ပဋိစ္စသမုပ္ပါဒ်ပိုင်း ရှုကွက်

"အတိတ်သို့ ဉာဏ်  စေလွှတ်ကြည့်ပါ"
ရှေ့ဦးစွာ သမာဓိကို အဆင့်ဆင့် ထူထောင်ပါ။ အဇ္ဈတ္တ ဗဟိဒ္ဓ သန္တာန်
နှစ်မျိုး၌ တည်ရှိသော ရုပ်နာမ်တို့ကို အဇ္ဈတ္တ တစ်လှည့် ဗဟိဒ္ဓ တစ်လှည့်
ကြိမ်ဖန်များစွာ သိမ်းဆည်းပါ။ အထူးသဖြင့် နံပါတ် (၆)လိုင်းဟု အမည်တပ်
ထားသော ဓမ္မာရုံလိုင်း၌ အကောင်းအုပ်စုများကို ဦးစားပေး၍ ရုပ်နာမ်ကို
သိမ်းဆည်းပါ။

 ထိုသို့ အကောင်းအုပ်စုများကိုသာ အချိန်များစွာ အကြိမ်
များစွာ ဦးစားပေး၍ သိမ်းဆည်းနေသော် ယောဂါဝစရပုဂ္ဂိုလ် အများစု၌
လင်းရောင်ခြည်စွမ်းအင်များသည် ပို၍ ပို၍ အားကောင်းလာတတ်ပါသည်။
အဇ္ဈတ္တ ဗဟိဒ္ဓ နှစ်မျိုးတို့၌ ထိုကဲ့သို့ ကြိမ်ဖန်များစွာ ရုပ်နာမ်ကို သိမ်းဆည်း
နေရခြင်းမှာ ဘုရားရှင်ကိုယ်တော်တိုင်က အကြောင်းတရားတို့ကို မရှာဖွေမီ
အဇ္ဈတ္တ ဗဟိဒ္ဓ သန္တာန် နှစ်မျိုးတို့၌ ရုပ်နာမ်တို့ကို သိမ်းဆည်းရန် မဟာသတိပဋ္ဌ
ာနသုတ္တန်၌ ညွှန်ကြားထားတော်မူသောကြောင့် ဖြစ်၏။ (ရှေး နာမ်
ကမ္မဋ္ဌာန်းပိုင်းတွင် ရှင်းပြခဲ့ပြီ။)

အထူးသဖြင့် ဗဟိဒ္ဓ ရုပ်နာမ်ကို မသိမ်းဆည်း
နိုင်သေးသော ယောဂါဝစရပုဂ္ဂိုလ်သည် အတိတ်ရုပ်နာမ်ကိုလည်း သိမ်း
ဆည်းနိုင်ဖို့ရန် အလွန်ခဲယဉ်းလှပေသည်။ အကြောင်းမူ အတိတ်ရုပ်နာမ်ကို
ရှုခြင်းသည် ဗဟိဒ္ဓရုပ်နာမ်ကို ရှုခြင်းနှင့် သဘောသွားချင်း တူနေသောကြောင့်
ဖြစ်၏။

အဇ္ဈတ္တ ဗဟိဒ္ဓ ရုပ်နာမ်တို့ကို သိမ်းဆည်းလိုက်သဖြင့် မိမိ၏ အသိဉာဏ်၌
မျက်စိအကြည် နားအကြည် နှာခေါင်းအကြည် လျှာအကြည် ကိုယ်
အကြည် ဘ၀င်မနောအကြည်ဟူသော အကြည်ဓာတ် (၆)ပါးလုံးကို ပို၍ပို၍
ထင်ထင်ရှားရှား မြင်လာသောအခါ အဇ္ဈတ္တ ဗဟိဒ္ဓ ရုပ်နာမ်ကို သိမ်းဆည်း
နေသော ဉာဏ်ကြောင့် အရောင်အလင်းများသည်လည်း ပို၍ပို၍ အား
ကောင်းလာသောအခါ ဤ ရုပ်တရား နာမ်တရားများသည် မည်သည့်
အကြောင်းတရားများကြောင့် ဖြစ်နေရပါသနည်းဟု အကြောင်းတရားတို့ကို
သိလိုသော စိတ်ဓာတ်ဖြင့် အတိတ်ဘက်သို့ အာရုံစိုက်၍ စိတ်ကို စေလွှတ်
ကြည့်ပါ = ဉာဏ်ကို စေလွှတ်ကြည့်ပါ။



ယင်းဉာဏ်ကြောင့် ဖြစ်ပေါ်နေသော
အလင်းရောင်များသည် မိမိ၏ ၀န်းကျင်ပတ်ချာ အရပ်ဆယ်မျက်နှာ၌
လင်းနေသည် မှန်သော်လည်း မိမိအာရုံ စိုက်ရှုနေသည့်ဘက်၌ ပို၍ပို၍
စူးစူးရှရှ တောက်ပနေသည်ကို ယောဂီအများစုသည် သတိပြုမိတတ်၏။
ထိုဉာဏ်အရောင်အလင်းဖြင့် အတိတ်အကြောင်းတရားတို့ကို ထိုးစိုက်၍
ရှာဖွေကြည့်ပါ။ အတိတ်က ပြုစုပျိုးထောင်ခဲ့ဖူးသော ယခုလက်ရှိ ပစ္စုပ္ပန်
ဝိပါက်ရုပ်နာမ်၏ အကြောင်းရင်းဖြစ်သော ကောင်းမှုကုသိုလ် သင်္ခါရ-ကံ
တစ်ခုခုသည် ပေါ်လာတတ်ပါသည်။ ဤစနစ်မှာ (အဘိ၊ဋ္ဌ၊၂၊၂၄၁။ မ၊ဋ္ဌ၊၁၊၂၈၁၊၊)

အဋ္ဌကထာကြီးများ၌ ဖော်ပြထားသော နည်းစနစ်ပင် ဖြစ်သည်။
အကယ်၍ ဤနည်းစနစ်ဖြင့် အတိတ်အကြောင်းတရားတို့ကို ရှာဖွေ၍
ကြည့်သော်လည်း အောင်မြင်မှုကို မရရှိခဲ့သော် ၀ိသုဒ္ဓိမဂ္ဂအဋ္ဌကထာ ပုဗ္ဗေနိဝါသာနုဿတိအဘိညာဏ်ပိုင်း
၌ လာရှိသော နည်းစနစ်ကို မှီး၍ အနီး
ကပ်ဆုံး ဣရိယာပုထ်၌ ဖြစ်ခဲ့သော ရုပ်နာမ်ကစ၍ အတိတ်ဘက်သို့ တစ်စ
တစ်စ တိုး၍ ရုပ်နာမ်ကို သိမ်းဆည်းကြည့်ပါ။ ဤနည်းစနစ်မှာ ယောဂီ
အများစု၌ အောင်မြင်မှုရရှိသော နည်းစနစ်ပင် ဖြစ်သည်။


ပဋိစ္စသမုပ္ပါဒ်ပိုင်း ရှုကွက်(ဒုတိယနည်း)
--------------------------------------------
"အနည်းစပ်ဆုံး အတိတ်ရုပ်နာမ်ဖြင့် စတင်ပါ "
အကယ်၍ ရှေ့နည်းစနစ်ဖြင့် အတိတ်အကြောင်းတရားတို့ကို ရှာဖွေ၍
ကြည့်သော်လည်း အောင်မြင်မှုကို မရရှိခဲ့သော် ၀ိသုဒ္ဓိမဂ္ဂအဋ္ဌကထာ ပုဗ္ဗေနိဝါသာနုဿတိအဘိညာဏ်ပိုင်း
၌ လာရှိသော နည်းစနစ်ကို မှီး၍ အနီး
ကပ်ဆုံး ဣရိယာပုထ်၌ ဖြစ်ခဲ့သော ရုပ်နာမ်ကစ၍ အတိတ်ဘက်သို့ တစ်စ
တစ်စ တိုး၍ ရုပ်နာမ်ကို သိမ်းဆည်းကြည့်ပါ။ ဤနည်းစနစ်မှာ ယောဂီ
အများစု၌ အောင်မြင်မှုရရှိသော နည်းစနစ်ပင် ဖြစ်သည်။

အကယ်၍ ဤနည်းစနစ်ဖြင့်လည်း မအောင်မြင် ဖြစ်နေခဲ့သော်
အတိတ်အကြောင်းတရားတို့ကို ရှာဖွေ၍ မတွေ့ဖြစ်နေသော် ပဋိစ္စသမုပ္ပါဒ်
ဒေသနာတော်၌ အလယ်ဖြစ်သော ကမ္မ၀ဋ်အမည်ရသည့် အာဟာရ လေး
ပါးမှ စ၍ အ၀ိဇ္ဇာသို့တိုင်အောင် ကြောင်း-ကျိုးဆက်၍ သိမ်းဆည်းသော
နည်းစနစ်ကို အသုံးပြုကြည့်ပါ။ သို့သော် ဤနည်းစနစ်ဖြင့် အကြောင်း
တရားတို့ကို ရှာဖွေသော ယောဂါဝစရပုဂ္ဂိုလ်သည် ပဋိစ္စသမုပ္ပါဒ်ဒေသနာတော်၌
ကျွမ်းကျင်လိမ္မာသူသာ ဖြစ်သင့်ပေသည်။

ဤ၌ကား ပုဗ္ဗေနိဝါသာနုဿတိအဘိညာဏ်ပိုင်း၌ လာရှိသော နည်း
စနစ်ကို မှီး၍ အနီးကပ်ဆုံး ဣရိယာပုထ်၌ ဖြစ်ခဲ့သော ရုပ်နာမ်ကစ၍
အတိတ်ရုပ်နာမ်တို့ကို သိမ်းဆည်းပုံနှင့် အကြောင်းတရား အကျိုးတရားတို့၏
ကြောင်း-ကျိုး ဆက်နွယ်မှုသဘောကို ရှုပွားပုံ သိမ်းဆည်းပုံများကို ဆက်လက်၍
ရေးသားတင်ပြပေအံ့။
အသင်သူတော်ကောင်းသည် တရားမထိုင်မီ ထိုင်မည့်ဆဲဆဲ၌ ဘုရား၌
ဆီမီးဖြစ်စေ ရေဖြစ်စေ ပန်းဖြစ်စေ လှူဒါန်း၍ နိဗ္ဗာန်ကို ဆုတောင်းပါ။
ထို့နောက် နိဗ္ဗာန်ကိုမရမီ စပ်ကြား၌ သံသရာဝယ် ကျင်လည်ရသော် ရဟန်း
ဘ၀ကို ဖြစ်စေ သို့မဟုတ် အမျိုးသမီးဘ၀ကို ဖြစ်စေ အသင်သူတော်ကောင်း
နှစ်ခြိုက်သည့် ဘ၀တစ်ခုကို ဆုတောင်းကြည့်ပါ။

ဝဋ္ဋနိဿိတကုသိုလ်ကံ
သည်သာလျှင် သမုဒယသစ္စာ ထိုက်သောကြောင့် ယင်းသမုဒယသစ္စာ
ကြောင့် ဒုက္ခသစ္စာဖြစ်ပုံကို အသင်သူတော်ကောင်းသည် လွယ်လွယ်ကူကူ
ရှု၍ ရရှိနိုင်မည်ဖြစ်သည်။ ထို့ကြောင့် ၀ဋ္ဋနိဿိတကုသိုလ် တစ်ခုကို ထူထောင်ခိုင်း
ခြင်း ဖြစ်သည်။ ထိုကုသိုလ်ကို ထူထောင်စဉ် ဆုတောင်းနေစဉ်
ဖြစ်ပေါ်သွားသည့် စိတ်အစဉ်များကိုလည်း သတိပြု၍ မှတ်သားထားပါ။
ထိုနောင် တရားထိုင်သည့်နေရာတွင် သမာဓိကို အဆင့်ဆင့် ထူထောင်၍
အဇ္ဈတ္တ ဗဟိဒ္ဓ နှစ်ဌာနတို့၌ ရုပ်နာမ်ကို သိမ်းဆည်းပါ။

 အထူးသဖြင့် ဓမ္မာရုံလိုင်း ကုသိုလ်ဇောဝီထိ စိတ်အစဉ်တို့ကို ဦးစားပေး၍ သိမ်း
ဆည်းပါ။ ထိုတွင်လည်း အသင်သူတော်ကောင်းသည် သမထယာနိကပုဂ္ဂိုလ်
ဖြစ်ပါမူ ဤနေရာတွင် ဈာန်နာမ်တရားတို့ကို ဦးစားပေး၍ သိမ်းဆည်းပါ။
အလင်းရောင်များ အလွန်အားကောင်းလာသောအခါ တရားမထိုင်မီ အနီး
ကပ်ဆုံး ဣရိယာပုထ်၌ ဖြစ်ခဲ့သော ယခင်ဘုရား၌ ပန်း-ဆီမီး-ရေချမ်း
လှူဒါန်း၍ ရဟန်းဘ၀ကို သို့မဟုတ် အမျိုးသမီးဘ၀ကို ဆုတောင်းနေသည့်
စိတ်အစဉ် နိဗ္ဗာန်ကို ဆုတောင်းနေသည့် စိတ်အစဉ်၊ လှူဒါန်းနေသည့်
စိတ်အစဉ် အစရှိသော နာမ်တရားတို့ကို သိမ်းဆည်းကြည့်ပါ။

ထိုနာမ်တရားတို့ကို သိမ်းဆည်းလိုလတ်သော် ယင်းနာမ်တရားတို့၏
မှီရာ ဟဒယ၌ တည်ရှိသော ဟဒယ၀တ္ထုနှင့်တကွ (၆၃)မျိုးသော ရုပ်တရား
များကို ရှေးဦးစွာ သိမ်းဆည်းပါ။ ယင်းရုပ်တရားတို့ကို သိမ်းဆည်းရာ၌လည်း
ယင်းဆုတောင်းစဉ် ကောင်းမှုကုသိုလ်ပြုစဉ် ခန္ဓာအိမ်၌ တည်ရှိသော ဓာတ်
ကြီးလေးပါးကို စတင်သိမ်းဆည်းပါ။ အထူးသဖြင့် ထိုစဉ်က နှလုံးအိမ်၌
တည်ရှိခဲ့သော ဓာတ်ကြီးလေးပါးကို သိမ်းဆည်းပါ။ ရုပ်ကလာပ်အမှုန်များကို
တွေ့သောအခါ ဟဒယ၀တ္ထုနှင့်တကွ (၆၃)မျိုးသော ရုပ်တရားများကို သိမ်း
ဆည်းပါ။

တစ်ဖန် ထိုဟဒယ၀တ္ထု၌ မှီတွယ်၍ ဖြစ်ပေါ်နေသော အိမ်ရှင်
ဘ၀င်စိတ်ကို ဆက်လက် သိမ်းဆည်းပါ။ ထိုဘ၀င်မနောအကြည်ဓာတ် =
မနောဒွါရကို သိမ်းဆည်းပြီးသောအခါ ထိုဘ၀င်မနောအကြည်ဓာတ်ကို
ရှေ့တိုးနောက်ဆုတ် ပြုလုပ်၍ ဘ၀င်မနောအကြည်ဓာတ်တို့၏ အကြား
အကြား၌ ဖြစ်ပေါ်သွားသော ၀ီထိစိတ်အစဉ်ဟု ခေါ်ဆိုအပ်သော နာမ်တရား
တို့ကို ဆက်လက်သိမ်းဆည်းပါ။ ထိုနာမ်တရားတို့ကို သိမ်းဆည်း၍ ရသော
အခါ ယခင် မိမိ တရားမထိုင်မီက တကယ်ဆုတောင်းခဲ့သော စိတ်အစဉ်
များနှင့် တူမတူကို သတိပြု၍ အကြိမ်ကြိမ် ဆန်းစစ်ကြည့်ပါ။ တူညီသည်ကို
တွေ့ရှိပါက အနီးကပ်ဆုံး ဣရိယာပုထ်၌ တည်ရှိခဲ့သော အတိတ်ရုပ်နာမ်ကို
သိမ်းဆည်းရနိုင်ပြီ ဖြစ်ပေသည်။

"သမထယာနိကပုဂ္ဂိုလ် ဖြစ်ပါမူ"
အသင်သူတော်ကောင်းသည် သမထယာနိကပုဂ္ဂိုလ်ဖြစ်၍ ဗြဟ္မာ့
ချမ်းသာ ဗြဟ္မာဘ၀ကို လိုလားတောင့်တခဲ့ပါမူ မိမိနှစ်ခြိုက်ရာ ဗြဟ္မာဘ၀
ကို ပို့ဆောင်ပေးမည့် ဈာန်ကိုကား ပရိတ္တဈာန် သို့မဟုတ် မဇ္ဈိမဈာန် သို့မ
ဟုတ် ပဏီတဈာန် ဖြစ်အောင် မိမိ၏ အလိုဆန္ဒနှင့် လျော်ညီစွာ ပွားများ
အားထုတ်ထားရမည် ဖြစ်သည်။ ထိုဈာန်သည်လည်း အကယ်၍ စတုတ္ထဈာန်
ဖြစ်မူ ထိုစတုတ္ထဈာန်ကို တစ်ဖန်ပြန်၍ ၀င်စားပါ။ ထိုစ်ာန္ကို မ၀င္စားမီ
သို့မဟုတ် ၀င်စားပြီးရာ အခါတို့၌ ဗြဟ္မာဘ၀ကိုလည်း ဆုတောင်းကြည့်ပါ။
သို့မဟုတ် စိတ်ညွတ်ကိုင်းရှိုင်းကြည့်ပါ။ ဆုတောင်းခြင်း စိတ်ညွတ်ကိုင်းရှိုင်း
ခြင်းတို့ကား အ၀ိဇ္ဇာ တဏှာ ဥပါဒါန် ဦးဆောင်သည့် ကိလေသ၀ဋ်ကို ပြုစု
ပျိုးထောင်နေခြင်း ဖြစ်၏။ ဈာန်ကို ကြိမ်ဖန်များစွာ ၀င်စားခြင်းကား သင်္ခါရ
နှင့် ကံဟူသော ကမ္မ၀ဋ်တရားတို့ကို ပြုစုပျိုးထောင်နေခြင်း ဖြစ်၏။

တစ်ဖန် အသင်သူတော်ကောင်းသည် ယင်းကိလေသ၀ဋ် နာမ်တရားစု
ကမ္မ၀ဋ် နာမ်တရားစုတို့ကိုလည်းကောင်း၊ ယင်းနာမ်တရားစုတို့၏ မှီရာ
ဝတ္ထုရုပ်တို့ကိုလည်းကောင်း တစ်ဖန်ပြန်၍ သိမ်းဆည်းပါ။ ထိုရုပ်နာမ်တို့ကို
သိမ်းဆည်း၍ ရရှိပါက အနီးကပ်ဆုံး အတိတ်ရုပ်နာမ်ကို သိမ်းဆည်းမှုသည်
အောင်မြင်သွားပြီ ဖြစ်ပေသည်။ ထိုသို့ အတိတ်ရုပ်နာမ်ကို သိမ်းဆည်းရာ၌
ရုပ်ပိုင်းတွင် ဟဒယ၀တ္ထုရုပ်ကိုလည်းကောင်း၊ နာမ်ပိုင်းတွင် ဘ၀င်မနော
အကြည်ဓာတ်ကိုလည်းကောင်း ရှေ့ဦးစွာ ဦးစားပေး၍ သိမ်းဆည်းရန်
မမေ့ပါနှင့်။

ဘ၀င်မနောအကြည်ဓာတ်ကိုလည်းကောင်း ရှေ့ဦးစွာ ဦးစားပေး၍ သိမ်းဆည်းရန်ဟုဆိုရာ၌
အသင်သူတော်ကောင်းအနေနှင့် သမထပိုင်းမှ ဈာန်သမာဓိအဆင့်ဆင့်ထူထောင်၍ ဈာန်နာမ်တရားတို့အား သိမ်းဆည်းခြင်းလည်းကောင်း ဝိပဿနာယာနိက အနေဖြင့် ဓာတ်ကမ္မဋ္ဌာန်းမှလည်းကောင်း ရှေးဦးစွာ ရုပ်ကမ္မဋ္ဌာန်းပိုင်း၌ ဟဒယဝတ္ထုရုပ်ကို ရှုတတ်ရပါမယ် ။ နာမ်ကမ္မဋ္ဌာန်းပိုင်းမှ နာမ်တရားတို့အားလည်းကောင်း သိမ်းဆည်းတတ်မှသာဘ၀င်မနောအကြည်ဓာတ်ကို အသင်သူတော်ကောင်းအနေနှင့် သိမ်းဆည်းတတ်မှပါ ။

ထိုဘ၀င်မနောအကြည်ဓာတ်ကို သိမ်းဆည်းတတ်မှသာ အတိတ်ဘဝ ရုပ်တရား နာမ်တရားတို့၏ အကြောင်းတရား အကျိုးတရား သိမ်းဆည်းနိုင်မည် ။ သို့ပါ၍ အသင်သူတော်ကောင်းအနေဖြင့် ဘ၀င်မနောအကြည်ဓာတ်ကို မရှုတတ်သေးဘဲ မိမိ၏အတိတ်ဘဝ အဆက်ဆက်တို့၏ အကြောင်းတရားအကျိုးတရားတို့အား သိမ်းဆည်း၍ မဖြစ်နိုင်ဟုသဘောပိုက်ပါလေ ။

"ဖားအောက်တောရဆရာတော်"
http://bhikkhudhamma.blogspot.com/