သင်္ခါရနှင့် ကမ္မဘ၀

၁။ ဒါနကုသိုလ်ကံ တစ်ခုကို ပြုစုပျိုးထောင်ရာ၌ မလှူမီ ရှေးအဖို့၌ ဖြစ်သော
ပုဗ္ဗစေတနာတို့သည်ကား သင်္ခါရတို့တည်း။ အလှူခံပုဂ္ဂိုလ်တို့၏လက်၌
လှူဖွယ်ဝတ္ထုကို တည်စေသော ပတိဋ္ဌာပက စေတနာ = မုဉ္စစေတနာကား
ကမ္မဘ၀တည်း။

၂။ တစ်နည်း --- ကံတစ်ခုကို ပြုစုပျိုးထောင်စဉ် ဖြစ်ပေါ်နေကြသော
မနောဒွါရိကဇောဝီထိ စိတ်အစဉ်တို့တွင် ဇော (၇)ကြိမ်တို့အနက် ရှေ့ဇော
(၆)တန်တို့၌ တည်ရှိသော စေတနာကား အာယူဟနသင်္ခါရ မည်၏ = ကံ
ဖြစ်ပေါ်လာအောင် အားထုတ်ကြောင်းတရား မည်၏။ (၇)ခုမြောက်သော
သတ္တမဇော စေတနာသည်ကား ကမ္မဘ၀ မည်၏။

၃။ တစ်နည်း --- ကံတစ်ခုကို ပြုစုပျိုးထောင်စဉ် ဇောစိတ္တုပ္ပါဒ် အတွင်း၌
တည်ရှိသော စေတနာကား ကမ္မဘ၀ မည်၏။ ထိုစေတနာနှင့် ယှဉ်ဖက်
စိတ် + စေတသိက် = သမ္ပယုတ် တရားစုကား အာယူဟနသင်္ခါရ မည်၏။
(အဘိ၊ဋ္ဌ၊၂၊၁၈၂-၁၈၃)။

" အလှူခံပုဂ္ဂိုလ်တို့၏ မြတ်သောအလှူကို တည်စေသော အလှူရှင်၏ စိတ်သန္တံ၌ တည်လာသော စိတ်သည်  ' ဘဝ ' မည်၏။
ဒါကိုကြည့်မယ်ဆို မလှူခင်ရှေ့အဖို့မှာ ဖြစ်နေတာ ' သင်္ခါရ ' ၊ အလှူနေတဲ့ အချိန်အခါမှာ ဖြစ်နေတဲ့ စိတ်က ' ဘဝ ' ၊ ဒါအလှူပြုစဉ်
သင်္ခါရနှင့် ကမ္မဘ၀ ကိုခွဲပြတယ်။

တရားဘာဝနာတစ်ခုပွားများမယ် တရားအားမထုတ်ခင် ကြိုတင်စီမံနေတာက ' သင်္ခါရ '၊ တရားအားထုတ်စဉ် ဖြစ်ပေါ်နေတဲ့ စေတနာတွေက ' ကမ္မဘဝ '၊ အကုသိုလ်လုပ်ငန်းရပ်မှာလည်း ဒီအတိုင်းဘဲ အကုသိုလ်လုပ်ငန်းတစ်ခုခုကို မပြုလုပ်ခင် ကြိုတင်ပြီး စီမံနေတာက ' သင်္ခါရ '၊ဆုံးဖြတ်ချက်ချပြီး ပြုလုပ်လိုက်တာက  ' ကမ္မဘဝ ' မည်တယ်။

ဒီတော့ ရှေ့ကပြသလို ' ဇော (၇)ကြိမ်တို့အနက် ရှေ့ဇော(၆)တန်တို့၌ တည်ရှိသော စေတနာကား သင်္ခါရ မည်၏ ။ (၇)ခုမြောက်သောသတ္တမဇော စေတနာသည်ကား ကမ္မဘ၀ မည်၏။'  ရှုနေတဲ့ ယောဂီမှာ ဇော(၇)ကြိမ်လုံး ရှုခြင်းဖြင့် သင်္ခါရနှင့် ကမ္မဘ၀ ကို တစ်ခါတည်းရှုပြီးဖြစ်တယ်။

နောက်တစ်နည်းက အလှူတစ်ခုပြုလုပ်နေသူ၌ ဇောတွေမှာ ပီတိလည်းပါမယ်၊ ဉာဏ်လည်းပါမယ်ဆို နာမ်တရား (၃၄)လုံး ၊ ဒီနာမ်တရား (၃၄)လုံး၏ စေတနာက ကံ = ကမ္မဘဝ ၊ ကျန်နေတဲ့ စိတ် စေတသိက်တွေက သင်္ခါရ ဆိုပြီးတော့ လည်း ခွဲခြားလို့ရပါတယ်။



ကမ္မပစ္စည်း၏ စွမ်းအင်
..........................
ကုသလာကုသလံ ကမ္မံ ။ ပ ။တသ္မာ နာနာက္ခဏိကကမ္မပစ္စ္စယောတိ ၀ုစ္စတိ။
(အဘိ၊ဋ္ဌ၊၃၊၃၇၄။)
အသင်သူတော်ကောင်းသည် ပစ္စုပ္ပန် ၀ိပါက်ခန္ဓာတို့၏ အကြောင်း
တရား ငါးပါးတို့တွင် ကံကို ပဓာနထား၍ စဉ်းစားကြည့်ပါ။ ယင်းကံကို အ၀ိဇ္ဇာ
တဏှာ ဥပါဒါန်တို့က ခြံရံထားအပ်သည်ကိုလည်း သတိပြုပါ။ ဘုရားရှင်သည်
ကမ္မပစ္စည်းပိုင်း၌ ကံနှင့်ပတ်သက်၍ ဤသို့ ဟောကြားထားတော်မူ၏။
ကုသိုလ်ကံ အကုသိုလ်ကံသည် ၀ိပါက်ခန္ဓာတို့အားလည်းကောင်း ကံကို
ပြုအပ်ပြီးသည်၏ အဖြစ်ကြောင့် ဖြစ်ပေါ်လာကြကုန်သော ကမ္မဇရုပ်
တို့အားလည်းကောင်း ကမ္မပစ္စယသတ္တိဖြင့် ကျေးဇူးပြု၏။ (ပဋ္ဌာန၊၁၊၇။)

ကမ္မပစ္စယသတ္တိဖြင့် ကျေးဇူးပြု၏ဟူသည် ဤသို့တည်း။ တစ်ကမ္ဘာ
မက များပြားလှစွာကုန်သော ကမ္ဘာကုဋေတို့၏သော်လည်း အထက်၌ ပြုစု
ပျိုးထောင်ခဲ့သော ကံသည် မိမိ၏ အကျိုးကို ဖြစ်စေခြင်းငှာ စွမ်းနိုင်သော
နာနာက္ခဏိကကမ္မပစ္စယသတ္တိဖြင့် ကျေးဇူးပြုတတ်၏ဟု ဆိုလို၏။ (နာနာက
္ခဏိကကမ္မ - ဟူသည် အကြောင်းကံနှင့် အကျိုးဝိပါက်တို့၏ ဖြစ်သည့်
ခဏချင်း မတူကွဲပြားမှု ရှိသည့် အကြောင်းပစ္စည်းတရားဟု ဆိုလိုသည်။)
အကျယ်မှာ ဤသို့ဖြစ်၏။ ကုသိုလ်ကံ အကုသိုလ်ကံသည် မိမိ၏ ဖြစ်ဆဲ
ခဏ၌ အကျိုးကို မပေးနိုင် = မဖြစ်စေနိုင်။ ကုသိုလ်ကံ အကုသိုလ်ကံသည်
မိမိ၏ ဖြစ်ဆဲခဏ၌ပင် အကယ်၍ အကျိုးကို ပေးနိုင်သည် ဖြစ်ငြားအံ့ =
အကျိုးဖြစ်စေနိုင်သည် ဖြစ်ငြားအံ့၊ ဤသို့ အကျိုးကို ပေးနိုင်ခဲ့သော် ဖြစ်စေ-
နိုင်ခဲ့သော် လူသားတစ်ဦးသည် နတ်ပြည်သို့ ကပ်ရောက်ကြောင်းဖြစ်သော
အကြင်ကုသိုလ်ကံကို ပြုစုပျိုးထောင်၏၊ ထိုကံကို ပြုစုပျိုးထောင်ဆဲခဏ၌ပင်
နတ်သားဖြစ်လေရာ၏။ (သို့သော် ဖြစ်ကား မဖြစ်ခဲ့ပေ။) အလျော်အားဖြင့်
ဆိုရမူ အကြင်ခဏ၌ ထိုကံကို ပြုစုပျိုးထောင်၏။

ထိုကံကို ပြုစုပျိုးထောင်ရာ ခဏမှ အခြားတစ်ပါးသော ခဏ၌ ယင်းကံသည် ဥပါဒ်-ဌီ-ဘင် အနေအား-
ဖြင့် ထင်ရှားမရှိပါသော်လည်း ပြုအပ်သောကံနှင့်မဖက် သက်သက် ကံကို
ပြုအပ်ပြီးသည်၏ အဖြစ်ကြောင့်သာလျှင် ယင်းကံသည် ဒိဋ္ဌဓမ္မဝေဒနီယကံ
ဖြစ်လျှင် မျက်မှောက်ထင်ထင် ရှုမြင်အပ်သော ပစ္စုပ္ပန်ဘ၀၌သော်လည်း-
ကောင်း၊ ဥပပဇ္ဇဝေဒနီယကံ ဖြစ်လျှင် ကပ်၍ဖြစ်ရာ ဒုတိယဘ၀၌သော်
လည်းကောင်း၊ အပရာပရိယဝေဒနီယကံ ဖြစ်လျှင် တတိယဘ၀မှစ၍ အဆက်ဆက်
ရောက်ထိုက်သော ဘ၀၌သော်လည်းကောင်း (ကုသိုလ်ကံဖြစ်မူ
ဂတိသမ္ပတ္တိ ဥပဓိသမ္ပတ္တိ ကာလသမ္ပတ္တိ ပယောဂသမ္ပတ္တိ၊ အကုသိုလ်ကံဖြစ်မူ
ဂတိဝိပတ္တိ ဥပဓိဝိပတ္တိ ကာလ၀ိပတ္တိ ပယောဂ၀ိပတ္တိဟူသော) ကြွင်းသော
အကြောင်းတို့နှင့် ပေါင်းဆုံခြင်းသည် ထင်ရှားရှိလတ်သော် အကျိုးတရားကို
ဖြစ်စေနိုင်၏။

"ဖားအောက်တောရဆရာတော်"
http://bhikkhudhamma.blogspot.com/