အသုဘကမ္မဋ္ဌာန်း

အ၀ိညာဏက အသုဘ ကမ္မဋ္ဌာန်း (၁၀) မျိုး
-----------------------------------------------
အသုဘသဒ္ဒါသည် မတင့်တယ်ဟူသော အနက်ကို ဟော၏၊ ဤနေရာဝယ် ခန္ဓာကိုယ်နှင့် စပ်၍ သေသည့်
အခါ အမျိုးမျိုး ဖြစ်ပေါ်လာတတ်သော အလောင်းကောင် ပုံသဏ္ဌာန်ဒြပ်ကို အသုဘဟု ခေါ်ဆိုအပ်၏။ ထို
အသုဘသည် (၁၀)မျိုး ရှိ၏။

၁။ ဥဒ္ဓုမာတက = သေသည်မှ အထက် နှစ်ရက်သုံးရက် အကူး ဖူးဖူးရောင်ပုပ် စက်ဆုပ်ဖွယ်ရာ မသာ
အလောင်းကောင်၊
၂။ ၀ိနီလက = အသားများရာ၌ နီ၍ ပြည်စုရာ၌ ဖြူသဖြင့် ဖြူနီသဘော ရောနှောစပ်တွဲ ညိုမည်းမည်းပုပ်
စက်ဆုပ်ဖွယ်ရာ မသာအလောင်းကောင်၊
၃။ ၀ိပုဗ္ဗက = ပြည်တစိုစို ပေါက်ကွဲယိုလျက် စက်ဆုပ်ဖွယ်ရာ မသာအလောင်းကောင်၊
၎။ ၀ိစ္ဆိဒ္ဒက = ထက်အောက် နှစ်ရပ် မဆက်စပ်အောင် ပိုင်းဖြတ်ထားသော စက်ဆုပ်ဖွယ်ရာ မသာ အလောင်း
ကောင်၊
၅။ ၀ိက္ခာယိတက = လင်းတ ခွေး ကျီး အသီးသီးတို့ နည်းမျိုးစုံပြား ဖုံဖုံအားဖြင့် ခဲစားထားအပ်သော
စက်ဆုပ်ဖွယ်ရာ မသာအလောင်းကောင်၊

၆။ ၀ိက္ခိတ္တက = လက် ခြေ ခေါင်းကို ဖရိုဖရဲ ထိုထိုကြဲအောင် ပစ်လွှင့်ထားအပ်သော စက်ဆုပ်ဖွယ်ရာ
မသာအလောင်းကောင်၊
၇။ ဟတ၀ိက္ခိက္တက = ကျီးခြေသဏ္ဌာန်ဖြစ်အောင် ဓားဖြင့် မွှန်း၍ လက်ခြေစသော ကိုယ်အင်္ဂါတို့ကို ထိုထို
အရပ်သို့ ဖရိုဖရဲကြဲအောင် ပစ်လွှင့်ထားအပ်သော စက်ဆုပ်ဖွယ်ရာ မသာအလောင်းကောင်၊
၈။ လောဟိတက = သွေးများထွက်ယိုလျက် တစ်ကိုယ်လုံးပေအောင် သွေးဖြင့် လိမ်းကျံနေသော စက်ဆုပ်
ဖွယ်ရာ မသာအလောင်းကောင်၊
၉။ ပုဠုဝက = ပိုးလောက်တို့ဖြင့် ပြည့်နှက်နေသော စက်ဆုပ်ဖွယ်ရာ မသာအလောင်းကောင်၊
၁၀။ အဋ္ဌိက = အရိုးစုအဆင့်၌ တည်ရှိနေသော စက်ဆုပ်ဖွယ်ရာ မသာအလောင်းကောင်။

အ၀ိညာဏက အသုဘ = သေအသုဘကမ္မဋ္ဌာန်းကို ပွားများလိုသော ယောဂါဝစရပုဂ္ဂိုလ်သည် ရှေးဦးစွာ
မိမိရရှိထားပြီးသည့်အာနာပါနစတုတ္ထဈာန်သမာဓိကိုသော်လည်းကောင်း၊ သြဒါတကသိုဏ်း
စတုတ္ထဈာန်သမာဓိကိုသော်လည်းကောင်း တစ်ဖန်ပြန်၍ ထူထောင်ပါ။ လင်းရောင်ခြည်စွမ်းအင်များ အား
ကောင်းလာသောအခါ မိမိမြင်ဖူးထားသည့် ရွံရှာစက်ဆုပ်ဖွယ် အကောင်းဆုံးသော လိင်တူ အလောင်းကောင်
တစ်ခုကို လင်းရောင်ခြည်၏ အကူအညီဖြင့် လှမ်းအာရုံယူပါ။ ထိုအလောင်းကောင်အာရုံကို ပကတိဖွင့်ထားသော
မျက်စိဖြင့် မြင်ရသကဲ့သို့ မြင်တွေ့ရသော် ယင်းအလောင်းကောင်ကို အာရုံပြု၍ ပုပ်ပွနေသော လိင်တူ အသုဘအလောင်းကောင် တစ်ခုကိုလှမ်း၍ အာရုံယူပါ။



 ဉာဏ်လင်းရောင်ခြည်အောက်တွင် ထိုအလောင်းကောင်
ကို တွေ့မြင်နေအောင် ကြိုးစားပါ။ ရှေးယခင်က မိမိ မြင်ဖူးထားသည့် ပုံစံ
အတိုင်း ပြန်လည်၍ မြင်အောင် အလင်းရောင် အကူအညီဖြင့် လှမ်းအာရုံ-
ယူပါ။ ထင်ထင်ရှားရှား ဉာဏ်လင်းရောင်ခြည်ဖြင့် တွေ့မြင်ရသောအခါ ထို
အလောင်းကောင်၏ ရွံရှာစက်ဆုပ်ဖွယ် အကောင်းဆုံးသော အနေအထား၌
မိမိ၏ ဘာဝနာစိတ်ကို ငြိမ်ဝပ်စွာ ကပ်ထား၍ --- "ပဋိကူလ ပဋိကူလ =
ရွံစရာ ရွံစရာ"ဟု ရှုနေပါ။

ထိုအလောင်းကောင်အာရုံ၌ တစ်နာရီ နှစ်နာရီ စသည်ဖြင့် အသုဘ
ဘာဝနာစိတ်သည် ငြိမ်ဝပ်စွာကပ်၍ တည်နေသောအခါ အသုဘအလောင်း
ကောင် အာရုံသည်လည်း ဥဂ္ဂဟနိမိတ်မှ ပဋိဘာဂနိမိတ်သို့ ကူးသွားမည်
ဖြစ်၏။ ပကတိမျက်စိဖြင့် ဖွင့်ကြည့်သကဲ့သို့ ထင်ထင်ရှားရှား တွေ့မြင်နေရ
သော အလောင်းကောင်နိမိတ်ကား ဥဂ္ဂဟနိမိတ်တည်း။ (၀ိသုဒ္ဓိ၊၁၊၁၈၀။)

အသုဘအလောင်းကောင် အာရုံကို နှလုံးသွင်းနေသော ဘာဝနာမနသိကာရ၏
မပြန့်ပြောသေးသည့်အတွက် မကြီးကျယ် မမြင့်မြတ်သေးသည့်
အတွက်ကြောင့်လည်းကောင်း အသုဘအလောင်းကောင်အာရုံ၏ အလွန်
ကြီး ငြိမ်သက်မှု မရှိသေးသည့်အတွက်ကြောင့်လည်းကောင်း ဥဂ္ဂဟနိမိတ်
သည် ဖောက်ပြန်သည် အရုပ်ဆိုးသည် ကြောက်မက်ဖွယ်သော အမြင်ရှိသည်
ဖြစ်၍ ထင်လာ၏။

ပဋိဘာဂနိမိတ်သည်ကား အသုဘဘာဝနာမနသိကာရ၏
ပြန့်ပြောကြီးကျယ် မြင့်မြတ်သည်၏အဖြစ်သို့ ရောက်ရှိလာခြင်းကြောင့်လည်း
ကောင်း အသုဘအလောင်းကောင် အာရုံ၏ ငြိမ်သက်မှုရှိလာသည်၏ အဖြစ်
ကြောင့်လည်းကောင်း အလိုရှိတိုင်း ၀အောင်စားပြီး၍ လျောင်းလျက်အိပ်နေ
သော ဆူဖြိုးသော ကိုယ်အင်္ဂါကြီးငယ် ရှိသော ယောက်ျားကဲ့သို့ ထင်လာ၏။
(၀ိသုဒ္ဓိ၊၁၊၁၈၃-၁၈၄။ မဟာဋီ၊၁၊၂၁၀။)

ထို ပဋိဘာဂနိမိတ်ကိုပင် "ပဋိကူလ-ပဋိကူလ = ရွံစရာ-ရွံစရာ"ဟု
ကြိမ်ဖန်များစွာ နှလုံးသွင်း ရှုပွားခဲ့သော် ဘာဝနာစိတ်သည်လည်း ယင်းအာရုံ၌
တစ်နာရီ နှစ်နာရီ စသည်ဖြင့် ငြိမ်ဝပ်စွာကပ်၍ တည်နေသော် ဈာန်အင်္ဂါများ
သည် ထင်ရှားနေပေလိမ့်မည်။ ထင်ရှားပါက ပထမဈာန်သမာဓိသို့ ဆိုက်ပေပြီ။
ဝသီဘော် (၅)တန် နိုင်နင်းအောင် လေ့ကျင့်ထားပါ။

"ဖားအောက်တောရဆရာတော်"
http://bhikkhudhamma.blogspot.com/