မိဘဝတ္တရားကျေဖို့
•••••••••••••••••
ဘုန်းကြီးတို့ သာသနာတော်မှာ နိဗ္ဗာန်ကို ဦးတည်နေတဲ့ လုပ်ငန်းတွေ ရှိပါတယ်။ ဒီထဲမှာ ငါးပါးသီလ အခြေခံပါတယ်၊ အမိအဖကို ရိုသေစွာပြုစုလုပ်ကျွေးခြင်းအစရှိတဲ့ အရိယာမဂ်၏ ရှေ့အဖို့၌ ပြုကျင့်ရမယ့် ပရိယတ် ကျင့်ဝတ်အားလုံးသည် အကျိုးရှိတဲ့ လုပ်ငန်း၊ နိဗ္ဗာန်ကို ဦးတည်နေတဲ့ လုပ်ငန်းတွေပါပဲ။

ဒီထဲမှာ ဒါနကျင့်စဉ်ပါတယ်၊ သီလကျင့်စဉ်၊ သမထကျင့်စဉ်၊ ဝိပဿနာကျင့်စဉ်တွေ ပါကြတယ်။ သီလပိုင်းမှာလည်း အမိကိုပြုစုလုပ်ကျွေးခြင်း၊ အဖကို ပြုစုလုပ်ကျွေးခြင်း၊ ဆွေမျိုးတွေကို ထောက်ပံ့ခြင်း၊ သားမယားတွေကို ထောက်ပံ့ခြင်း ဒီလို ကောင်းတဲ့ မင်္ဂလာလုပ်ငန်းတွေလည်း များစွာပါ ပါတယ်။ 

ဒါကြောင့် အကျိုးရှိတဲ့လုပ်ငန်း အကျိုးမရှိတဲ့လုပ်ငန်းကို ခွဲခြားစိတ်ဖြာပြီး သိတဲ့ ဉာဏ်လေးရဖို့တောင်တော့ လေ့လာဆည်းပူးဖို့ မကောင်းဘူးလား?၊ သိပ်ကောင်းပါတယ်။ ဒါပေမယ့် ဘုန်းကြီးတို့ ဘာသာက ကိုယ့်ဘာသာအကြောင်းကို လေ့လာချင်တဲ့ ဆန္ဒဓာတ်လေး မရှိကြဘူး။ 

မိဘတွေမှာလည်း လျော့နည်းတယ်။ မိဘတွေက လျော့နည်းနေတော့ သားသမီးကျ ပိုပြီးတော့ လျော့လာတယ်။ လျော့လာတော့ " ဒီသား ဒီသမီးတွေ ဆိုဆုံးမလို့ မကောင်းပါဘူး၊ ခုခေတ် လူငယ်တွေက တယ်..ဆုံးမရခက်တယ်" လို့ ပြောပြီ။ အခြေခံဖြစ်တဲ့ လေ့ကျင့်ရမယ် ကျင့်ဝတ် ပရိပတ်လေးတွေကို ငယ်စဉ်အခါတည်းက မိဘတွေက သားသမီးတွေကို စွဲနေအောင် လေ့ကျင့်ပေးဖို့ မကြိုးပမ်းကြဘူး။

ဒီလို မကြိုးပမ်းတော့ ဒီကလေးတွေက ဆိုဆုံးမရခက်တဲ့ ကလေးတွေ ဖြစ်ကုန်တယ်။ သို့သော်လည်း သတ္တဝါတိုင်းဟာ အားလုံးကြိုးပမ်းလို့ အောင်မြင်ရမယ် ဒီလိုတော့မဆိုပါဘူး။ ဒါပေမယ့် ကြိုးစားရင် ဘုရားဖြစ်ချင်တောင် တစ်ချိန်တော့ ဖြစ်နိုင်တဲ့ စွမ်းအား ရှိပါတယ်။ သူတော်ကောင်းနဲ့ ပေါင်းဖော်မိရင် သူတော်ကောင်းဓာတ် ကူးသွားတတ်တယ်။ လူယုတ်မာနဲ့ ပေါင်းဖော်မိရင်လည်း လူယုတ်မာဓာတ် ဆိုတာ ကူးတတ်တဲ့ သဘောရှိတော့ သူတော်ကောင်းဓာတ်လေးတွေ ကိန်းဝပ်တည်နေအောင် ဒီကလေးရဲ့ သန္တာန်မှာ ကြိုးပမ်းပေးဖို့အတွက် ဘယ်သူ့မှာ အများဆုံး တာဝန်ရှိသလဲ?၊ မိဘတွေ မှာ တာဝန်ရှိပါတယ်။ 

တစ်ချိန် ဘုန်းကြီးတောထဲ နေစဉ်အချိန်အခါက ဘုန်းကြီးကပ္ပိယမှာ သားလေးတစ်ယောက် ရှိပါတယ်။ ဒီသားလေးက ဘုန်းကြီးတွေ တရားထိုင်ပြီဆိုရင် သူကအော်ကျယ် ဟစ်ကျယ်နဲ့ သီချင်းပဲ ဆိုနေတော့၊ အဲ့ဒီ သီချင်းသံက ဘုန်းကြီးတွေ နားမှာ အနှောက်အယှက် ဖြစ်နေပါတယ်။ ဒါနဲ့ ပြောရတာလည်း သိပ်မကောင်းတော့ ပရိယာယ်အနေနဲ့ ကပ္ပိယလုပ်သူကို ဘုန်းကြီးက " မင်းကွာ ခလေးကို ဘုရားရှိခိုးလေး သင်ပေးရင်ကောင်းသား၊ ဒီသီချင်းတွေ သင်ပေးမယ့်အစား ဘုရားရှိခိုးသင်ပေးထားလို့ သူရွတ်ဖတ်နေရင် ကုကိုယ်သူဖြစ်တာပေါ့" ဘုန်းကြီးက ပြောကြည့်ပါတယ်။ ဒီလိုပြောတော့ ဘေးနားကပ်ထိုင်နေတဲ့ ဆရာတော်တစ်ပါးက ဘာပြောသလဲ?၊ " အော်... အရှင်ဘုရားကသာပြောတာ ဒီခလေး မိဘကိုယ်တိုင် ဘုရားရှိခိုးတောင် ရ ရရဲ့လား မပြောတတ်ဘူး" တဲ့။ အဲ့ဒီ ပုံစံဖြစ်နေတယ်။

ဒ်ီမှာ မိဘတွေ ကိုယ်တိုင်က ဤကားအကျိုးရှိတဲ့ လုပ်ငန်း ဤကားအကျိုးမရှိတဲ့ လုပ်ငန်း ခွဲခြားနိုင်တဲ့ စွမ်းအား မရှိကြဘူး။ သားသမီးရှိဖို့ ဆိုတာခက်ခဲပါတယ်။ မရှိဘူးလို့တော့ မပြောနိုင်ပါဘူး။ ဒီသားသမ်ီးကလည်း အတိတ်က ပါရမီကံအားလျော်စွာ မိတ်ကောင်းဆွေကောင်း ဆရာကောင်းသမားကောင်းတွေနဲ့ ပေါင်းဖော် ယှဉ်တွဲ မှီဝဲ ဆည်းကပ်ခွင့် ရရင်လည်း အကျိုးရှိတဲ့ လုပ်ငန်း၊ အကျိုးမရှိတဲ့ လုပ်ငန်းတွေ သူခွဲခြား သိလာနိုင်ပါတယ်။

ဒါကြောင့် ကလျာဏမိတ်ဆွေတွေထဲ မိဘတွေက ရှေ့တန်းကပါဝင်နေပါတယ်။ မိတ်ကောင်းဆွေကောင်းတွေရဲ့ တာဝန်ပြည့်ဝဖို့...၊ ဆိုဆုံးမ သွန်သင်တတ်ဖို့လည်း လိုအပ်ပါတယ်။

"ဖားအောက်တောရဆရာတော်"

Bhikkhu's Dhamma
https://www.facebook.com/Bhikkhu.BuddhaDhamma/

http://bhikkhudhamma.blogspot.com/