သရဏဂုံညစ်နွမ်းပျက်စီးကြောင်း(အပိုင်း- ၈)

•••••••••••••••••••••••••••••••••••••••••

နတ်တို့အားပူဇော်ပသခြင်း

•••••••••••••••••••••••

ဘုန်းကြီးတို့နတ်တွေကိုကိုးကွယ်ရမှာလား?။ပူဇော်ပသရမှာလားဆိုတဲ့ဒီအပိုင်းလေးကိုပြောချင်ပါတယ်။မဟာဝဂ္ဂပါဠိတော်စာမျက်နှာ(၃၂၄)မှာဘုရားရှင်ဟောကြားထားတာရှိပါတယ်။ပါတလိပုတ်ပြည်တည်တဲ့အပိုင်းလေးပေါ့၊ဒီမှာတန်ခိုးကြီးတဲ့နတ်တွေကရာထူးအာဏာကြီးတဲ့မှူးကြီးမတ်ရာတွေကိုစောင့်ရှောက်ဖို့တန်ခိုးနည်းတဲ့နတ်တွေကရာထူးငယ်တဲ့သူတွေကိုစောင့်ရှောက်ဖို့စီမံကြပါတယ်။ဒီအပိုင်းနဲ့ပါတ်သတ်လို့မြတ်စွာဘုရားရှင်ကဟောကြားထားတာလေးတစ်ခုရှိပါတယ်။ 

“ယသ္မိ`ံပဒေသေကပ္ပေတိဝါသံပဏ္ဍိတဇာတိယော၊သီလဝန္တေတ္ထဘောဇေတွာသညတေဗြဟ္မစာရယော။ပ။သဒါဘဒြာနိပဿတိ။” (ဝိ၊၃။၃၂၄)

သီလရှိတဲ့အရှင်ကောင်းအရှင်မြတ်တွေပညာရှိသူတော်ကောင်းတွေဤနေရာမှာကိုယ်နှုတ်နှလုံးကိုစောင့်စည်းပြီးမြတ်သောအကျင့်ကာနေထိုင်ကြတယ်။ဒီလိုသီလရှိတဲ့အရှင်ကောင်းအရှင်မြတ်တွေကိုလူသားတွေကလှူဒါန်းထောက်ပံ့ပြီးနောက်ထိုနေရာမှာမှီတင်းနေထိုင်ကြတဲ့နတ်တို့အားမိမိပြုတဲ့ကောင်းမှုကုသိုလ်တွေကိုအမျှအတန်းပေးဝေပါ။ပေးဝေလိုက်တော့ဘာဖြစ်သလဲ?၊မိမိတို့နေထိုင်တဲ့မရပ်မှာနေပြီးကောင်းမှုကုသိုလ်ကိုအမျှအတန်းပေးဝေခြင်းသည်နတ်တွေကိုပူဇော်ခြင်းဘဲ၊ဒီလိုအမြတ်တနိုးအမျှအတန်းပေးဝေလိုက်တဲ့လူသားတို့အားထိုနတ်တို့ကကာကွယ်စောင့်ရှောက်ကြတယ်တဲ့။အပူဇော်ခံရတဲ့နတ်တွေကပူဇော်တဲ့လူသားတွေကိုတုံ့လှည့်တစ်ဖန်ပူဇော်ကြပါတယ်။တုံ့လှည့်တစ်ဖန်မြတ်နိုးကြပါတယ်။ 

ဒီနေရာမှာမိခင်တစ်ဦးကတစ်ဦးတည်းသောသားကိုချစ်ခင်မြတ်နိူးစွာစောင့်ရှောက်သကဲ့သို့မိမိတို့အားအမြတ်တစ်နိုးအမျှပေးဝေလိုက်တဲ့လူသားတို့အားနတ်တို့ကကာကွယ်စောင့်ရှောက်ကြတယ်တဲ့။ဒီလိုအမျှပေးဝေတာကိုပင်နတ်တွေကိုပူဇော်တယ်လို့ခေါ်ပါတယ်။ဒီိလိုနတ်တွေရဲ့တုံ့လှည့်တစ်ဖန်ပူဇော်ခံရသောလူသားတွေသည်အခါခပ်သိမ်းကောင်းတဲ့အာရုံတွေသာတွေ့မြင်ခံစားရတယ်တဲ့။မကောင်းတဲ့အာရုံတွေဘယ်တော့မှမတွေ့ရပါဘူး။ 

ဒီတော့အဲ့ဒီထဲမှာနတ်တွေကိုရှိခိုးတာပါသလား?။မပါပါဘူး။အမျှပေးဝေတာပင်ပူဇော်တယ်လို့ခေါ်ပါတယ်။ဒီနေရာမှာရတနသုတ်ကလာတာလေးတွေနာကြည့်ရအောင်…

“ယာနီဓဘူတာနိသမာဂတာနိ၊

ဘုမ္မာနိဝါယာနိဝအန္တလိက္ခေ။

သဗ္ဗေ၀ဘူတာသုမနာဘ၀န္တု၊

အထောပိသက္ကစ္စသုဏန္တုဘာသိတံ။

 တသ္မာဟိဘူတာနိသာမေထသဗ္ဗေ၊

မေတ္တံကရောထမာနုသိယာပဇာယ။

ဒိဝါစရတ္တောစဟရန္တိယေဗလိံ၊

တသ္မာဟိနေရက္ခထအပ္ပမတ္တာ။”

ဣဓ= ဤပရိတ်တရားတော်မြတ်ရွတ်ဖတ်ရာဌာနဤအရပ်သို့။

ဘုမ္မာနိ= မြေ၌တည်ကြကုန်သော။

ယာနိဘူတာနိဝါ= အကြင်နတ်တို့သည်လည်းကောင်း။အန္တလိက္ခေ= အဇဋာပြင်ထက်ကောင်းကင်၌။

ယာနိဘူတာနိဝါ= အကြင်နတ်တို့သည်လည်းကောင်း။

သမာဂတာနိ= ညီညာဖြဖြစည်းဝေးရောက်လာကြပေကုန်၏။

သဗ္ဗေ၀= ခပ်သိမ်းဥဿုံအလုံးစုံသာလျှင်ဖြစ်ကြကုန်သော။

တေဘူတာ= ထိုနတ်များစွာတို့သည်။

သုမနာ= နှစ်သက်ရွှင်လန်းဝမ်းမြောက်သောစိတ်ထားရှိကြကုန်သည်။

ဘ၀န္တု= ဖြစ်ကြပါကုန်လော့။

အားလုံးသိကြတဲ့အတိုင်း  ဝေသာလီပြည်မှာအနာရောဂါဘေး၊အစာငတ်မွတ်ခေါင်းပါးတဲ့ဘေး၊ဘီလူးတွေရဲ့ပူးဝင်နှောက်ယှက်တဲ့ဘေးဆိုးကြီးတွေကြရောက်တော့ဝေသာလီပြည်ကြီးအတော်လေးပျက်စီးသွားပါတယ်။လူတွေလည်းအတော်လေးသေကြေကြပါတယ်။တိုတိုပြောရင်ဘုရားအမှူးရှိတဲ့သံဃာတော်တွေကြွရောက်ပြီ၊ဝေသာလီပြည်ကိုဘုရားရှင်ခြေတော်ချလိုက်ပြီဆိုတာနဲ့မိုးကြီးအကြီးအကျယ်ရွာချပါတယ်။လူသေအလောင်းစတဲ့အညစ်အကြေးတွေမျောပါသွားပါတယ်။ဒါနတ်တွေရဲ့ဆောင်ရွက်ချက်ပါဘဲ။ဘုရားရှင်ကြွလာပြီသီတင်းကြားတာနဲ့တန်ခိုးကြီးတဲ့နတ်တွေဆိုက်ရောက်လာပါတယ်။ဒီတန်ခိုးကြီးတဲ့နတ်တွေရောက်လာတဲ့တန်ခိုးနည်းတဲ့နတ်ဆိုးတွေဘီလူးတွေအကုန်လုံးထွက်ပြေးကုန်ပါတယ်။မြတ်စွာဘုရားရှင်ကရတနသုတ်ကိုစပြီးဟောကြားပါတယ်။သိကြားမင်းကြီးနဲ့တစ်ကွနတ်ပရိတ်သတ်တွေလည်းတရားနာလာကြပြီ။

အထောပိ= ထိုမှတစ်ပါးလည်း။

ဘာသိတံ= ငါဘုရားသည်ဟောကြားပြသဆိုဆုံးမတော်မူအပ်သော

ရတနသုတ်ပရိတ်အရံအတားကို။

သက္ကစ္စ= ရိုသေသမှုအလေးဂရုပြု၍။

သုဏန္တု= နာယူကြပါကုန်လော့။

ဘူတာ= အိုနတ်များစွာတို့...။

တသ္မာဟိ= ထိုကဲ့သို့တရားနာယူရန်ငါဘုရားတိုက်တွန်းတော်မူသော

ကြောင့်ပင်လျှင်။

တုမှေ= သင်နတ်များစွာတို့သည်။

နိသာမေထ= နားစိုက်ကြပါကုန်လော့။

မာနုသိယာပဇာယ= လူသားဖြစ်သောသတ္တ၀ါအပေါ်၌။

မေတ္တံ= ချစ်မြတ်နိုးခြင်းမေတ္တာတရားကို။

ကရောထ= ပြုကြပါကုန်လော့။

ယေ= ယင်းလူသားအပေါင်းတို့သည်။

တုမှာကံ= သင်နတ်များစွာတို့အား။

ဒိဝါစ= နေ့အခါ၌လည်းကောင်း။

ရတ္တောစ= ညဥ့်အခါ၌လည်းကောင်း။

ဗလိံ= ဒေ၀တာဗလိဟုခေါ်ဆိုအပ်သောပူဇော်ပသဖွယ်ရာအဖြာဖြာကို။

ဟရန္တိ= ဆောင်ယူပသပူဇော်ကြပေကုန်၏။

တသ္မာဟိ= ထို့ကြောင့်ပင်လျှင်။

တုမှေ= သင်နတ်များစွာတို့သည်။

နေ= ထိုလူသားအပေါင်းတို့ကို။

အပ္ပမတ္တာ= မမေ့မလျော့ကြကုန်ဘဲ။

ရက္ခထ= သနားစောင့်ရှောက်ကြပါကုန်လော့။

ဘုရားရှင်ကနတ်တွေကိုတိုက်တွန်းထားပါတယ်။ 

လူသားဖြစ်တဲ့သတ္တဝါတွေအပေါ်ချစ်ခင်မြတ်နိူးဖို့မြတ်စွာဘုရားမေတ္တာရပ်ခံပါတယ်။ဘာဖြစ်လို့လဲအကြောင်းပြချက်ကလူသားတို့သည်နေ့မှာသော်လည်းကောင်းညမှာသော်လည်းကောင်းအသင်နတ်တို့အားဒေ၀တာဗလိဟုခေါ်ဆိုအပ်သောပူဇော်ပသဖွယ်ရာအဖြာဖြာကိုပူဇော်ပသကြပါတယ်။ဒါကြောင့်ဒီလူသားတို့အပေါ်၌မမေ့မလျော့ကြကုန်ဘဲသနားစောင့်ရှောက်ကြပါလို့တိုက်တွန်းလိုက်ပါတယ်။

ဒီနေရာမှာ- ဒေဝတာဗလိဆိုတာလေးကိုပြောချင်လို့ပါ။နတ်တွေကိုပူဇော်ပသတယ်ဆိုတာသူတို့ကိုရှိခိုးတာဟာမဟုတ်ပါဘူး။မိတ်ကောင်းဆွေကောင်းတစ်ဦးကိုရိုသေစွာဧည့်ခံကျွေးမွေးတဲ့ပုံစံတစ်ခုမျိုးသာဖြစ်ပါတယ်။လ္ဘက်ကလေးလက်တစ်ဆစ်လောက်၊ကွမ်းရွက်ကလေးကတစ်ရွက်လောက်ဒီလိုပုံစံနဲ့လား၊မိမိရဲ့မိတ်ကောင်းဆွေကောင်းတစ်ရောက်ကိုဧည့်ခံကျွေးမွေးသလိုရိုရိုသေသေဧည့်ခံတာကိုဆိုလိုပါတယ်။ဒီမှာထင်ရှားအောင်ပုံစံလေးတစ်ခုလောက်ထုတ်ပြပါမယ်။အားလုံးကြားဖူးကြလိမ့်မယ်လို့ထင်ပါတယ်။ဓမ္မပဒအဋ္ဌကထာမှာယမကဝဂ်မှာလာတဲ့ကာဠီဘီလူးမဝတ္ထုပါ။သမင်မွေးရင်းကျားစားရင်းဆိုတဲ့ဇာတ်ကြောင်းလေးတစ်ခုပါပဲ။လင်တူမယားနှစ်ဦးတို့တစ်ဦးနှင့်တစ်ဦးရန်ငြိုးဖွဲ့လာခဲ့တဲ့ဇာတ်လမ်းလေးပါ။ဘုန်းကြီးတို့ဘုရားရှင်လက်ထက်ရောက်လာတော့တစ်ဦးကကာဠီအမည်ရဘီလူးမဖြစ်နေပြီတစ်ဦးကလူသားအမျိုးသမီးဖြစ်ပြီ။ဒီအမျိုးသမီးတို့ဇနီးမောင်နှံမှာကလေးရလာပြီဆိုကာဠီဘီလူးမကလာလာပြီးစားပါတယ်။တစ်နေ့မှာအမျိုးသမီးကမိဘရပ်ထံပြန်ပြီးမွေးပါတယ်။ဒီအချိန်မှာကာဠီဘီလူးမကဝေဿဝဏ်နတ်မင်းကြီးတို့ကိုရေကြည်တော်သွားရောက်ဆက်သနေရတဲ့အချိန်နဲ့ကြုံနေလို့မီးတွင်းမှာလာမစားနိုင်ဘဲအန္တရာယ်ကလွတ်သွားပါတယ်။အန္တရာယ်ကင်းပြီဆိုပြီးပြန်လာကြပါတယ်။ဇေတဝန်ကျောင်းတိုက်အနီးရေကန်တစ်ခုမှာရေဆင်းချိုးနေတုန်းအခိုက်ကာဠီဘီလူးမလာတာကိုတွေ့တော့အမျိုးသမီးလုပ်သူကသူ့ကလေးကိုပွေ့ချီပြီးဇေတဝန်ကျောင်းတိုက်ထဲပြေးဝင်ပါတယ်။  ကာဠီဘီလူးမကလည်းနောက်ကလိုက်ပါတယ်။ဒါပေမယ့်ဇေတဝန်ကျောင်းကိုစောင့်တဲ့တနတ်ကကာဠီဘီလူးမကိုပေးမဝင်ဘူးတားမြစ်ထားတယ်။ဘုရားရှင်အရှေ့ကိုဒီကလေးကိုပြေးချပြီးမိခင်လုပ်သူကကယ်တော်မူဖို့လျှောက်ထားပါတယ်။မြတ်စွာဘုရားကတံခါးစောင့်နတ်ကိုအမိန့်ပေးလိုက်ပါတယ်။ဒီဘီလူးမကိုဝင်ခွင့်ပေးလိုက်ပါ။ဘုရားရှင်ရှေ့ရောက်တော့မြတ်စွာဘုရားတရားဟောတော့ကာဠီဘီလူးမသည်သောတာပန်တည်သွားပါတယ်။သောတာပန်တည်ပြီးတောက်ကလေးကိုဘီလူးမလက်ထဲထည့်ခိုင်းလိုက်ပါတယ်။သူကကလေးကိုစားလိုစိတ်မရှိတော့ဘဲသားအရင်းကဲ့သို့ပွေ့ဖက်ထားပါတယ်။တိုတိုပြောရရင်နောက်ပိုင်းမှာဘီလူးမကငိုပါတယ်။မြတ်စွာဘုရားကဘာကြောင့်ငိုရသလဲမေးလိုက်တော့“တပည့်တော်သည်တစ်ချိန်ကသူတစ်ပါးရဲ့အသက်တွေကိုစားသောက်ပြီးနေခဲ့တဲ့ပုဂ္ဂိုလ်တစ်ဦးဖြစ်ပါတယ်။ယခုအခါမှာသောတာပတ္တိမဂ်ဖိုလ်တည်သွားပြီမို့သူတစ်ပါး၏အသက်ကိုသတ်ဖြတ်စားသောက်လိုစိတ်မရှိတော့ပါဘုရား၊တပည့်ရဲ့စားဝတ်နေရေးကိုလှမ်းမျှော်ကြည့်လိုက်ပြီးဝမ်းနည်းလို့ငိုတဲ့အကြောင်း”လျှောက်ထားလိုက်ပါတယ်။ 

ဒီအခါမှာဘုရားရှင်ကဒီဇနီးမောင်နှံကိုအိမ်ခေါ်သွားပြီးမိမိတို့ရဲ့မိဘသဖွယ်သဘောထားပြီးကျွေးမွေးစောင့်ရှောက်လိုက်ပါလို့မိန့်ကြားလိုက်ပါတယ်။ဇနီးမောင်နှံကအိမ်ကိုခေါ်သွားပါတယ်။ဒါပေမယ့်သူ့အတွက်နေရတာကျပ်တည်းကျင်းမြောင်းလေတော့ရွာဦးထိပ်မှာရှိတဲ့ညောင်ပင်ကြီးတစ်ပင်မှာသူ့ကိုသွားနေစေပြီးနေ့စဉ်စားဖို့သောက်ဖို့ပြုစုလုပ်ကျွေးကြပါတယ်။ဆွမ်းပို့ပေးတယ်ဆိုကြပါစို့။ဘီလူးမကဒီဇနီးမောင်နှံတို့ကိုဘယ်လိုပြန်ပြီးစောင့်ရှောက်ပေးသလဲဆိုတော့‘ဒီနှစ်မှာမိုးကောင်းလိမ့်မယ်နိမ့်တဲ့နေရာမှာလယ်မလုပ်ပါနဲ့ကုန်းကျတဲ့နေရာမှာလယ်လုပ်ပါ။အကြံဉာဏ်ပေးပါတယ်။ဒီနှစ်တော့မိုးနည်းလိမ့်မယ်ကုန်းမြင့်မှာလယ်မလုပ်ပါနဲ့ချိုင့်ဝှမ်းမှာလယ်လုပ်ပါ’ စသည်ဖြင့်အကြံဉာဏ်ပေးပါတယ်။ဒီလိုအကြံပေးလို့ဒီဇနီးမောင်နှံနှစ်ဦးဟာလယ်လုပ်ငန်းဖြင့်ကြီးပွားတိုးတက်လာကြပါတယ်။ဘေးကပုဂ္ဂိုလ်တွေကလည်းကြီးပွားတိုးတက်ပုံကိုမေးမြန်းပြီး‘တို့လည်းဒီကာဠီဘီလူးမကိုကျွေးမွေးပြုစုလို့မရဘူးလား’ ‘ရပါတယ်’ ဒီလိုနဲ့သွားပြီးကျွေးမွေးကြပါတယ်။ဒီလိုနဲ့ဟိုလူကကျွေးဒီလူကကျွေးနဲ့ဒီကာဠီဘီလူးမကိုပူဇော်ပသတဲ့ပွဲကြီးဖြစ်ပေါ်လာပါတယ်။ 

အဲ့ဒီမှာဒီဘီလူးမကိုကိုးကွယ်အားထားရာအဖြစ်နဲ့သွားပြီးရှိခိုးပူဇော်ကြတာမဟုတ်ပါဘူး။မိမိတို့ကိုစောင့်ရှောက်ပေးနေတဲ့မိတ်ကောင်းဆွေကောင်းတစ်ဦးအနေဖြင့်သာသွားပြီးတော့လှူဒါန်းပူဇော်ခြင်းသာဖြစ်ပါတယ်။အဲ့ဒီလိုကျွေးမွေးလှူဒါန်းနေတာကိုဒေဝတာဗလိလို့ခေါ်ပါတယ်။အဲ့ဒီလိုဘုရားရှင်လက်ထက်ကဒီလိုဒေဝတာဗလိလိုပူဇော်ပသမှုမျိုးတော့ရှိကြပါတယ်။ဘုရားရှင်လည်းခွင့်ပြုထားပါတယ်။ယခုကာမှာတော့ဘုရားနဲ့တစ်တန်းထဲထားပြီးကိုးကွယ်ကန်တော့ဆည်းကပ်နေတဲ့ပုံစံမျိုးမဟုတ်ပါဘူး။ဒီနေရာမှာနတ်တွေကိုကြောက်လို့ရှိခိုးတာကိုတော့မဆိုလိုပါဘူး။ကိုးကွယ်ဆည်းကပ်မှုနှင့်ပူဇော်ပသမှုအပိုင်းကိုဆိုလိုပါတယ်။ 

ဒီမှာယခုခေတ်တောင်ပြုံးပွဲကမင်းကြီးမင်းလေးလို့သူတို့ခေါ်နေတဲ့နတ်ပေါ့။ဒီလိုဟာတွေကိုမဆိုလိုသေးပါဘူး။ဒီမင်းကြီးမင်းလေးစတာတွေကိုတော့ဘယ်ထဲပါလည်းဆိုတာနောက်တော့ပြောပါ့မယ်။ဒီနေရာမှာဒကာတော်သိကြားတို့လိုနတ်တွေကိုဆိုလိုပါတယ်။ဒီတော့ပူဇော်တယ်ဆိုတာသီလရှိတဲ့အရှင်ကောင်းအရှင်မြတ်တွေပညာရှိသူတော်ကောင်းတွေကိုမိမိတို့လှူဖွယ်ဝတ္ထုပစ္စည်းအစုစုတို့ဖြင့်လှူဒါန်းထောက်ပံ့ပြီးမိမိ၏မိတ်ကောင်းဆွေကောင်းတစ်ဦးကိုရိုရိုသေသေလေးလေးစားစားအမျှကုသိုလ်ပေးဝေနေတာကိုဆိုလိုပါတယ်။ဒေဝတာဗလိလိုပူဇော်ပသမှုမျိုးကြတော့မိမိ၏မိတ်ကောင်းဆွေကောင်းတစ်ဦးကိုကျွေးမွေးပြုစုစောင့်ရှောက်သကဲ့သို့ပူဇော်ပသမှုမျိုးကိုဆိုလိုပါတယ်။ရတနာသုံးပါးကိုကိုးကွယ်ဆည်းကပ်ပူဇော်ကန်တော့သလိုတော့မဟုတ်ပါဘူး။ဒါကိုသတိရှိဖို့လိုအပ်ပါတယ်။ 

[ရတနာသုံးပါးကိုကိုးကွယ်ဆည်းကပ်လို့ရရှိမည့်အကျိုးကျေးဇူးနှင့်သရဏဂုံဘာကြောင့်ညှိုးနွမ်းပျက်စီးရပါသလဲဆိုတာဆက်လက်ဖော်ပြပါမည်။]

"ဖားအောက်တောရဆရာတော်"

Bhikkhu's Dhamma

https://www.facebook.com/Bhikkhu.BuddhaDhamma/

http://bhikkhudhamma.blogspot.com/