ယောဂီတစ်ဦး၏ပုံစံတစ်ခု

ယောဂီတစ်ဦးသည် အတိတ်ဘ၀ သေခါနီး မရဏာသန္နအခါကို စိုက်၍ ရှုလိုက်
သောအခါ ရုပ်နာမ်တို့ကို သိမ်းဆည်းလိုက်သောအခါ အတိတ်ဘ၀ သေခါနီး
ဘ၀င်မနောအကြည်ဓာတ်တွင် သံဃာတော်တစ်ပါးအား သစ်သီးဆွမ်း
လှူဒါန်းနေသည့် ကံအာရုံနိမိတ် ထင်နေသည်ကို တွေ့ရ၏။ တစ်ဖန် သစ်သီး
ဆွမ်း လောင်းလှူနေသော ခန္ဓာအစဉ်၌ တည်ရှိသော ဓာတ်ကြီးလေးပါးမှစ၍
ရုပ်နာမ်တို့ကို ဆက်လက်သိမ်းဆည်းလိုက်သောအခါ ခေတ်ပညာ မတတ်သည့်
ဆင်းရဲနွမ်းပါးလှသည့် ကျေးလက်တောသူဘ၀ကို နာကြည်းလျက်
ခေတ်ပညာတတ် မြို့ကြီးသူဖြစ်ရန် ဆုတောင်းနေသည့် စိတ်အစဉ်များကို
လည်းကောင်း သစ်သီးဆွမ်း လှူဒါန်းနေသည့် ကုသိုလ်စေတနာအုပ်စု စိတ်
အစဉ်တို့ကိုလည်းကောင်း တွေ့ရှိပြန်၏။ ထိုတွင် ---

၁။ အ၀ိဇ္ဇာ (=၂၀) = ခေတ်ပညာတတ် မြို့ကြီးသူဟု အသိမှားနေခြင်း
သဘော၊
၂။ တဏှာ (=၂၀) = ယင်းအမျိုးသမီးဘ၀ကို တွယ်တာတပ်မက်ခြင်း
သဘော၊
၃။ ဥပါဒါန် (=၂၀) = ယင်းအမျိုးသမီးဘ၀သို့ စိတ်ကပ်ရောက်စွဲနေခြင်း
သဘော၊
၎။ သင်္ခါရ (= ၃၄) = သံဃာတော်အား သစ်သီးဆွမ်း လောင်းလှူသည့်
ကုသိုလ်စေတနာအုပ်စု၊
၅။ ကံ = ယင်း သင်္ခါရ (= ၃၄)၏ ကမ္မသတ္တိ။

ဤ၌ (၂၀)ဟူသည်မှာ ကိလေသ၀ဋ် မနောဒွါရိကဇောဝီထိ အတွင်း
ဝယ် ဇောအသီးအသီး၌ တည်ရှိသော လောဘ-ဒိဋ္ဌိအုပ်စု နာမ်တရား (၂၀)
ဖြစ်သည်။ (၃၄)မှာ သစ်သီးဆွမ်း လှူဒါန်းနေသည့် မနောဒွါရိက ကုသိုလ်
ဇောဝီထိ အတွင်းဝယ် ဇောအသီးအသီး၌ တည်ရှိသော စိတ်စေတသိက်
နာမ်တရားစု = သဒ္ဓါ-ပညာအုပ်စု နာမ်တရားများပင် ဖြစ်ကြသည်။



ဤဘ၀တွင် ဤယောဂီမှာ ခေတ်ပညာတတ် မြို့ကြီးသူ တစ်ဦးပင်
ဖြစ်လာပေသည်။ ယင်းသစ်သီးဆွမ်း လှူဒါန်းခဲ့သည့် ကုသိုလ်ကံ၏ စွမ်းအင်
သတ္တိက ယခုဘ၀၀ယ် ထိုယောဂီ၏ ပဋိသန္ဓေ ၀ိပါက်ခန္ဓာငါးပါး အစရှိသော
ဝိပါက်ခန္ဓာအချို့ကို အကျိုးပေးနေသည်ကို ထိုယောဂီကိုယ်တိုင် ကြောင်း
ကျိုးဆက်စပ်၍ ရှုသောအခါ သမ္မာဒိဋ္ဌိဉာဏ်ဖြင့် ကိုယ်တိုင်မျက်မှောက်
ထွင်းဖောက်သိမြင်နေပေသည်။ ဤကဲ့သို့ အကြောင်းတရားနှင့် အကျိုးတ
ရားတို့၏ ကြောင်း-ကျိုး ဆက်နွယ်မှုသဘောကို ထိုးထွင်းသိမြင်နေသော
ဉာဏ်ကား ပစ္စယပရိဂ္ဂဟဉာဏ် = အကြောင်းတရားတို့ကို သိမ်းဆည်း
တတ်သော ဉာဏ်ပင်တည်း။

"ဖားအောက်တောရဆရာတော်"
http://bhikkhudhamma.blogspot.com/