တန်ခိုးပေါ်ထင် ကုသိုလ်ရှင်
•••••••••••••••••••••••
ဒါန-သီလ-သမထ-ဝိပဿနာ အစဖြာသည့် ကုသိုလ်တရားဖြင့် မိမိတို့ရဲ့ စိတ်ဓာတ်ကို ထုံမွှမ်းထားတဲ့ ကုသိုလ်ရှင်တွေမှာ တန်ခိုးပေါ်ထင်တယ်။

လူ့ဘဝတွင် ညှိုးနွမ်းမှု မရှိဘဲ စည်းစိမ်ဥစ္စာတို့ဖြင့် ဖြိုးဝေကြွယ်ဝပြီးသာ နေရမှာဖြစ်တယ်။ ဒါန-သီလ-သမထ-ဝိပဿနာ အစဖြာတဲ့ ဒီကျင့်စဉ်တွေဟာ ဘုရားအစရှိတဲ့ ပညာရှိအပေါင်း သူတော်ကောင်း သူမြတ်လောင်းတို့ နှစ်ထောင်းအားရစွာ ဝမ်းမြောက်ဝမ်းသာ လိုက်နာပြုကျင့်တဲ့ ကျင့်ရိုးလမ်းမှန် ဖြစ်တယ်။ နောင်အနာဂတ်ဝယ် လောကီချမ်းသာ လောကုတ္တရာချမ်းသာဆိုတဲ့ ချမ်းသာအဝဝတွေကို ရရှိဖို့ရန် လမ်းရိုးလမ်းမှန်ကြီး ဖြစ်တယ်။

ကာယကံ စင်ကြယ်မှု ရှိအောင်, ဝစီကံ စင်ကြယ်မှု ရှိအောင်, မနောကံစင်ကြယ်မှု ရှိအောင် ဖြည့်ကျင့်ပါ။ ဥပုသ်-သီတင်း ကျင့်သုံးပါ။ သာသနာ့ ဗြဟ္မစရိယ မဂ္ဂဗြဟ္မစရိယခေါ်တဲ့ မွန်မြတ်သော သီလကျင့်စဉ် သမာဓိကျင့်စဉ် ပညာကျင့်စဉ်တွေကို မဂ်ဆိုက် ဖိုလ်ဆိုက်သည့်တိုင်အောင် ဖြည့်ကျင့်ပါ။ နေ့တစ်ဝက်မျှ စောင့်သုံးအပ်တဲ့ ဥပုသ်သီလကသော်လည်း မင်းဖြစ်အောင် ပို့ဆောင်ပေးနိုင်တဲ့သဘော ရှိတယ်။

ဒါကြောင့် ဒါန-သီလ-သမထ-ဝိပဿနာ အစဖြာတဲ့ ကုသိုလ်ဆယ်ခု မြတ်ကောင်းမှုတွေကို အောင်အောင်မြင်မြင် ပြည့်ပြည့်စုံစုံ ပြုစုပျိုးထောင်ထား ပြီးတဲ့ လူသားတစ်ဦးသာ ဖြစ်ပါစေ။ သမ္မာဒိဋ္ဌိဉာဏ်အမြင် ငါးမျိုးနှင့်သာ ပြည့်စုံပါစေ - ဒီလူသားတစ်ဦးအတွက် လူ့ပြည်-နတ်ပြည်လူ့ချမ်းသာ-နတ်ချမ်းသာဆိုတဲ့ သံသရာချမ်းသာတွေဟာ ရရှိဖို့ရန် မခက်ခဲ တော့ပြီ၊ ကျိန်းသေ ရရှိနိုင်ပြီဖြစ်တယ်။ စတုသစ္စသမ္မာဒိဋ္ဌိဆိုတဲ့ မှန်ကန်တဲ့ အသိအမြင် ရရှိထားပြီးတဲ့ ဒီသူတော်ကောင်းအဖို့ သံသရာခရီးမှာ အယူဝါဒရဲ့ဖောက်ပြန် ပြောင်းလဲသွားခြင်းဆိုတဲ့ ဒီသဘောတရားဟာ ဘယ်တော့မှ မရှိနိုင်တော့ဘူး။ ဒီလူမျိုးကို " မသေသူ "လို့ခေါ်ပါတယ်။

ဒါန-သီလ-သမထ-ဝိပဿနာ အစဖြာတဲ့ ကုသိုလ်တရားတွေကို ပြုစုပျိုးထောင်ဖို့ရန် မကြိုးစားဘဲ မေ့မေ့လျော့လျော့ ပေါ့ပေါ့ဆဆ နေထိုင်ကာ ဒီကုသိုလ်တွေကို ပြုစုပျိုးထောင်ဖို့ လုံ့လဝီရိယကို လွှတ်ချထားတဲ့ ပုဂ္ဂိုလ်တွေကို "လူသေ"တွေလို့ ခေါ်ဆိုပါတယ်။ ဘာကြောင့်လဲ?၊ ဒါန-သီလ-သမထ- ဝိပဿနာ အစဖြာတဲ့ ကုသိုလ်တရားတွေကို အောင်အောင်မြင်မြင် အပြင်းအထန် ကြိုးစားအားထုတ်ပါမှ အထက်မှာ ပြောပြခဲ့တဲ့ သမ္မာဒိဋ္ဌိဉာဏ်အမြင်အမျိုးမျိုးတွေကို ရရှိမှာ ဖြစ်တယ်။

ဒီ သမ္မာဒိဋ္ဌိ ဉာဏ်အမြင်တွေက အထူးသဖြင့် ဝိပဿနာသမ္မာဒိဋ္ဌိ၊ မဂ္ဂသမ္မာဒိဋ္ဌိ၊ ဖလသမ္မာဒိဋ္ဌိဆိုတဲ့ ဒီသမ္မာဒိဋ္ဌိဉာဏ်တွေက မသေရာ အမြိုက်နိဗ္ဗာန်ကို ရောက်အောင် ပို့ဆောင်ပေးမှာ ဖြစ်တယ်။ ဒီသမ္မာဒိဋ္ဌိ ဉာဏ်အမြင်တွေကို မရရှိတဲ့ ပုဂ္ဂိုလ်တွေ, ရရှိအောင် ကြိုးစားအားထုတ်မှု မရှိတဲ့ ပုဂ္ဂိုလ်တွေဟာ မသေရာ အမြိုက်နိဗ္ဗာန်ကို ဘယ်လိုမှ မရရှိနိုင်ဘူး။

မသေရာ အမြိုက်နိဗ္ဗာန်သို့ မရောက်ရှိတဲ့ ပုဂ္ဂိုလ်တွေဟာ တစ်ဘဝပြီး တစ်ဘဝ သေနေကြရမှာချည်း ဖြစ်တယ်၊ သေလို့ မဆုံးနိုင်တော့ဘူး။ ဒီ ပုဂ္ဂိုလ်တွေအတွက် အပါယ်လေးဘုံဆိုတဲ့ တံခါးကြီးက အမြဲတမ်း ပွင့်နေတယ်။ အပါယ်လေးဘုံသို့ ရောက်ရှိသွားတဲ့ ပုဂ္ဂိုလ်တစ်ယောက်အတွက် အိုနာ သေရေး ဒုက္ခဘေးမှ လွတ်မြောက်ဖို့ဆိုတဲ့ အခွင့်အလမ်းသည် အလွန်အလှမ်းဝေးလျက် ရှိနေတယ်။ ဘာကြောင့်လဲ?။

အို-နာ-သေရေး ဒုက္ခဘေးမှ လွတ်ရာလွတ်ကြောင်းဖြစ်တဲ့ သမထ-ဝိပဿနာကဲ့သို့သော တရားကောင်းတွေကို ကျင့်ကြံကြိုးကုတ် ပွားများအားထုတ်ဖို့ဆိုတဲ့ အခွင့်အရေးက အပါယ်လေးဘုံမှာ မရရှိနိုင် ဖြစ်နေခြင်းကြောင့် ဖြစ်ပါတယ်။

"ဖားအောက်တောရဆရာတော် "
Bhikkhu's Dhamma
https://www.facebook.com/Bhikkhu.BuddhaDhamma/

http://bhikkhudhamma.blogspot.com/