ကုဋေတစ်သိန်း
ဧကစ္ဆရက္ခဏေ ကောဋိသတသဟဿသင်္ခင်္ါ ဥပ္ပ္ပဇ္ဇတွာ နိရိုဇ္ဈတိ။
(သံ၊ဋ္ဌ၊၂၊၂၉၅။)
နာမ်တရားတို့သည်ကား မျက်စိတစ်မှိတ် လျှပ်တစ်ပြက် လက်ဖျစ်တစ်တွက်ဟု
ု ခေါ်ဆိုအပ်သော အချိန်ကာလအတွင်း၌ပင် ကုဋေတစ်သိန်းမက
ဖြစ်ပြီးလျှင် ချုပ်ပျက်သွားကြ၏။ ဤ ကျမ်းဂန်အဆိုအမိန့်များကို ကိုးကား-
လျက် ----"မျက်စိတစ်မှိတ် လျှပ်တစ်ပြက် လက်ဖျစ်တစ်တွက်အတွင်းမှာ
ကုဋေတစ်သိန်းမက ဖြစ်ပြီးပျက်နေသော ဒီနာမ်တရားတွေကို ဘယ်လိုလုပ်
ရှုမလဲ"ဟု ကုဋေတစ်သိန်းနှင့် ခဏခဏ ကိုင်အပေါက်ခံနေရသဖြင့် အလွန့်
အလွန် မျက်နှာငယ်နေရှာသော၊ ယနေ့ခေတ် ၀ိပဿနာလောကက မျက်နှာသာမပေး
သဖြင့် မျက်မှောက်ခေတ် သာသနာဝယ် ချောင်ကြိုချောင်ကြား၌
အသာအယာ ပုကပ်နေရသော၊ သို့သော် တစ်ချိန်က မျက်နှာပန်းပွင့်လန်းခဲ့
ဖူးသော နာမ်တရားများကို သိမ်းဆည်းရှုပွားရန် အပိုင်းသို့ကား ဆိုက်ရောက်
လာခဲ့ပေပြီ။ နှလုံးဖြူစင် အသင်သူတော်စင်အပေါင်းတို့သည် ကျင့်ကြံကြိုး
ကုတ် ပွားများအားထုတ်နိုင်ကြပါစေသောဝ်။
နာမ်ကမ္မဋ္ဌာန်း၌ သိမ်းဆည်းနည်း (၃) နည်း
-----------------------------------------------
(ဒီ၊ဋ္ဌ၊၂၊၃၁၄။ မ၊ဋ္ဌ၊၁၊၂၈၀။ အဘိ၊ဋ္ဌ၊၂၊၂၅၂။)
နာမ်ကမ္မဋ္ဌာန်းကို စတင်အားသစ်ရာ၌ = နာမ်တရားတို့ကို စတင် သိမ်း-
ဆည်းရာ ဉာဏ်ဖြင့် ပိုင်းခြားယူရာ၌ ----
၁။ ဖဿကစ၍ သိမ်းဆည်းသောနည်း (ဖဿ ထင်ရှားသော ပုဂ္ဂိုလ်အဖို့)
၂။ ဝေဒနာကစ၍ သိမ်းဆည်းသောနည်း (ဝေဒနာ ထင်ရှားသော ပုဂ္ဂိုလ်အဖို့)
၃။ အသိစိတ် = ၀ိညာဏ်ကစ၍ သိမ်းဆည်းသောနည်း (အသိစိတ် ၀ိညာဏ်ထင်ရှားသော ပုဂ္ဂိုလ်အဖို့။) ဟု ----
ဤသို့လျှင် (၃)နည်း ရှိပေသည်။ အကယ်၍ အသင်သူတော်ကောင်း-
သည် သုဒ္ဓပိပဿနာယာနိက ပုဂ္ဂိုလ်မျိုးဖြစ်လျှင် နာမ်ကမ္မဋ္ဌာန်းကို စတင်
အားသစ်ရာ၌ အောက်ပါ စည်းကမ်းသတ်မှတ်ချက်ကို ရိုသေစွာ ဦးထိပ်ရွက်
ပန်ဆင်၍ လိုက်နာပြုကျင့်သင့်လှပေသည်။ (၀ိသုဒ္ဓိ၊၂၊၂၂၇။)(မဟာဋီ၊၂၊၃၅၇။)
အကယ်၍ အသင် သူတော်ကောင်းသည် သုဒ္ဓ၀ိပဿနာယာနိကပုဂ္ဂိုလ်ဖြစ်လျှင်
သုဝ်သုဒ္ဓပပရိဂ္ဂဟ=ကောင်းမွန်စင်ကြယ်စွာ ရုပ်တရားကိုဉာဏ်ဖြင့် ပိုင်းခြားယူပြီးသူ = သိမ်းဆည်းပြီးသူ ဖြစ်ရပေမည်။
အကြောင်းမူ ခန္ဓာငါးပါးရှိသော သတ္တ၀ါတို့၏ သန္တာန်ဝယ် စက္ခုအကြည်၊ သောတအကြည်၊
ဃာနအကြည်၊ ဇိဝှါအကြည်၊ ကာယအကြည် ဟူသော အကြည်ရုပ်တို့ကား
စက္ခုဝိညာဏ်၊ သောတ၀ိညာဏ်၊ ဃာန၀ိညာဏ်၊ ဇိဝှါဝိညာဏ်၊ ကာယ
ဝိညာဏ် ဟူသော နာမ်တရားစုတို့၏ အစဉ်အတိုင်း မှီ၍ဖြစ်ရာ ရုပ်တရားတို့
ဖြစ်ကြ၏။ မနောဓာတ် မနောဝိညာဏဓာတ် အမည်ရသော နာမ်တရားစုတို့
သည်လည်း ဘ၀င် = မနောအကြည်ဓာတ်ကို အစွဲပြု၍ ဟဒယ၀တ္ထုရုပ်ကိုမှီ၍ ဖြစ်ကြရ၏။
သို့အတွက် ယင်းနာမ်တရားတို့၏ မှီ၍ဖြစ်ရာ ဆိုင်ရာဆိုင်ရာ ၀တ္ထု
ရုပ်တို့ကိုလည်းကောင်း၊ ဘ၀င် = မနောအကြည်ဓာတ်ကိုလည်းကောင်း
မသိမ်းဆည်းတတ်သေး = မရှုတတ်သေးပါက နာမ်တရားတို့ကို နာမ်တုံး
နာမ်ခဲဟူသော နာမ်ဃန အသီးအသီးပြိုအောင် ပရမတ်သို့ ဉာဏ်အမြင်
ဆိုက်အောင် သိမ်းဆည်းတတ်ရေး ဉာဏ်ဖြင့် ပိုင်းခြားယူတတ်ရေး ရှုမြင်
တတ်ရေးမှာ အလွန် အလှမ်းဝေးလျက်ပင် ရှိနေပေဦးမည် ဖြစ်ပေသည်။
အဘယ်ကြောင့်ဆုတ်ယုတ်သနည်း
................................................
ကောင်းမွန်စင်ကြယ်စွာ ရုပ်တရားကိုသိမ်းဆည်းပြီးသော ယောဂါဝစရပုဂ္ဂိုလ်၏
အသိဉာဏ်၌သာလျှင် အထက်တွင် တင်ပြထားသော နာမ်ကမ္မဋ္ဌာန်း သိမ်းဆည်းနည်း = နာမ်တရားတို့ကို
သိမ်းဆည်း ရှုပွားနည်း (၃)နည်းတို့တွင် တစ်မျိုးမျိုးသော အခြင်းအရာအား
ဖြင့် သို့မဟုတ် သုံးမျိုးသော အခြင်းအရာတို့ဖြင့် နာမ်တရားတို့သည် ထင်ရှား
လာသောကြောင့် ဖြစ်သည်။ ထိုကြောင့် ကောင်းမွန်စင်ကြယ်စွာ ရုပ်တရားကို
သမ်ဆည်း ပြီးသော ယောဂါဝစရပုဂ္ဂိုလ်သည် သာလျှင် နာမ်တရာ့ကိုသိမ်း
ဆည်းဖို့ရန် ကြိုးစားအားထုတ်ပါ။ ရုပ်တရားကို ကောင်းမွန်စင်ကြယ်စွာ မ
သိမ်းဆည်းရသေးသော ယောဂါဝစရပုဂ္ဂိုလ်သည် နာမ်တရားတို့ကို သိမ်း-
ဆည်းဖို့ရန် ကြိုးစားအားထုတ်ခြင်းကို မပြုလုပ်ပါနှင့်။ အကယ်၍ ရုပ်တရား
တစ်လုံးလောက် အသိဉာဏ်၌ ထင်ရှားလာရုံမျှဖြင့်သော်လည်းကောင်း၊ ရုပ်
တရားနှစ်လုံးလောက် အသိဉာဏ်၌ ထင်ရှားလာရုံမျှဖြင့်သော်လည်းကောင်း
ရုပ်ကမ္မဋ္ဌာန်းကို ဆက်လက်အားမထုတ်တော့ဘဲ ရုပ်တရားကို သိမ်းဆည်းခြင်း
လုပ်ငန်းရပ်ကို ပယ်စွန့်ထားခဲ့၍ နာမ်တရားကို သိမ်းဆည်းဖို့ရန် ကြိုးစား
အားထုတ်မိငြားအံ့၊ ကမ္မဋ္ဌာန်းမှ ဆုတ်ယုတ် ပျက်စီးတတ်၏။
(၀ိသုဒ္ဓိ၊၂၊၂၂၇။ စာပိုဒ်-၆၇၁။)
နှိုင်းခိုင်းဖွယ်ရာ ဥပမာမည်သည်ကား ၀သီဘော်ငါးတန်သို့ ဆိုက်အောင်သာလျှင်
ကောင်းစွာ ပွားများထားအပ်သော အောက်အောက်သော
ဈာန်သည်သာလျှင် အထက်အထက်သော ဈာန်၏ အခြေခံအကြောင်းရင်း
အနီးကပ်ဆုံးသော အကြောင်းတရား ဖြစ်နိုင်၏။ ရအပ်ကာမျှဖြစ်သော
အောက်အောက်သော ဈာန်သည် အထက်အထက်သော ဈာန်၏ အခြေခံ
အကြောင်းရင်း အနီးကပ်ဆုံးသော အကြောင်းပဒဋ္ဌာန် မဖြစ်နိုင်။ ဤ ဥပမာ
အတူပင်လျှင် ရုပ်တရားတို့ကို သိမ်းဆည်းတတ်သော ရူပပရိဂ္ဂဟဉာဏ်သည်
ကောင်းမွန် စင်ကြယ်မှသာလျှင် အရှုပ်အထွေး ကင်းစင်မှသာလျှင် အဖု
အထစ် ကင်းစင်မှသာလျှင် နာမ်တရားကို သိမ်းဆည်းတတ်သော အရူပပရိ-
ဂ္ဂဟဉာဏ်၏ အခြေခံအကြောင်းရင်း အနီးကပ်ဆုံးသော အကြောင်းတရား
ဖြစ်နိုင်၏။ ရူပပရိဂ္ဂဟဉာဏ်သည် မစင်ကြယ်သည် ဖြစ်လတ်ဘိမူကား အရူပပရဂ္ဂဟဉာဏ်၏
အခြေခံ အကြောင်းရင်း အနီးကပ်ဆုံးသော အကြောင်း
တရား မဖြစ်နိုင်။
ထိုကြောင့် ရုပ်တရား နာမ်တရား၏ တစ်စိတ် တစ်ဒေသ
သည်သော်လည်း ယောဂါဝစရပုဂ္ဂိုလ်၏ အသိဉာဏ်၌ မထင်ရှားလတ်သော်
ထိုရူပပရိဂ္ဂဟဉာဏ်သည် မစင်ကြယ်သည်သာလျှင် မည်ပေသည်။ များ
စွာကုန်သော ရုပ်တရား နာမ်တရားတို့သည် အသိဉာဏ်၌ မထင်လာ မမြင်
လာလတ်ကုန်ပါမူကား အဘယ်မှာလျှင် ဆိုဖွယ်ရာ ရှိနိုင်ပါတော့အံ့နည်း။
ဤသို့သော အနက်အဓိပ္ပါယ်ကို ထင်ရှားပြတော်မူလိုသည်ဖြစ်၍ အဋ္ဌကထာ
ဆရာတော်က အထက်ပါစကားရပ်ကို မိန့်ဆိုသွားတော်မူခြင်း ဖြစ်ပေသည်။(မဟာဋီ၊၂၊၃၅၇။)
"ဖားအောက်တောရဆရာတော်"
http://bhikkhudhamma.blogspot.com/
No comments:
Post a Comment