ဣရိယာပထ သမ္ပဇည ရှုကွက်(ရုပ်ကမ္မဋ္ဌာန်းပိုင်း နိဂုံး)

မည်သည့် ကမ္မဋ္ဌာန်းကို မဆို ပွားများ အားထုတ်သောအခါ သတိ
သမ္ပဇဉ်ဉာဏ်နှင့် ပြည့်စုံပါမှသာလျှင် ယင်းကမ္မဋ္ဌာန်းဘာဝနာသည် ပြီးစီး
ပြည့်စုံနိုင်၏။ (၀ိသုဒ္ဓိ၊၁၊၂၇၆။)

ဤအထက်ပါ အဋ္ဌကထာ၏ ဖွင့်ဆိုချက်များနှင့်အညီ သမထကမ္မဋ္ဌာန်း
ကိုပင်ဖြစ်စေ၊ ၀ိပဿနာကမ္မဋ္ဌာန်းကိုပင်ဖြစ်စေ မည်သည့်ကမ္မဋ္ဌာန်းကိုမဆို
ပွားများအားထုတ်ရာ၌ ဣရိယာပထပိုင်းဆိုင်ရာရှုကွက်ç သမ္ပဇဉ်ပိုင်းဆိုင်ရာ
ရှုကွက်တို့ကို စနစ်တကျ ရှုသင့်ပေသည်။ ထိုသို့ ရှုတတ်ရန် ဤတွင် အကျဉ်း
ချုပ်၍ ရေးသားတင်ပြပေအံ့။

ရဟန်းတို့ ...နောက်တစ်မျိုးသော်ကား ယောဂါဝစရရဟန်းသည်-
၁။ သွားလျှင်လည်း "သွား၏ "ဟု ကွဲကွဲပြားပြား သိ၏။
၂။ ရပ်လျှင်လည်း "ရပ်၏ "ဟု ကွဲကွဲပြားပြား သိ၏။
၃။ ထိုင်လျှင်လည်း "ထိုင်၏ "ဟု ကွဲကွဲပြားပြား သိ၏။
၎။ အိပ်လျှင်လည်း = လျောင်းလျှင်လည်း "အိပ်၏ = လျောင်း၏ "ဟု
ကွဲကွဲပြားပြား သိ၏။ (မ၊၁၊၇၁။) (ဣရိယာပထပိုင်းရှုကွက်။)

ရဟန်းတို့ ...နောက်တစ်မျိုးသော်ကား ယောဂါဝစရရဟန်းသည်-
၁။ ရှေ့သို့တက်ရာ နောက်သို့ဆုတ်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၂။ တည့်တည့်ကြည့်ရာ စောင်းငဲ့ကြည့်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၃။ ကွေးရာ ဆန့်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၎။ ဒုကုဋ် သပိတ် သင်္ကန်းကို ကိုင်ဆောင်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၅။ စားရာ သောက်ရာ ခဲရာ လျက်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၆။ ကျင်ကြီးစွန့်ရာ ကျင်ငယ်စွန့်ရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
၇။ သွားရာ ရပ်ရာ ထိုင်ရာ အိပ်ပျော်ရာ နိုးလာရာ စကားပြောရာ ဆိတ်
ဆိတ်နေရာ၌ သမ္ပဇဉ်ဉာဏ်ဖြင့် ပြုလေ့ရှိ၏။
(မ၊၁၊၇၂။) (သမ္ပဇဉ်ပိုင်းရှုကွက်)

ဤအထက်ပါ စာပိုဒ် နှစ်ပိုဒ်တို့တွင် ပထမစာပိုဒ်ကား ဣရိယာပထ
ပိုင်းဆိုင်ရာ ပထမဆင့် ရှုကွက်ဖြစ်၍ ဒုတိယစာပိုဒ်ကား သမ္ပဇဉ်ပိုင်းဆိုင်ရာ
ပထမဆင့်ရှုကွက် ဖြစ်သည်။ ယင်းရှုကွက်တို့ကား တစ်ခုနှင့်တစ်ခု ဆက်စပ်မှု
ရှိနေ၏။ ယင်းရှုကွက်တို့ကို ဘုရားရှင်၏ အလိုတော်ကျအတိုင်း မည်သို့ မည်ပုံ
ရှုရန် ဖြစ်သည်ကို အဋ္ဌကထာ ဋီကာတို့၌ ကျယ်ကျယ်ပြန့်ပြန့် ရှင်းလင်း
တင်ပြထားတော်မူကြ၏။ ယင်းရှင်းလင်း ဖွင့်ဆိုချက်များကို အကျဉ်းချုပ်၍
ရေးသားတင်ပြအပ်ပါသည်။

သယ်ဆောင်တတ်သောရုပ်၊ အသယ်ဆောင်ခံရသောရုပ်
........................................................................
အဋ္ဌကထာ၏ ညွှန်ကြားချက်မှာ (၆)ဒွါရ (၄၂)ကောဋ္ဌာ
သတို့၌ တည်ရှိသော စတုသမုဋ္ဌာနိက ရုပ်တရားတို့ကို အထူးသဖြင့် စိတ္တဇရုပ်
တို့ကို နေရာတကျ သိမ်းဆည်းထားပြီးသော အသင်သူတော်ကောင်းအတွက်
ကား လွယ်ကူနေမည်သာ ဖြစ်သည်။ သို့သော် ဤအရာ၌ အသင်သူတော်
ကောင်း အနေဖြင့် အထူးသတိပြုရမည့် အချက်မှာ ပရမတ်တရားတို့သည်
တစ်နေရာမှ တစ်နေရာသို့ ပြောင်းရွှေ့၍ ဖြစ်ရိုးဓမ္မတာ မရှိဟူသော အချက်
ပင် ဖြစ်ပေသည်။ တစ်ဖန် ဤရှုကွက်ကို ရှုရာ၌ ရုပ်တို့မည်သည် ပရမတ်
ရုပ်တရားတို့၏ ဓမ္မတာအတိုင်း ကလာပ်ခေါ်သည့် အုပ်စုအလိုက်သာ ဖြစ်ရိုး
ဓမ္မတာ ရှိ၏ဟူသော အချက်ကိုလည်း မမေ့ပါနှင့်။

 ဤရှုကွက်တွင် ---
၁။ သယ်ဆောင်တတ်သော ရုပ်၊
၂။ အသယ်ဆောင်ခံရသော ရုပ် ---
ဤရုပ်သဘောတရား နှစ်မျိုးတို့ကိုလည်း ခွဲခြားရှုတတ်ဖို့ လိုအပ်ပေ
သည်။ တစ်ဖန် ---
၁။ ပဓာန = ပြဓာန်းသော ရုပ်၊
၂။ အပ္ပဓာန = မပြဓာန်းသော ရုပ် ---

ဤရုပ်သဘောတရားနှစ်မျိုးတို့ကိုလည်း ခွဲခြားရှုတတ်ဖို့ လိုအပ်ပေသည်။
ဤဣရိယာပထရှုကွက်တွင် ဘုရားရှင်သည် --- ဂစ္ဆန္တော ၀ါ ဂစ္ဆာမီတိ
ပဇာနာတိ = သွားလျှင် သွား၏ဟု သိ၏ --- ဤသို့စသည်ဖြင့် ပထမနည်း
တစ်နည်း- ယထာ ယထာ ၀ါ ပနဿ - စသည်ဖြင့် ဒုတိယတစ်နည်း ---
ဤသို့ ရှုကွက်နှစ်နည်း ဟောကြားထားတော်မူ၏။

ထိုနှစ်နည်းတို့တွင် ပထမနည်း၌ ---
၁။ ဣရိယာပထရုပ်ဟု ခေါ်ဆိုအပ်သော ကာယ၀ိညတ္တိန၀ကကလာပ်၊
ကာယ၀ိညတ္တိ လဟုတာဒိဒွါဒသကကလာပ် ရုပ်တရားတို့ကား ပဓာန
= ပြဓာန်းသောရုပ်တရားတို့တည်း။ ယင်းရုပ်တရားတို့ကား သယ်
ဆောင်တတ်သော ရုပ်တရားတို့တည်း။
၂။ (၆)ဒွါရ (၄၂)ကောဋ္ဌာသဟူသော ခန္ဓာကိုယ် တစ်ကိုယ်လုံး၌ တည်ရှိ
ကြသော ကြွင်းကျန်သော စတုသမုဋ္ဌာနိက ရုပ်တရားတို့ကား အပ္ပဓာန
= မပြဓာန်းသောရုပ်တရားတို့တည်း။ ယင်းရုပ်တရားတို့ကား အသယ်
ဆောင်ခံရသော ရုပ်တရားတို့တည်း။

ရှုကွက်--- အသင်သူတော်ကောင်း သည် တစ်နေရာတွင်မတတ်ရပ်
၍ မိမိရရှိထားပြီးသည့် သမာဓိကို စတုတ္ထဈာန်သို့ ဆိုက်အောင် အဆင့်ဆင့်
ထူထောင်ပါ။ လင်းရောင်ခြည်စွမ်းအင်များသည် ပြိုးပြိုးပြက်ပြက် အရောင်
တလက်လက် တောက်ပလာသောအခါ ဓာတ်ကြီးလေးပါးကို ပြည်တည်၍
(၆)ဒွါရ (၄၂)ကောဋ္ဌာသတို့၌ တည်ရှိသော ရုပ်တရားတို့ကို သိမ်းဆည်းပါ
= ဉာဏ်ဖြင့် ပိုင်းခြားယူပါ။ ထိုနောင် ဘ၀င်မနောအကြည်ကို သိမ်းဆည်း၍
သွားလိုသောစိတ်ကို မြင်အောင် ရှုပါ။ အနည်းငယ် သွားကြည့်ပါ။ ယင်းသွား
လိုသော စိတ်ကြောင့် ကာယ၀ိညတ္တိန၀ကကလာပ် ကာယ၀ိညတ္တိလဟုတာဒိ
ဒွါဒသကကလာပ်တို့ ဖြစ်ပေါ်လာပုံကို မြင်အောင်ရှုပါ။ ယင်းရုပ်တရားတို့ကို
ပရမတ်သို့ဆိုက်အောင် သိမ်းဆည်းပါ။

ယင်းရုပ်တရားတို့ကား ဣရိယာပထ
ရုပ်တရားတို့တည်း။ ယင်းရုပ်တရားတို့တွင် သဘာဝသတ္တိစွမ်းအင် လွန်ကဲ
နေသော ၀ါယောဓာတ်နှင့် တကွသော ဘူတရုပ် ဓာတ်ကြီးလေးပါးကြောင့်
သွားနေသည့် ကိုယ်အမူအရာ ကာယ၀ိညတ်ရုပ်ကို မြင်အောင်ရှုပါ။ သဘော
ပေါက်ပါက ယင်း ကာယ၀ိညတ္တိန၀က ကလာပ်၊ ကာယ၀ိညတ္တိလဟုတာဒိ
ဒွါဒသက ကလာပ်ဟူသော သယ်ဆောင်တတ်သော အခြင်းအရာအားဖြင့်
ဖြစ်နေကြသော ပဓာနပြဓာန်းသော ရုပ်တို့ကို ဦးစားပေး၍ ဆက်လက် သိမ်း
ဆည်းပါ။

ဉာဏ်ထက်မြက်လာသောအခါ အပ္ပဓာနဖြစ်သည့် မပြဓာန်းသော
အသယ်ဆောင်ခံရသော အခြင်းအရာအားဖြင့် ဖြစ်နေကြသော (၆)ဒွါရ (၄၂)
ကောဋ္ဌာသ၌ တည်ရှိသော စတုသမုဋ္ဌာနိကရုပ်တရားတို့ကို ဆက်လက် သိမ်း
ဆည်းပါ။ သယ်ဆောင်တတ်သောရုပ်၊ အသယ်ဆောင်ခံရသောရုပ် - ဤ
နှစ်မျိုးတို့ကို တစ်လှည့်စီ သိမ်းဆည်းနေပါ။



ရုပ်တရားဟုရှုနေပါ
...........................
အားလုံးကို ခြုံငုံ၍ သိမ်းဆည်းနိုင်သောအခါ ---
၁။ ဤကား ရုပ်-ရုပ် ဟုလည်းကောင်း၊ သို့မဟုတ်
၂။ ရုပ်တရား ရုပ်တရား ဟုလည်းကောင်း၊ သို့မဟုတ်
၃။ ရုပ် ရုပ် ဟုလည်းကောင်း သိမ်းဆည်းနေပါ။
သွားရာ ၊ရပ်ရာ ၊ထိုင်ရာ၊ လျောင်းရာတို့၌လည်း နည်းတူ ရှုပါ။
ထိုရဟန်းတို့၏ ရူပကာယ = ရုပ်တရားအပေါင်းသည် အကြင် အကြင်
အမူအရာအားဖြင့် ထားအပ်၏ = တည်ရှိနေ၏ = ဖြစ်နေ၏။ ထိုရူပကာယ
= ရုပ်တရားအပေါင်းကို ထိုထိုထားအပ်သော = တည်ရှိနေသော = ဖြစ်နေ
သော အမူအရာအားဖြင့် ကွဲကွဲပြားပြား သိ၏ = ကွဲကွဲပြားပြား သိအောင်
ရှုပါ။ (မ၊၁၊၇၁။)
ထို့ကြောင့် အသင်သူတော်ကောင်းသည် ---
၁။ သွားလျှင်လည်း ပဓာန-အပ္ပဓာန ရုပ်တရားတို့ကို ကွဲကွဲပြားပြား
သိအောင် ရှုပါ။
၂။ ရပ်လျှင်လည်း ပဓာန-အပ္ပဓာန ရုပ်တရားတို့ကို ကွဲကွဲပြားပြား
သိအောင် ရှုပါ။
၃။ ထိုင်လျှင်လည်း ပဓာန-အပ္ပဓာန ရုပ်တရားတို့ကို ကွဲကွဲပြားပြား
သိအောင် ရှုပါ။
၎။ လျောင်းလျှင်လည်း ပဓာန-အပ္ပဓာန ရုပ်တရားတို့ကို ကွဲကွဲပြားပြား
သိအောင်ရှုပါ။
ဤရုပ်တရားတို့ကား ရူပက္ခန္ဓာတည်း၊ ရုပ်တရားအစုတည်းဟု မှတ်သားထားပါ။

လောကူပမာကို ဆောင်ရသော်(ရုပ်ကမ္မဋ္ဌာန်း)
..............................................................
နှိုင်းခိုင်းဖွယ်ရာ လောကူပမာတစ်ခုကို နားလည်လွယ်အောင် ဆောင်ပြ
ရသော် - ယောက်ျားတစ်ဦးသည် ဆန်အိတ် တစ်အိတ်ကို သယ်ဆောင်လာ
သည် ဆိုကြပါစို့။ ပကတိမျက်စိအမြင် ဉာဏ်မျက်စိအမြင်ဟူသော မျက်စိ
အမြင် နှစ်မျိုးရှိသော ယောက်ျားသည် ဆန်အိတ်ကို သယ်ဆောင်တတ်သော
ယောက်ျားကို စူးစူးစိုက်စိုက် ကြည့်ရှုနေပါက အသယ်ဆောင်ခံရသော ဆန်
အိတ်ကိုလည်း အစဉ်လိုက်၍ မြင်လာနိုင်၏။ တစ်ဖန် အသယ်ဆောင်
ခံရသော ဆန်အိတ်ကို စူးစူးစိုက်စိုက် လိုက်၍ ကြည့်ရှုနေက ယင်းဆန်အိတ်ကို
သယ်ဆောင်တတ်သော ယောက်ျားကိုလည်း အစဉ်လိုက်၍ မြင်လာနိုင်၏။
ယောက်ျားနှင့် သယ်ဆောင်တတ်သော အခြင်းအရာအားဖြင့် ဖြစ်နေ
သော ဣရိယာပထရုပ်တရားတို့ ပါဝင်သော ကာယ၀ိညတ္တိန၀ကကလာပ်၊
ကယ၀ိညတ္တိလဟုတာဒိဒွါဒသကကလာပ် ရုပ်တရားတို့ကား တူ၏။ အသယ်
ဆောင်ခံရသော ဆန်အိတ်နှင့် အသယ်ဆောင်ခံရသော အခြင်းအရာအားဖြင့်
ဖြစ်နေသော စတုသမုဋ္ဌာနိက ရုပ်တရားတို့ကား တူ၏။

ဤဥပမာအတူပင် ယောဂါဝစရပုဂ္ဂိုလ်သည် သယ်ဆောင်တတ်သော
အခြင်းအရာအားဖြင့် ဖြစ်နေသော ရုပ်တရားတို့ကို ပဓာနထား၍ သိမ်းဆည်း
ရှုပွားနေပါက အသယ်ဆောင်ခံရသော အခြင်းအရာအားဖြင့် ဖြစ်နေသော
စတုသမုဋ္ဌာနိကရုပ်တရားတို့ကို သိမ်းဆည်းခြင်း ရှုပွားခြင်းသည်လည်း အစဉ်
လိုက်၍ ပြီးစီးလာနိုင်၏။ ဣရိယာပထ ပထမနည်းရှုကွက် ဖြစ်၏။
တစ်ဖန် အသယ်ဆောင်ခံရသော အခြင်းအရာအားဖြင့် ဖြစ်နေသော
စတုသမုဋ္ဌာနိကရုပ်တရားတို့ကို ပဓာနထား၍ သိမ်းဆည်း ရှုပွားနေပါက
လည်း သယ်ဆောင်တတ်သော အခြင်းအရာအားဖြင့် ဖြစ်နေသော ဣရိယာ
ပထရုပ် ၀ိညတ်ရုပ် ပါဝင်သော ရုပ်တရားတို့ကို သိမ်းဆည်းရှုပွားခြင်းသည်
လည်း အစဉ်လိုက်၍ ပြီးစီးပြည့်စုံနိုင်၏။ ဤရှုကွက်ကား - ယထာ ယထာ
ဝါ ပနဿ - စသည်ဖြင့် ဟောကြားထားတော်မူအပ်သော ဣရိယာပထ
ဒုတိယနည်းရှုကွက် ဖြစ်သည်။
ဤဣရိယာပထရှုကွက် သမ္ပဇညရှုကွက်တို့ကို ပရမတ်သို့ ဉာဏ်အမြင်
ဆိုက်သည့်တိုင်အောင် သိမ်းဆည်း ရှုပွားလိုသော အသင်သူတော်ကောင်း
သည် ပါဠိတော် အဋ္ဌကထာ ဋီကာတို့၌ လာရှိသော ညွှန်ကြားချက်များကို
ရိုသေစွာ ဦးထိပ်ရွက် ပန်ဆင်သင့်လှပေသည်။ ပညာရှိသော်လည်း သတိဖြစ်
ခဲလှ၏။ သတိမမူ ဂူမမြင် ရှိတတ်၏။ သတိရှိစေ။

အလားတူ ရှုကွက်များ
..............................
၁။ ရှေ့သို့တက်ရာ၌ ပဓာန-အပ္ပဓာန ရုပ်တရား
၂။ နောက်သို့ဆုတ်ရာ၌ ပဓာန-အပ္ပဓာန ရုပ်တရား
၃။ တည့်တည့်ကြည့်ရာ၌ ပဓာန-အပ္ပဓာန ရုပ်တရား
၎။ စောင်းငဲ့ကြည့်ရာ၌ ပဓာန-အပ္ပဓာန ရုပ်တရား
၅။ လက်-ခြေတို့ကို ကွေးရာ၌ ပဓာန-အပ္ပဓာန ရုပ်တရား
၆။ လက်-ခြေတို့ကို ဆန့်ရာ၌ ပဓာန-အပ္ပဓာန ရုပ်တရား
၇။ ဒုကုဋ်သင်္ကန်းကို ကိုင်ဆောင်ရာ၌ ပဓာန-အပ္ပဓာန ရုပ်တရား
၈။ သပိတ်ကို ကိုင်ဆောင်ရာ၌ ပဓာန-အပ္ပဓာနရုပ်တရား
၉။ သင်းပိုင်နှင့် ကိုယ်ဝတ်သင်္ကန်းကို ကိုင်ဆောင်ရာ၌ ပဓာန-အပ္ပဓာနရုပ်တရား
၁၀။ စားရာ၌ ပဓာန-အပ္ပဓာန ရုပ်တရား
၁၁။ သောက်ရာ၌ ပဓာန-အပ္ပဓာန ရုပ်တရား
၁၂။ ခဲဖွယ်ကို ခဲရာ၌ ပဓာန-အပ္ပဓာန ရုပ်တရား
၁၃။ လျက်ဖွယ်ကို လျက်ရာ၌ ပဓာန-အပ္ပဓာန ရုပ်တရား
၁၄။ ကျင်ကြီးစွန့်ရာ၌ ပဓာန-အပ္ပဓာန ရုပ်တရား
၁၅။ ကျင်ငယ်စွန့်ရာ၌ ပဓာန-အပ္ပဓာန ရုပ်တရား
၁၆။ သွားရာ၌ ပဓာန-အပ္ပဓာန ရုပ်တရား
၁၇။ ရပ်ရာ၌ ပဓာန-အပ္ပဓာန ရုပ်တရား
၁၈။ ထိုင်ရာ၌ ပဓာန-အပ္ပဓာန ရုပ်တရား
၁၉။ အိပ်ပျော်ရာ၌ ပဓာန-အပ္ပဓာန ရုပ်တရား
၂၀။ အိပ်ရာမှ နိုးလာရာ၌ ပဓာန-အပ္ပဓာန ရုပ်တရား
၂၁။ စကားပြောဆိုရာ၌ ပဓာန-အပ္ပဓာန ရုပ်တရား
၂၂။ စကားမပြော ဆိတ်ဆိတ်နေရာ၌ ပဓာန-အပ္ပဓာန ရုပ်တရား
ဤရုပ်တရားတို့ကို သိမ်းဆည်းပါ။ ဉာဏ်ဖြင့် ပိုင်းခြားယူပါ။

ရုပ်ကမ္မဋ္ဌာန်းပိုင်း နိဂုံး
................................
ရှုကွက်လိုရင်း အတိုချုပ်မှတ်သားရန်-
အသင်သူတော်ကောင်းသည် ---
၁။ အာနာပါနကဲ့သို့သော သမထကမ္မဋ္ဌာန်းတစ်ခုခုကို ပွားများခိုက် ဖြစ်
လျှင် သွားခြင်း ရပ်ခြင်း ထိုင်ခြင်း လျောင်းခြင်း ရှေ့သို့တက်ခြင်း နောက်သို့
ဆုတ်ခြင်း စသော ထိုထို ဣရိယာပထရှုကွက် သမ္ပဇညရှုကွက်တို့၌လည်း
ယင်းသမထကမ္မဋ္ဌာန်းကိုပင် ဆက်လက်၍ ပွားများအားထုတ်နေပါ။ ယင်းသို့
အားထုတ်နိုင်ပါက ဂေါစရသမ္ပဇဉ်နှင့် ပြည့်စုံလေပြီ။
၂။ ဓာတ်ကမ္မဋ္ဌာန်းကို ပွားများခိုက်ဖြစ်လျှင် ဓာတ်တစ်ပါးကို ရှုနေခိုက်
ဓာတ်နှစ်ပါးကို ရှုနေခိုက် ဓာတ်သုံးပါးကို ရှုနေခိုက် ဓာတ်ကြီးလေးပါးလုံးကို
ရှုနေခိုက်ဖြစ်လျှင် ထိုထို ဣရိယာပထရှုကွက် သမ္ပဇညရှုကွက်တို့၌လည်း
ဓာတ်တစ်ပါးကိုç ဓာတ်နှစ်ပါးကို၊ ဓာတ်သုံးပါးကို၊ ဓာတ်ကြီးလေးပါးလုံးကိုပင်ရှုနေပါ။
၃။ (၆)ဒွါရ (၄၂)ကောဋ္ဌာသတို့၌ တည်ရှိသော ရုပ်တရားတို့ကို ပရမတ်
သို့ ဆိုက်အောင် သိမ်းဆည်းနိုင်သောအခါ ဉာဏ်ဖြင့် ပိုင်းခြားယူနိုင်သော
အခါ ထိုထိုဣရိယာပထရှုကွက် သမ္ပဇညရှုကွက်တို့၌လည်း ပဓာန-အပ္ပဓာန
ဖြစ်သော ရုပ်တရားတို့ကို = သယ်ဆောင်တတ်သော အခြင်းအရာအားဖြင့်
ဖြစ်နေသော ရုပ်တရား အသယ်ဆောင်ခံရသော အခြင်းအရာအားဖြင့် ဖြစ်
နေသော ရုပ်တရားတို့ကို တစ်လှည့်စီ ဦးစားပေးကာ သိမ်းဆည်း၍ ယင်း
ပဓာန-အပ္ပဓာန ရုပ်တရားအားလုံးကိုပင် ခြုံငုံ၍ သိမ်းဆည်းရှုပွားနေပါလေ။

တစ်ဖန် ယင်း ဣရိယာပထရုပ် သမ္ပဇညရုပ်တို့ကို ဖြစ်ပေါ်စေတတ်
သော မနောဒွါရိက ဇောဝီထိ စိတ်အစဉ်ဟူသော နာမ်တရားတို့ကိုလည်း
ယောဂါဝစရပုဂ္ဂိုလ်သည် ဆက်လက်၍ သိမ်းဆည်းရဦးမည်သာ ဖြစ်ပေသည်။
သို့အတွက် ယင်းနာမ်တရားတို့ကိုလည်း သိမ်းဆည်းနိုင်ရန် အသင်သူတော်
ကောင်းသည် နာမ်ကမ္မဋ္ဌာန်းပိုင်းကို ဆက်လက်၍ ကြိုးပမ်းပါလေလော့။
(အကျယ်တစ်ပွင့် လေ့လာလိုသောသူတော်ကောင်းအတွက် ဖားအောက်တောရဆရာတော်
ရုပ်ကမ္မဋ္ဌာန်းပိုင်း အားလေ့လာနိုင်ပါတယ် ။ ရုပ်ကမ္မဋ္ဌာန်းအား အစဉ်ရှုပွားအောင်မြင်ကာ
နိဗ္ဗာန်၏ အမှီသဟဲ ဖြစ်၍ နိဗ္ဗာန်သို့လျင်မြန်စောစွာရောက်ရှိနိုင်ကြပါစေ-----
ရုပ်ကမ္မဋ္ဌာန်းပိုင်း ---      http://www.mediafire.com/view/?26fyl3bvpjcyezq  

ဖားအောက်တောရဆရာတော်
စိတ္တလတောင်ကျောင်း
ဖားအောက်တောရ
ကောဇာသက္ကရာဇ် - ၁၃၆၇-ခုနှစ်

"ဖားအောက်တောရဆရာတော်"
http://bhikkhudhamma.blogspot.com/