မေ့မေ့လျော့လျော့ မနေလိုက်ပါနဲ့
••••••••••••••••••••••••••••••
ဃဋိကာရ အိုးထိန်းသည်ဆိုတာ ကဿပဘုရားရှင်၏ ထံမှ တရားတော်ကိုနာကြားပြီး အနာဂါမိမဂ်ဉာဏ်ဖိုလ်ဉာဏ် ရရှိထားတဲ့ သူတော်ကောင်း တစ်ဦးဖြစ်ပါတယ်။ မိမိရဲ့ အချစ်ဆုံး သူငယ်ချင်းဖြစ်တဲ့ ဘုန်းကြီးတို့ ဂေါတမဘုရားအလောင်းတော် ဇာတိပါလလုလင်ကို ကဿပဘုရားရှင်ထံ တရားနာရန်အလို့ငှာ အကြိမ်ကြိမ်တိုက်တွန်းပြီိး ခေါ်ဆောင်လာပြီိ။

ကဿပဘုရားရှင်က " ဇောတိပါလ.. သင်ဟာ ယုတ်ညံ့တဲ့အရာဌာနဖြစ်တဲ့ ကာမဂုဏ်တို့၌ သက်ဝင်တည်နေတဲ့ သူမျိုးမဟုတ်ပါဘူး..။ ဗောဓိပင်ခြေ မြတ်သော ပုလ္လင်ထက်မှာ သဗ္ဗညုတဉာဏ်ကို ရည်ရွယ်တောင့်ပြီး သက်ဝင်တည်နေတဲ့ သူမျိုးဖြစ်ပါတယ်။ သင်ကဲ့သို့သော် ပုဂ္ဂိုလ်တစ်ယောက်အဖို့ မေ့မေ့လျောလျော့ ပေါ့ပေါ့ဆဆ နေထိုင်ခြင်း ဆိုတာ မသင့်ပါပေ.." တဲ့။

ဒီမှာ ' မ့မေ့လျော့လျော့ ပေါ့ပေါ့ဆဆနဲ့ နေတယ်' ဆိုတာက ဘာပြောတာလဲ?။ ဒကာကြီးတွေ ဘယ်လိုသဘောပေါက်ကြလဲ?၊ သားနဲ့ပျော်တယ်၊ သမီးနဲ့ပျော်တယ်၊ မြေးနဲ့ပျော်တယ်၊ ပစ္စည်းဥစ္စာတွေနဲ့ပျော်တယ်၊ အဖိုးကြီးနဲ့ပျော်တယ်၊ အဖွားကြီးနဲ့ပျော်တယ်။ ဟုတ်သလား။ အဲ့ဒီလို ပျော်နေတာကို ဘာပြောတာလဲ?၊ မ့မေ့လျော့လျော့ ပေါ့ပေါ့ဆဆနဲ့ နေထိုင်နေကြတယ် တဲ့။

ဒီလို "မေ့မေ့လျော့လျော့ သားသမီး, ဇနီးမယား, သက်ရှိသက်မဲ့ ကာမဝတ္ထုတွေအပေါ်မှာ စွဲလန်းပြီိး နေထိုင်တယ် ဆိုတာက သင်လို မြတ်သော ဗောဓိပင်ခြေ ပုလ္လင်ထက်၌ သဗ္ဗညုတဉာဏ်ကို ရည်ရွယ်တောင့်တပြီး နေတဲ့ ယောကျာ်းကောင်းတစ်ယောက်အဖို့တော့ မတော်ပါဘူးကွယ်" ဒီလို မိန့်ကြားပါတယ်။

ဒီမှာ တပည့်တော်တို့က သဗ္ဗညုတဉာဏ်ကို မျှော်လင့်တောင့်ပြီး နေတဲ့ ပုဂ္ဂိုလ်တွေ မဟုတ်ဘူးလို့ ဒကာကြီးတွေ ဒကာမကြီးတွေ ဘက်က ဆင်ခြေပေးချင် ပေးမယ်။ အတူတူပါပဲ၊ မဂ်ဉာဏ်ဖိုလ်ကို မျှော်လင့်တောင့်တနေတဲ့ ပုဂ္ဂိုလ်အတွက်တော့ မ့မေ့လျော့လျော့ ပေါ့ပေါ့ဆဆနဲ့ နေထိုင်မယ်ဆို တော်ပါ့မလား?။ မသင့်တော်ပါဘူး။

ဒီလို မေ့မေ့လျောလျော့ ပေါ့ပေါ့ဆဆ မနေနဲ့ ဆိုတာ ဘာကိုဆိုလိုချင်လဲဆိုရင်... မိမိအတွက် အားကိုးအားထားပြုရမယ့် သမထ, ဝိပဿနာ ဘာဝနာတစ်ခုခုကို၊ အထူးသဖြင့် ဝိပဿနာဘာဝနာကို မမေ့မလျော့ပဲ အမြဲပွားများအားထုတ်ပါလို့ ဆိုလိုပါတယ်။
(မ၊၂၊၂၃၆။ ဃဋိကာရသုတ္တံ)

"ဖားအောက်တောရဆရာတော်"

Bhikkhu's Dhamma
https://www.facebook.com/Bhikkhu.BuddhaDhamma/

http://bhikkhudhamma.blogspot.com/