏။

 ထိုရုပ်ကလာပ်တို့ကို ဓာတ်မခွဲနိုင်ဘဲ၊ ဉာဏ်ဖြင့် ခွဲခြားစိတ်ဖြာလျက်
ပရမတ္ထရုပ်တရားတို့ကို မသိမ်းဆည်းနိုင်သေးဘဲ ရုပ်ကလာပ်အမှုန်အတိုင်း
ပေါ်မှုပျောက်မှုကို အာရုံယူ၍ ဖြစ်-ပျက် ရှုနေပါက သို့မဟုတ် ၀ိပဿနာ
ရှုနေပါက ပညတ် ဖြစ်-ပျက်၊ ပညတ် ၀ိပဿနာသာ ရှိသေးသည်၊ သို့အတွက်
ရုပ်ကလာပ်များကို ဓာတ်ခွဲလျက် ရုပ်ပရမတ်သို့ ဉာဏ်အမြင်ဆိုက်အောင်
ရုပ်ကလာပ် တစ်ခုတစ်ခု၏ အတွင်း၌ တည်ရှိသော ပရမတ္ထရုပ်တရားတို့ကို
သိမ်းဆည်းရဦးမည်၊ ဉာဏ်ဖြင့် ပိုင်းခြားယူရဦးမည်သာ ဖြစ်ပေသည်။
ထိုသို့ ရုပ်ကလာပ် တစ်ခုတစ်ခု၏ အတွင်း၌ တည်ရှိသော ပရမတ္ထ
ရုပ်တရားတို့ကို သိမ်းဆည်းရာ ဉာဏ်ဖြင့် ပိုင်းခြားယူရာ၌ ဓာတ်ကြီးလေးပါး
တို့ကို ရှေ့ဦးစွာ စတင်၍ သိမ်းဆည်းပါ။

သိမ်းဆည်းခြင်းဟူသည် ပရမတ်
တရားတို့ကို ပရမတ်သို့ ဆိုက်အောင် ဉာဏ်ဖြင့် ပိုင်းခြားယူခြင်းတည်း။အ
ကယ်၍ ရုပ်ကလာပ်တို့၏ အလွန် လျင်လျင်မြန်မြန် ပေါ်မှု ပျောက်မှုကြောင့်
ရုပ်ကလာပ် တစ်ခုတစ်ခု၏ အတွင်း၌ တည်ရှိသော ဓာတ်ကြီးလေးပါးကို
မသိမ်းဆည်းနိုင် စိုက်၍ ရှုမရနိုင် ဖြစ်နေပါက - မမြင်ချင် မတွေ့ချင်သူ
တစ်ဦးနှင့် တွေ့သောအခါ မမြင်ယောင် မတွေ့ယောင် ဆောင်နေသကဲ့သို့
အလားတူပင် ရုပ်ကလာပ်တို့၏ ပေါ်မှုပျောက်မှုကို နှလုံးမသွင်းဘဲ အာရုံ
မယူဘဲ မကြည့်ဘဲ ရုပ်ကလာပ် တစ်ခုတစ်ခု၏ အတွင်း၌ တည်ရှိသော
ဓာတ်ကြီးလေးပါးကိုသာ စူးစူးစိုက်စိုက် နှလုံးသွင်းပါ၊ ရှုနေပါ၊ သိမ်းဆည်းပါ၊
ဉာဏ်ဖြင့် ပိုင်းခြားယူပါ။

ကလာပ်တစ်ခုခြင်းအား ဓာတ်ခွဲမှုခက်ခဲနေသေးပါက
......................................................................
အကယ်၍ ရုပ်ကလာပ် တစ်ခုတစ်ခု၏ အတွင်း၌ တည်ရှိသော ဓာတ်
ကြီးလေးပါးကို ရှုမရနိုင် သိမ်းဆည်းမရနိုင် ဖြစ်နေပါက ခန္ဓာကိုယ် တစ်ကိုယ်
လုံးကို ခြုံ၍ ပထ၀ီဓာတ်ကိုရှုပါ သိမ်းဆည်းပါ။ တစ်နည်းဆိုရသော် ဤအပိုင်း
တွင် ခန္ဓာကိုယ် အတုံးအခဲကြီးကို မတွေ့နိုင်ဘဲ ရုပ်ကလာပ်အမှုန်တို့ကိုသာ
တွေ့ရှိနေမည် ဖြစ်သဖြင့် တစ်ကိုယ်လုံး၌ တည်ရှိသော ရုပ်ကလာပ်အားလုံး
ကို ခြုံ၍ ပထ၀ီဓာတ်ကို ရှုပါ၊ သိမ်းဆည်းပါ။

ထိုနောင် ရုပ်ကလာပ် တစ်ခု
အတွင်း၌ ပထ၀ီဓာတ်ကို သိမ်းဆည်းပါ။ မိမိသိမ်းဆည်းလိုက်သော ရုပ်က
လာပ်သည် ပျောက်သွားပါက နောက်ကလာပ်တစ်ခု၌ ပထ၀ီဓာတ်ကိုပင်
ဆက်လက် သိမ်းဆည်းပါ။ အောင်မြင်မှု ရရှိပါက ကလာပ်တစ်ခုပြီး ကလာပ်
တစ်ခု ပြောင်း၍ ပထ၀ီဓာတ်တစ်ခုတည်းကိုပင် သိမ်းဆည်းပါ။ ပထ၀ီဓာတ်၌
လည်း မာ-ကျန်း-လေး-ပျော့-ချော-ပေါ့ဟု သဘောတရား (၆)မျိုးရှိရာ
ကလာပ်တစ်ခုတစ်ခုအတွင်း၌ မာ-ကျန်း-လေး ထင်ရှားနေပါက ပျော့-ချောပေါ့
မထင်ရှားပေ။ ပျော့-ချော-ပေါ့ ထင်ရှားကလည်း မာ-ကျန်း-လေး မထင်
ရှားပေ။ ထိုသို့ ပထ၀ီဓာတ်ကို သိမ်းဆည်းရာ၌ အခက်အခဲ ရှိနေသေးက
မာမှုသဘော တစ်ခုကိုသာ ဦးစားပေး၍ သိမ်းဆည်းကြည့်ပါ။

 အောင်မြင်မှု
ရရှိပါက တဖြည်းဖြည်း တစ်လုံးစီ တိုးကြည့်ပါ။ မိမိရှုလိုက်သည့် ကလာပ်
တိုင်း၌ မာ-ကျန်း-လေး သဘောတရားတို့ကို သို့မဟုတ် ပျော့-ချော-ပေါ့
သဘောတရားတို့ကို ပြိုင်တူမြင်အောင် လေ့ကျင့်ပါ။ ရုပ်ကလာပ်အားလုံးကို
ခြုံ၍ မာမှုသဘောကို ရှုလိုက်, ရုပ်ကလာပ်တစ်ခု၌ မာမှုသဘောကို ရှုလိုက်ဤသို့
ကြိမ်ဖန်များစွာ လေ့ကျင့်ပါ။ အောင်မြင်မှုရရှိပါက ရုပ်ကလာပ်အားလုံး
၌ မာမှု-ကျန်းမှု သဘောနှစ်ခုကို ရှုလိုက်၊ ရုပ်ကလာပ်တစ်ခု၌ မာမှု-ကျန်းမှု
သဘောနှစ်ခုကို ရှုလိုက် - ဤသို့ ကြိမ်ဖန်များစွာ လေ့ကျင့်ပါ။ အောင်မြင်မှု
ရရှိပါက ရုပ်ကလာပ်အားလုံးကို ခြုံ၍ မာ-ကျန်း-လေးကို ရှုလိုက်, ရုပ်ကလာပ်
တစ်ခု၌ မာ-ကျန်း-လေးကို ရှုလိုက် - ဤသို့ ကြိမ်ဖန်များစွာ လေ့ကျင့်ပါ။

မာ-ကျန်း-လေး မထင်ရှား၍ ပျော့-ချော-ပေါ့ ထင်ရှားသော ရုပ်ကလာပ်တို့ကို
ရှုရာ၌လည်း နည်းတူပင် သဘောပေါက်ပါ။ ဤနည်းစနစ်ကို မှီ၍ အာပေါ
ဓာတ် တေဇောဓာတ် ၀ါယောဓာတ်တို့ကိုလည်း ဆက်ရှုပါ။
အာပေါဓာတ်ဝယ် ယိုစီး-ဖွဲ့စည်း နှစ်မျိုးတို့တွင် တစ်မျိုးမျိုးသာ ပို၍
ထင်ရှားတတ်၏။ ဃန မပြိုမီ နှစ်မျိုးလုံး ထင်ရှားသော်လည်း ရုပ်ကလာပ်
တစ်ခုတစ်ခု အတွင်း၌ကား တစ်မျိုးကသာ ပို၍ ထင်ရှားနေ၏။ တေဇော
ဓာတ်ဝယ် ပူမှု အေးမှု နှစ်မျိုးရှိရာ ရုပ်ကလာပ်တစ်ခု အတွင်း၌ တစ်မျိုးသာ
ရှိနိုင်၏။ ပူမှုထင်ရှားက အေးမှု မထင်ရှားပေ။ အေးမှု ထင်ရှားကလည်း
ပူမှု မထင်ရှားပေ။ ၀ါယောဓာတ်၏ ထောက်ကန်-တွန်းကန် သဘောတို့ကား
ကလာပ်တိုင်း၌ တည်ရှိကြ၏။ ထောက်ကန်မှုမှာ သဘာဝလက္ခဏာဖြစ်၍
တွန်းကန်မှုမှာ ရသကိစ္စ ဖြစ်သည်။

"ဖားအောက်တောရဆရာတော်"
http://bhikkhudhamma.blogspot.com/